مفيش منه جاهز وللا كلله تصنيع؟؟
عرض للطباعة
مفيش منه جاهز وللا كلله تصنيع؟؟
جاهز يعني أيه؟
قصدك استيراد؟ وانهي جزء الي بايظ عندك المشتر الأمامي ولا العلبتين الخلفيتين؟
ولو المشترك الأمامي هل هو بحساس واحد في الفرن أو بعد الفرن ولا بحساسين واحد في الفرن والتاني في الكتاليزر؟
رد وانا ممكن اعمل معاك صفقة كويسة ان شاء الله
إستيراد بس يكون بحالته ودورت على إستثمارى ملقتش وتقريبا هيصنعولها أى حاجة!!
عايز أغيره كلله
حساس واحد بعد الفرن
بولو 98 1000سى سى موتور Aer
أظن أقدر اجبهولك بس حتدفع مش أقل من 1000 - 1200 جنيه في المشترك الأمامي فقط
رد عليا وأنا ارجع أقولك ايه الموجود
أعتقد ان البايظ عنده حيكون غالباً المشترك الأمامي إلي فيه الكتاليزر
ارقام العلبتين الخلفيتين في الإبيزا هما:
6K6 253 609 T
6K6 253 409 H
ارقام العلبتين الخلفيتين في البولو هما:
6n0 253 609 G
6n0 253 209 L
الأرقام دي حتلاقيها مدقوقة على العلبة نفسها... البولو ميركبش على الإبيزا والعكس صحيح
الأرقام دي بتاعة الموتور ال Aer الـ 1000 سي سي في البولو والإبيزا
الشكمان عبارة عن جزئين...
الجزء الأمامي ودا فيه السوستة والالكتاليزر والحساسات بتاعة الشكمان إن وجدت
والجزء الخلفي ودا فيه العلبتين الوسطانية والأخيرة ودا عادة مش بيبوظ
انت انهي جزء بايظ عندك؟
انا الأعراض اللي كانت عندي كان صوت عالي من الشكمان عند السحب بالسيارة وخاصة في الغيار الخامس عند 90 كم و 3000 لفة في الدقيقة للمحرك رحت لواحد بتاع شكمانات قلي ان العلبة الخلفية بايظة واللي راكبه بتاعت بولو 1600 فغيرها بواحده مصري أصغر منها حجما وفعلا الصوت خف كتيييييييير وتقريبا اختفي والسحب بقي أحسن ولكن الصوت بدأ يظهر دلوقتي وتقريبا هيحتاج يتكشف عليه كله وأعتقد هتكون نفس العلبة الخلفية هيا اللي بايظة
إيهاب باشا أنا العلبة الي عندي هي الخلفية الأصلية بتاعت الإبيزا 98 بس لو عاوز تعرف الأرقام الي عليها كام هشوف وأقولك
طيب أولاً دا حمار وميفهمش حاجة...طب ليه؟
أقولك لأن نص قطر ماسورة الشكمان بتاعة البولو 1600 - 54 مم ونص قطر ماسورة شكمان حضرتك 42 مم يعني فيه فرق 12 مم. ولو بولو 1400 تبقى 48 مم.
دا معناه لو كلامه صح والعلبة الي راكبة بناعة 1600 يبقى حضرتك عندك الشكمان جي من ضيق على واسع وا يريح العربية أكتر لأنك كل متوسع الشكمان طرد العادم حيكون أسرع...
ولو العلبة بتاعة 1600 فمنطقي ومش عايزة تشغيل مخ يبقى صوت العربية حيقل...ليه؟ لأن ال Damping Materials أو مواد تثبيط الصوت الموجودة في العلبة أكثر كفاءة ودا لأن الموتور بتاع البولو 1600 أقوى وصوته أعلى..
