بعد تجربة الطلاء المط ....مشروع ألسنة اللهب Fire Flames

**Ahmed Samy** · 14-02-2009 05:42 PM

المشاركة الأصلية كتبت بواسطة PRO-DRIVE

من ساعه ما قلتلي انك عملت الاوردر من امازون و انا قلت انك اكيد مش حتصبر علي ما توصل :)

بس شغلك تمام

ما تفتح ورشه بدل العياده

؟

و ليه لأ
ممكن نفتح ورشة تحت العيادة
و لما العيان يسأل عني يقولوله " الدكتور بيجرب عربية و جاي"
هههههههههههههههه

المشاركة الأصلية كتبت بواسطة mo7a_mo7a

والله يا دكتور احمد الواحد مش عارف يقولك ايه
اشكرك علي الموضوع التحفة والصور الرائعة
ولا اشجعك انك تخش في عربية بالكامل علشان تمتعنا
ولا ايه ولا ايه

بس ان شاء الله احنا لازم نتقابل

و الله هما كلمتين زي دول يا دكتورنا اللي بنوا سور الصين العظيم
اللقــــــــــــــــــــا ء ده لاااازم
بس ترجعلنا بالسلامة

المشاركة الأصلية كتبت بواسطة mohamed_88sk

ما شاء الله
بجد شغل جامد

بس معلش استفسار هو اللهب ده بيتجاب منين ولا ايه نظامه عشان مش فاهم معلش

اللهب مش بيتجاب يا سيد محمد
اللهب ده بيترش (بيترسم بمسدس الرش)
و بيبقى شكله كأن العربية مولعه من قدام

**Ahmed Samy** · 14-02-2009 05:47 PM

المشاركة الأصلية كتبت بواسطة NaderNabil

يا دوك ابقي نادي عليي أجيللك قبل ما تعمل الحاجات دي :)

الله ينور عليك....انا بقول فكك من الأسنان و الكلام الفاضي ده...خليك في الشغل اللي بيجيب فلوس:):):)

أنا سامع ان شكل الأوكتافيا مش عاجبكو اليومين دول
و احنا عايزين متطوعين

بكده ..المرة الجاية هنادي عليك
انت روحتي فين يا هنادي

المشاركة الأصلية كتبت بواسطة mohamedsmsm

الله ينور عليك يا استاذ أحمد

فنااااااااااااااااااااااا اااااان

ربنا يخليك شاكر لمرورك

المشاركة الأصلية كتبت بواسطة karimone

شغل عالي قوي فعلا... مجهود رائع...

بيتهيألي لو كنت عملت الارضيه لون غير الابيض كانت هاتكون احلي كتير...

الله ينور عليك... ميه ميه...

فعلا
الأرضية لما بتكون سودا بالذااات بتبقى نااااااااار

بس أنا قولت أبدأ بالأبيض علشان أشوف العيوب بوضوح و أصلح من نفسي المرة الجاية

المشاركة الأصلية كتبت بواسطة fahd_628

الله ينور يا دوك شغل 100 100 و منتظرين التجربة بعد وصول العدة :)

ادعيلنا يا أسد الأسود
ربنا يفك أسرها

**Nour_Peugeot** · 14-02-2009 05:48 PM

'طول عمرك يا احمد باشا بتعمل الجديد

**Ahmed Samy** · 14-02-2009 05:55 PM

المشاركة الأصلية كتبت بواسطة ahmad7610

ايه الجمال ده ... تسلم ايدك بس بجد انا ليا سؤال ..
-
هو الطلب من amazon بيكون عن طريق الفيزا كارد ولا ازاى
وهل هو سهل كده وما هى تكلفة الشحن وكده ..
-
لانى كنت بفكر أجيب Dvd أصلى للعربية السوبارو وهو على النت أسعاره حلوة وشاشات Lcd محمولة وكده .. وشويه حاجات بسيطة كمان ... فهل الشراء من amazon سهل ..؟ وهل فيه مخاطرة .!؟
-
ياريت توضح لينا الموضوع ده .. وشكرا مقدما

في كارت اسمه الأهلي انترنت
ده بتحط فيه فلوس على قد اللي عايزه بالبندق المصري و هما بيحولو لأي عملة تانية

الشراء من أمازون مضمووون 100%
ناس محترمين جدا
و بيبعتوا لمصر في أغلب الأوقات (لأنهم مرة و لا اتنين مالاقيتش مصر في الدول) بس في العادي شغال
طبعا مافيش كيماويات و لا مواد خام و لا سوائل ممكن تدخل مصر
و لما الحاجة توصل انت هاتدفع جماركها
تكلفة الشحن هو بيقوللك عليها و انت بتـsubmit
و هي كتير شوية بس الحاجات غالبا تستاهل
لو بتجيب حاجات كتير هتلاقي الشحن بيقل لكل قطعة

