الموضوع: خليها تصدى جننتهم بجد مقاله خالد اباظه 14-2 ادخلوا واضحكوا على اللى كاتبه

اصحاب العربيات مش عايزين ينزلوا الأسعار مع انها نزلت في كل دول العالم معتمدين على ان الشعب المصري شعب طيب وهيقول ياعم وهو انا لسه هستنى لما الأسعار تنزل انا هشتري دلوقتي وخلاص

لكن احنا بنقول لهم الأسعار هتنزل يعني هتنزل

واذا كنتم مش عايزين تنزلوها يبقى خلو العربيات معاكم أقولكم خللوها ...أو ... احشوها

- - - - - - - - - - - - - - - - - - - - - - - - - - - - - - - - - - - - - - - - - - - - - - - -

دة يا جماعه جزء من برنامج محمود سعد اللي بيقدمه على نجوم أف أم سمعته وأنا جاي النهاردة الصبح في الراديو يعني الحمله مسمعه في كل حته يعني كلنا لازم نتكاتف والناس الانهزاميه تفوق بقى وتعرف ان دي مصلحتنا كلنا عايزين نبقى ايجابيين بقى وكفاية نهب في جيوب الشعب المصري

صدقوني لو الحمله دي نجحت كل التجار هيعملوا حساب للمستهلك المصري زي ما بيعملوا حسابه بره ومحدش هيفكر يقرطس الناس على اساس ان الناس سلبيه والشعب المصري طيب ومبيعترضش


خليها تصدي وموديلها يعدي

بالعودة مرة أخري للمقال المنشور بالجريدة:
نجد أن الوكلاء و من خلفهم الأعلام المأجور يعمل علي أيجاد مبررات للأسعار الخيالية للسيارات في مصر و مرة أخرة تطل علينا لهجة زيادة اليورو و الدولار و الين و الجمارك و الضرائب , متناسيين أن أسعار الشحن البحري قد أنخفضت بنسبة تتجاوز ال 50 % و أنهم أصلا من قبل الازمة و هم يبالغون في المكسب (30 % - 45 %)

و هنا أود أن أقول للسادة المستهلكين أصحوا و لاتنخدعوا لمثل هذا الكلام و الحديث عن زيادة العملات الأجنبية

كما أود أيض أن أنبه السادة الوكلاء و التجار و من ورائهم الأعلام أن يفيقوا من الوهم الذي يعيشون فيه و أرادوا أن نعيش نحن معهم فيه فقد كشفت الازمة العالمية مدي جشعهم و أستغلالهم لنا منذ سنين و الأن كفاكم جشعا و نهبا لأموالنا و استخفافا بعقولنا