يبقى بتشغيل مخنا وعقلنا وفكرنا الهندسي كلامه كله غلط
في واحد محترم بتاع شكمانات في الحرفيين اسمه المطراوي بص هو غالي شوية بس من الآخر هو جامد جداً ولو العملية محتاجة تغيير متغيرش عنده.. ورا ورشة ياسر في محل استيراد بتاع واحد حبيبي اسمه مجدي البيومي ودا متخصص بولو وإبيزا وسكودا وحاجات تانية شوف المطراوي يقولك ايه عايز يتغير وروح هات استيراد أصلي من عند البيومي وممكن تقولي وانا اكلمهولك يعمل معاك واجب
واي خدمه
طيب هو انا ممكن اكشف واشوف هتحتاج ايه وهتتكلف كام واستني شوية لحد ما ادبر حالي ماديا وبعدين اروح اغير واركب وبعدين هجيب الشكمان استيراد ولا ايه وممكن يكون مش كويس انا كنت عايزجديد
وياسر ده فين بالضبط من الشارع اللي فيه الشيخ حسن اللي عنده قطع غير الفولكس الجديدة وجنبه سراج بتاع المستعمل؟
بص هو كدا كدا الشكمان لو لقيته حتلاقيه غالي
البيومي في نزلة الريحاني وياسر الشارع إلي وراه
ابصط يا عم
بس انت ممكن تقوله الرقم المدقوق على العلبة علشان يعرف العلبة دي بتاعة أيه، أو ممكن تبعتهولي وانا أرد عليكم
الرقم المدقوق على العلبة في صورة 9 خانات وحرف بيكون في صورة
Xxx Xxx Xxx Y
حيث X دا رقم
وy حرف
دعوتين حلوين بنفس راضية وكدا يبقى عملت معايا أكبر واجب
معلومات معلومات معلومات إيه العبقرية دى يا بشمهندس أسامه أنا مش بلائى أسئلة!!
إمسك يا سيدي كمان الأرقام والشكل بتاع الشكمان العلبة الأمامية والعلبتين الوسطانية والأخيرة علشان متقولش أنا مقصر معاك في حاجة
الوصلة الأمامية بالكتاليزر
http://aglobalme.com/images/ex1.JPG
الوصلة الخلفية
http://aglobalme.com/images/ex2.JPG
ما شاء الله ولا قوة إلا بالله معلوماتك قيمة وربنا يكرمك ويزيدك يا رب ويجزيك عنا خير الجزاء ويجعله في ميزان حسناتك يا رب
يلا يا سيدي شوية دعوات بنفس راضية بس ربنا يتقبل منا ويرزقنا الإخلاص في القول والعمل
طيب ما ترفعلنا كمان بتوع الإبيزا نفس الموديل ونفس المحرك
صباح الخير يا باشمهندس إيهاب
يافندم ربنا يتقبل منا ومنك صادق وخالص الدعاء إن شاء الله
على فكرة الصورتين دول للبولو 98 موتور 1000 سي سي علشان أخونا أوريجينال الي بيخش يرد كل أسبوع.......
لو عايز بتوع عربيتك...أنا رهن الإشارة
الوصلة الأمامية
http://aglobalme.com/images/ex3.JPG
الوصلة الخلفية
http://aglobalme.com/images/ex4.JPG
أسف يا هندسة بس العلبة الخلفية الأخيرة للمحرك بتاعي Aer مش ظاهره نرجو منك رفعها وشكرا
العلبة الخلفية - سقطت سهواً
http://www.aglobalme.com/images/ex5.JPG
هقلك على حاجه حلوه قوى أنزل على مصنع ابو اليزيد فى 6 أكتوبر هيديك العلبه الى ورا دى ب 350أو 370 أنا كنت جايبهامن هناك لعربيتى من كام شهر ب 450 وشغاله زى الفل وكنت رحت بعد كده عنده عشان أعمل صيانه للحام لقيتهم قالولى أن سعرها نزل وعلى فكره العلبه أصلى والناس دى محترمه قوى وبيديك ضمان سنه
أنا سمعت عن شركات كتير في 6 اكتوبر شغالة في الحجات دي وكمان عندهم علب بيئة.