المشاركة الأصلية كتبت بواسطة venus-doom

والله يا دكتور انت راجل دماغك زى الفل و عاليه جدا و تفكيرك حلو و جديد و اهم حاجه انك بتشغل وقت فراغك و مش بتعد مقضى الاجازه تليفزيون و جرايد هههههه.
منتظرين بقى الشغل الجديد و العده الجديده .
على فكره انت ممكن تفتح ورشه تعديل عربيات و تتسلى فيها فى الاجازه .
هو الرفرف ده رفرف لانسر مكواه مش كده ؟؟؟

الرفرف ده لانسر مكوة فعلا

بس ما تتخدعش فيا قوي ..بقيت الأجازة نوم ههههههههه

المشاركة الأصلية كتبت بواسطة zeyad1810

شغلك تمام يا دوك
بجد تسلم ايدك ودماغك

ربنا يخليك يا سيد زياد و تسلم ليا

**bee** · 14-02-2009 06:27 PM

المشاركة الأصلية كتبت بواسطة Ahmed Samy

بما اننا في أجازة نص السنة و الواحد ايديه بتاكله
بدأت محاولة التمكن من رش اللهب و غيره على السيارات
بدأت اتعلم بعمل أبسط الطرق لأنها الأسهل و الأقل في الأدوات

أولا ...
أخدت رفرف محروق من نسيبي قاللي أنه بايظ و مش محتاجه
و لاقاني شابط فيه قاللي خده ياسيدي ..لله

و اشتريت لوازم الشغل ( ما صرفتش كتير )

أهم حاجة كان مزيل الدهان لأنه فعلا فعلا سائل سحري
تحطه على الدهان و تسيبه نص ساعة

و تشيله زي المهلبية

بس كنت باسمع ان دهانات المصنه بتاخد وقت أطول و طلعت الإشاعة صحيحة

لحااااد ما وصلت للمرحلة دي
و بعدها بدأت الصنفرة تشتغل

بعد ربع ساعة صنفرة عنيفة و صلت للنتيجة دي

و بعدين يأتي دور البطانة علشان نغطي لون المعدن و الدهان "يعظم" في الصاج ...

و بعدين رشيت الرفرف أبيض ســـــــــــــــــــــــا دة

أنا أهو :k49:

و بعدين لزقت اللهب و قفلت الرفرف
و خلطت الألوان
و.....

بصو كده

و بعد ما نشف ....

طبعا في بعض عيوب الفنيش علشان أنا عملت الفيلم ده كله في يوم واحد و ما كنتش باستنى على الطبقات لحد ما تشد كويس ...بس ملحوقه و لا يهمكو

و في النهاية صورة كلية للعمل

و أنا أهو تاني

طبعا صاحب الرفرف لما شافه بقى كده قاللي انه عاوزه بس بعينه طبعا
هو دخول الحمام زي خروجه

و انتظروا تطوير الفكرة و توسيع للعمل بعد وصول العدة الجديدة من Amazon إن شاء الله

و عمار يا مصر

هههههههههههههه

الله ينور يا دكتور :k49:

بس بردو كان ممكن تعملهم استيكر أحسن

هههههههههههههههههه بهزر طبعا

**M.Mokhtar** · 14-02-2009 07:26 PM

ايه الكلام الكبير ده
:k49::k49::k49::k49:
احنا كده نفتح ورشنا لينا ونسميها نايل موتورز مش هتقدر تحوش جنيه

**ابو فرح** · 14-02-2009 07:31 PM

الله ينور عليك شغل 100 100

**sa3dawy** · 15-02-2009 12:42 AM

شغل مية مية والله يا دوك ..... طب اية وبتاع اية ... هوا الكلام دا بقى بيأكل عيش :d

**mo7a_mo7a** · 15-02-2009 01:03 AM

ربنا يخليك لينا يا دكتور وميحرمناش من تجاربك ابدا ابدا

الموضوع: بعد تجربة الطلاء المط ....مشروع ألسنة اللهب Fire Flames

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

قاذفة اللهب.........ماكلارين mp4-12c gt3

استخدام اللهب في استعدال جسم السيارات

الطلاء المط للسيارة......... تجربة فعلية بالصور

المحافظة على الطلاء

الكلمات الدلالية لهذا الموضوع

المفضلات

المفضلات

ضوابط المشاركة