يا جماعة انا جربت التكييف و شغلته لمدة 10-15 دقيقة و لاحظت الاتى:
برودة الهواء عالية و يخليك cool.. :biggrin:
سرعة الهواء و معدل سريانه عالى جدااااااااااااااا و لو قفلت الهوايات الجانبية سرعة الهواء بتزيد جدا فى الهوايات الوسطى و الهواء بيكون قوى جدا فى المقاعد الخلفية.
بالنسبة لتأثيره على السحب بجد محستش بتأثير و ده اللى استغربت له!!! بس انا كنت ماشى جوا المدينة و الشواع الجانبية.. يعنى اول و تانى و تالت و جبت الرابع مرة واحدة. بس لاحظت انه مش مأثر على الطلعة و على التانى ملاحظتش فرق و فى التالت فى فرق بس مش كبيير ممكن تحسه فى المطالع لكن مازال التالت بيسحب من سرعة 30-35 و انا اصلا سواقتى هاديه فيمكن علشان مش بقرص عليها محستش بالفرق بس لما بوصل لاعلى عزم فى النقلة (حوالى 2800 rpm) بحس انها عايزه تجرى. و التأثير بجد بجد غير ملحوظ فى السواقة العادية, انا لما كنت بسوق اللانوس كان التكييف بيأثر على سحبها جامد يمكن فى ال i10 الكومبريسور صغير و بجد دى ميزه حلوه انه ميحملش على المحرك اكتر.
لما فصلت التكييف على المطلع كنت على التالت و بجد ملاحظتش فرق كبيير لكن كان فى فرق. و اكتر حاجه خدت بالى منها هى النتشة اللى بتبقى موجودة فى النقل بين التانى و التالت على سرعة 35-40 مكانتش ملحوظة اثناء تشغيل التكييف.
يعنى من الاخر اديها امتياز بالتكييف و لسه هحكم اكتر فى الصيف و درجات الحرارة الملهلبة. و ان شاء الله ابقى اشوف استهلاك البنزين ايه نظامه؟؟.
انا شغلت التكييف علشان قريت فى الكتالوج ملحوظة انك لازم تشغله على الاقل مره كل شهر و لو لعدة دقائق.