بس أنا ليا نقطة عند حضرتك، العلبة قد تكون مشابهة للأصلي ولكنها بالقطع ليس أصلي تصنيع فولكس..
سعر العلبة الخلفية في فولكس سنة 2006 هة 111.68 يورو بدون شحن وجمارك
لو أبو اليزيد هيركبها من غير لحام تبأا تمام..
طيب ممكن يصنعو الشكمان كلله لو نزلوه بالضبط؟؟
أنا كنت سألت على الشكمان كامل بس فى توكيل فولكس بالإمارات هيتكلف بالمصرى 10000جنيه والسبب إن أول وصلة اللى فيها علبة البيئة ب 6500جنيه لوحدها تقريبا!!! وكان هييجى من ألمانيا
أيوه ياجماعه أبو اليزيد أغلب شغلو من غير لحام أما العنوان
هتاخد المحور التانى الى هو فى جامع الحصرى على يمينك وهتخليك ماشى لحد ماتدخل المنطقه الصناعيه
هتلاقى اليفط بتاعته محطوطه على الطريق لحد ماتلاقى يافطه بسهم للشمال هتدخل شمال هتمشى شويه وهتعدى تقاطع هتلاقيه على الشمال
بص هو هتلاقى عنده قطع جاهزه هو مستوردها من فرنسا أما موضوع علبه البيئه دى مضحكش عليك هو حطلى بديل ليها بيقوم بنفس وظيفتها ماعدا تحويل ثناى أكسيد الكربون انت أكيد فاهم وعارف أن الفحم الى بيبقى جوا العلبه دى غالى موت يأورجنال
طبعا أكيد معليهاش علامه الفولكس وهو أيه فى قطع الغيار دلوقتى بينزل عليه علامه الفولكس وحتى لو عليه العلامه العلامه بتتضرب وياما أشترينه حاجات على أنها أصلى وبتطلع مضروبه على فكره أنا ماليش علاقه بالمصنع نهائى والله بس أنا حبيت أخدم الناس لأن بجد والله الحاجه بتعتهم نضيفه جدا ومحترمه دا غير معاملتهم المحترمه وانك خلال السنه لو عندك أى مشكله بترحلهم ويقابلوك مقابله كويسه
محدش قال يافندم انك تبع المصنع وانا قلت قبلك اني سمعت عن مصانع في أكتوبر شغالة في الحاجات دي.
أنا عن نفسي بقول لو عندك الكتاليزر بايظ، ممكن تنزل تجيبه استيراد من الحرفيين وتقص وتلحم ودا حيكون أفضل. أما لو الوصلة الخلفية هي إلي بايظة وانت متأكد ان المصنع بيفصل كويس يبقى مفيش مشكلة خالص وأكيد حتكون أوفر من الجديد الأصلي وغالباً مش حتلاقي الوصلة الخلفية عند حد في الحرفيين لأن غالبية الناس دلوقتي بتجيب شغلها من اليابان وفي اليابان بيقصوا الشكمان والعربية بتتصدر ويخدوه ولو لقيت الوصلة الخلفية حتكون من أوروبا وحتلاقيها غالية. الوصلة الأمامية في إيطاليا استيراد واقفة بحوالي 100 يورو شوف انت بقى على بال ما تيجي مصر التاجر يبعها بكام مش أقل من 1000 جنيه
طبعا ياباشا لازم تكون أترفعت أخر حاجه بس على فكره العلب الى عندهم جاهزه ومن فرنسا بس مش فاهم ايه السر فى أنها سعرها حلو ممكن يكون عشان هو المستورد الأساسى ليه وان محدش دخل فى النص من اتجار الحلوين وعلى فكره كل شغل تركيبه لاوكير وسيلكون حرارى وأستخدامه للحام قليل قوى بس ممكن أسألك سؤال بالنسبه لموضوع تسقيط الماتور هو 1400 حاجته متوفره عند محلات قطع الغيار الجديد ولا الأستيراد