الله اعلم, محدش يعرف حاجة فى الفترة دى بس على ما اعتقد ان هيونداى نزلت اسعارها لان شيفروليه كانت منزله و لو الاسعار زادت تانى هيزودوا كل الموديلات !!!
عرض للطباعة
اية أخبار أسعار قطع الغيار لها
فوانيس أمامية , خلفية , أكصدامات , رفارف . وغيره
معلش يا ميشو شكلك زهقت منى انا عارف وجعت دماغك من كتر الأسئلة لاكن انا بصراحة بحب ابقا عارف كل حاجة فى العربية الى هاجيبها قبل ما أجيبها علشان من اسبوع نزلت شارع دمشق بسأل محل عنها قالى دة منزلهاش عندهم غير تيل فرامل فقط
لأ يا باشا, بس انزل اسأل فى التوكيل علشان هتلاقى كل اللى عايز تعرفه و كمان فى شارع دمشق مش كل الحاجات تثق فيها و انها اصلية و كمان التوكيل ممكن يكون ارخص من بره و ده عن تجربة.
أنا سألت فى التوكيل على الساعة اللى فى التابلوه اللى كانت بتنزل فى 2008 و طلعت بمبلغ خيالى توقع كاااااااااااااااااااااااا ااااااااااااااااااااااام
600 جنيه
ساعة وبـ600 جنية ليةةةةةةةةةةةةةةةةةةةةةةة ةةةةةةةة
طيب هل يوجد منها خليجى
حد يعرف؟
أيه التقرير الجنان ده يا جميل ان اكيد متخصص
الف مبروك يا باشا
الف مبروك ربنا يكفيك شرها
تقرير زي الفل شكرا جزيلا عليه
الف مبروك ياباشا وربنا يكفيك شرها
انا كمان لسه جايب واحده هاف اوبشن سوداء
وعجبانى جدااا
انت المفروض تشغل التكييف امتى إن شاء الله
الف مبروووووووووووووك العربيه
انا كمان معايا i10 بس 2008 والحمد لله العربيه حلوه جدا معايا انا عامل بيها 33 الف كيلو اصلي من سكان العبور وشغلي في مدينة نصر واحيانا بيبقى في اكتوبر
ألف مبروووووووووووووووووووووو وك
اه كنت عايز اقول حاجه بخصوص التكييف
هو حلو (بس الفيرنا احلى شويه) بس فلتر التكييف بيتسد بسرعه فلازم تنضفه كل شويه
بس الاحسن عشان تحافظ على الفلتر خليك مشغل الزرار بتاع دخول الهوا من داخل العربيه على طووووول حتى لو مش فاتح التكييف
والف مبرووووووك مره كمان
المعلومة دي هايلة وصحيحة وأنا عندي في العربية بعمل كده يا جماعة أنا كنت عامل موضوع ومسميه دليل شامل لمالكي السيارة I10 ياريت نشترك فيه كلنا ونتبادل الخبرات حول السيارة وعلى فكرة انا شغلت التكييف من أول ما جبت السيارة ومفيش اي مشكلة حصلت معايا
الله يبارك فيك.
انا بردوا لاحظت موضوع قفل الهوايات و سايبها من شهر مقفولة. بس اللى خلانى اقفلها مش الخوف على الفلتر لكن لانى نزلت فى مره لقيت ريحة العربية كأنى كنت مبيت حمار جواها.. فعرفت كده و بقيت قافلها. انا سمعت ان الفيرنا مفيهاش فلتر فقولت يمكن ال i10 مفهاش هى كمان؟؟؟
بالنسبة لتكييف العربية انا مجربتوش غير مرة مكملتش دقيقة لكن والدى ركب العربية يوم و شغله و فعلا بيقولى انه مش ساقع زى الماتريكس لكن تدفق الهواء عالى و انا معرفش تكييف الفيرنا ايه نظامه؟... انا مصدقتش اوى و معرفش ممكن يتحسن ولا لأ. عموما انا لى واحد صاحبى متخصص فى تكييفات العربيات هسأله و اشوف. شكرا
تقييم ممتاز .. وشرح وافي .. ويا ريت يتدعم بصور با باشا .. تكون المنظومة كلها كملت .. وربنا يباركلك فيها .. ويكفيك شرها
شكرا ليك يا باشا و ان شاء الله اصورها و بعتذر.
