راى شخصى - لية خليها تصدى

**halloween** · 15-02-2009 12:19 PM

اولا انا مع الحملة و منتظر الاسعار ترخص علشان اشترى زيرو و ما عنديش مانع استنى لسبتمبر 2010 كمان
لكن علشان يبقى فية واقعية انا شايف انة:
1- تقسيط البنوك كانت تمثل 70% من مبيعات العربيات فى ال3 سنين اللى فاتو و فى الوقت الحالى بسبب الازمة و الخوف من المخاطر البنوك خلعت ايديها من القصة دى عن طريق زيادة الفائدة و الرسوم المختلفة
2- فى شركات فى القطاع الخاص ابتدت تمشى موظفين
3- سهوله متابعه و معرفة الاخبار على الانترنت فى كل العالم
4- دول الخليج مشت ناس كثير - و دة كان واضح فى العربيات اللى بالالاف المتروكة فى المطارات هناك

- يعتى ببساطة لما كان 7 من كل 10 بيشتروا عن طريق تقسيط البنوك الرقم دة يوصل دلوقت 1 او بالكثير 2 يعنى ادى 50% انخفاض فى المبيعات
ال 30% اللى فاضلين اما خايفين على وظايفهم او منتظرين الاسعار ترخص علشان ما يحسوش انهم انضحك عليهم.

كل دة قلل جدا القوة الشرائية مش بس فى العربيات لكن فى كل حاجة و لسة طبعا منتظر ان الكساد يزيد كمان.

يبقى طبيعى ان حتى لو خالد ظاظا و كل اصحاب التوكيلات عملوا قرود مش هيبقى فية لا حركة مبيعات و لا دياولو

و خليها تصدى لسبب بسيط انة مفيش اختيارات تانية كثير!!

**حماده المصري** · 15-02-2009 12:33 PM

بصراحه هي كده كده هتصدي مالهاش حل تاني

والي ايده في الميا مش زي الي ايده في الناس

الجشع بصراحه غريييييييب في البلد دي

النترا تمنها 91 مع الربح تغلى وتبقى ب 100 ليييييييييييه ومفيش فيها اختلاف

اعتقد في الوضع الطبيعي وبدون اي ازمات وكساد

الي يشتري عربيه ب 91 يشتريها ب 100 يبقى مغفل

**zeyad1810** · 15-02-2009 12:57 PM

اصلا دلوقتى مفيش سيولة مع معظم الناس واللى معاة قرشين نايم عليهم علشان البلد حالها واقف
يعنى حتى لو رخصت نسبة البيع مش هتكون زى الاول ابدا
الحل الافضل فى رايى علشان السوق يمشى هو ان الحكومة تلغى الجمارك هتلاقى العربيات نزلت 50% من تمنها

**karimone** · 15-02-2009 01:11 PM

هو الكساد مش هايطول العربيات بس... هايطول كل حاجه طبعاً و ربنا يستر علينا كلنا لان واضح ان الايام اللي جايه هاتكون صعبه قوي... بس احنا هنا مركزين علي العربيات...

أكيد هتصدي... او تتباع بالخساره...

**m_elsabah** · 15-02-2009 01:20 PM

المشاركة الأصلية كتبت بواسطة karimone

هو الكساد مش هايطول العربيات بس... هايطول كل حاجه طبعاً و ربنا يستر علينا كلنا لان واضح ان الايام اللي جايه هاتكون صعبه قوي... بس احنا هنا مركزين علي العربيات...

أكيد هتصدي... او تتباع بالخساره...

كلامك صح 100% يا باشا

**Samir Elshahawy** · 15-02-2009 01:35 PM

اللام عليكم جميعا...

أنا طبعا مع الحملة و من أشد المتحمسين لها , و مع أي حملة تحارب الجشع و الأستغلال و فرض الأمر الواقع علي المستهلك

و بغض النظر عن الأزمة العالمية أو المصرية و الأسباب التي ذكرها السيد الفاضل صاحب الموضوع فأنا أري أن مثل هذه الحملة و غيرها من حملات مشابهة كان يجب أطلاقها منذ فترة طويلة لأنه ليس من المعقول أن تباع سلعة ما بمصر بأضعاف سعرها الحقيقي بدون سبب منطقي لمجرد رغبة المستورد المحتكر لهذه السلعة في المكسب الفاحش علي حساب المستهلك

**basom** · 15-02-2009 04:19 PM

انا ليا راى اخر دلوقتى فى حالة ان العربيات الجديدة رخصت اية الى هيحصل فى المستعمل هيزيد ولا هيرخص طبعا هيرخص و الى عايز يبيع عربيتوة علشان يشترى عربية زيرو هيخسر كتييييير قوى يبقى الى كسبناة خسرناة و عروستى

**karimone** · 15-02-2009 04:36 PM

المشاركة الأصلية كتبت بواسطة basom

انا ليا راى اخر دلوقتى فى حالة ان العربيات الجديدة رخصت اية الى هيحصل فى المستعمل هيزيد ولا هيرخص طبعا هيرخص و الى عايز يبيع عربيتوة علشان يشترى عربية زيرو هيخسر كتييييير قوى يبقى الى كسبناة خسرناة و عروستى

طب و اللي معاهوش عربيه خالص و عاوز يشتري زيرو...؟

اكيد هايكون كسبان 100%...