بس انا كنت موضوع للصور فيه اختها.
http://www.nilemotors.net/Nile/showthread.php?t=61496
الف مبروك يا ميشو على العربية
بس ليا طلب صغير لو ينفع تصورهالنا من جوة لان كل الصور اللى على النت مش زى اللى هنافى مصر
شكرا يا باشا...
انا لحد دلوقتى مش مصدق. ده كان فى واحد جنبى بيشترى هواية تكييف (مش متأكد اوى) لعربية هيونداى سوناتاااااااااااااااااااا ااااااااااااااااااااااااا ااااااااااااااااااااااااا اااااااااااااااااااااا
و كانت ب 20 جنيه معرفش ازاى ساعة ب 600 جنيه و ياريت ليها لزمه, دا الكاسيت فيه ساعه و ارخص :C_laugh[1]:
عندى استفسار تانى معلش
انا لسة جديد فى السواة واعرف ان الـ Rpm ده اللى بيوضح عدد لفات الموتور هل عدم وجوده فى العربية حياثر على حاجة؟؟
لأ مفيش اى مشكلة.. لكن ال rpm لو موجود هيخليك تعرف تظبط البنزين و انت طالع علشان العربية متبطلش منك مثلا, و كمان بيعرفك امتى تنقك لو لسه معندكش ال sense ده لكن ان شاء الله تتعود و كمان بيحميك من انك تزود سرعة المحرك اكتر من اللازم عن طريق ال red line يعنى عند 6000 لفه او اكتر.
[QUOTE=mhamza3;717443]ألف شكر على ردك يا ميشو فى واحد صاحبى قاللى انى ممكن اركبلها ار بى ام وشوفتو راكب فى شوية عربيات ينفع ده وياترى بكام[/QUOTE
لا شكر على واجب يا باشا, و طبعا ممكن تركب rpm فى اى عربية حتى ال 127 و 128 و ليه اكتر من شكل و هو موجود فى محلات الاكسسوارات و اكيد فى التوفيقية و شارع دمشق فى مصر الجديدة..
بس اسعاره معرفهاش بس اعتقد فى حدود 300 جنيه
انا عملت موضوع فى قسم البوم صور الاعضاء و فيه صور العربية يا رب يعجبكم و يفيدكم.
اللينك:
http://www.nilemotors.net/Nile/showthread.php?t=66214
تقرير راااائع ووافى جدا
مبروووووووووووك
انا جبيت العربية ديه من ابو غالى
هما كانوا كويسين فى الاول بس اكتشفت بعد كده انهم حرمية
اولا مخديش منهم اى هدايا مع العربية و لما قولتلهم قالوا كفايه المفتاح هديه
ثانيا قوللى ناقص الهوائى و الولاعة مخدهمش قالوا تعال كمان يومين خدهم و انا شارى العربية من شهرين و تقريبا يوميا اتصال بيهم و مفيش فايدة و مخدتش حاجة
فنصيحة محدش يشترى منهم بجد
انا كمان اول ما اشتريت بقى مفيش هدايا و فى الاخر خدت منهم ميداليه راميها فى الدرج (او فى الزبالة مش متذكر:biggrin:)
و متسكتش على حقك لان الهوائى اعتقد من غيره الراديو هيكون وحش جدا. روح و خد منهم الحاجة دى من اى عربية تانية.. انا الحمد لله لما اشتريت كان معايا والدى و هو اللى كان بيأكد على ان الحاجة تمام (طبعا خبرة) و المعرض كمان كان سمير ريان و اشترينا منه قبل كده.