الموضوع: أخيرآ اصبحت لانوساوي... ومحتاج المساعده يا شباب

اولا ربنا يباركلك فيها ويديلك خيرها ويكفيك شرها بس لو ممكن اخوك بيدور على واحده 99فاياريت تقولى جبتها بكام ومنين وكان مطلوب فيها كام اصلا وعامله كام كيلو يعنى كل القصه انا اسف انى طولت عليك بس انا مش عايز حد يضحك عليا ولك جزيييييييييل الشكر

بعد بحث 3 اسابيع وما يقرب من شهر هنا وهناك.
نزلت سوق القاهرة للمرة الثانيه.
ولاسف الكل بيغني في الاسعار 43 الف ثابت ماعدا عربيتين
عربيه لانوس 1 موديل 2000 بس فيها شغل جوه وبره. والرخصه منتهيه مطلوب 36000
وعربيتي اللي اشتريتها وكان مطلوب 39500.

انا تقريبآ كنت يأست لانك ماسمعتش سعر يريحك والكل بيغني وشغل توكيلات وتجار وكلام من ده. من 10ص و حتي 5 مساء.

قلت خلاص مافيش نصيب النهارده.
وفعلآ كنت خارج من السوق فلاقيت العربيه دي.
كانت مع واحده ست. وكانت بتتكلم في 39500
اتفرجت علي العربيه وكان معايا 2 كمان... زي ما بيقولوا فليناها... واللي كان فيها كالتالي :

فابريكه من الداخل والخارج مافيش حتة معجون. ومش محتاجه سمكره او بويه.
الاكصدام الامامي فقط هو اللي متمعجن. والرفرف الامامي شمال كان مفكوك قبل كده واتعمل فيه سمكره علي البارد.
السقف وبقية العربيه فاريكه من الخارج... بس طبعآ العربيه متحزمه بوية.

الحوض والشنطه طبعآ فابريكه والمساعدين تمام...

نيجي للماكينه والعافشة.
الماكينة جربتها بسم الله ما شاء الله كويسه جدآ والشكمان بيطلع ميه مع ان غيار الزيت قديم.... وجربت العربيه في حجله ورا + حدفة شمال.
الحجله اللي ورا من فردة كاوتش كانت ضاربه سلك. والحفه الشمال برده كانت من كاوتش امامي شمال.
سحب العربيه ممتاز بسم الله ما شاء الله.
الكاسيت مش بيعلي ولا يوطي. وبيزغور لكنه الاصلي.

نيجي للصالون... فابريكه وكل حاجه كامله ببرشامها.
جينا نتكلم في التفاصيل.
الرخصة سنه كامله وفحص بعد 3 سنوات.
والسعر المطلوب 39500
العربيه بجد عجبتني وحسيت ان العربيه دي عربيتي.
وحسبت مصاريفها " الكاوتش وطقم السرفيس الاجباري لاي حد بيشتري عربيه مستعملة"
حاولت افاصل وكانت اخرة المطاف في الفصال 38500
فتوكلت علي الله واستلمت العربيه بعقد ابتدائي وتاني يوم عملت توكيل.
والميكانيكي والعفشجي اللي كانوا معايا بالمواصلات 250 يعني وقفت عليا ب 38750

غيرت كاوتش كومهو ب 225 الفردة.
وعملت طقم السرفيس 300 جنيه.
سير كاتينه
سير دينامو
غيار زيت توتاال 3000 متعدد اللزوجة
فلتر زيت
فلتر بنزين
جوان غطاء تاكيهات

كشفت عن الماكينه والعافشه الحمد لله كل حاجه تمام.
بس اللي انا مستغربه ان الميكانيكي قاللي ان السيور هي الاصليه بتاعة بلادها... مع انها عامله 240000 كيلو.
والنهاره ان شاء الله حاكشف علي زيت الفتيس.

هو حضرتك عارض العربية للبيع

لاني شفت سيارة علي كونتكت من المنصورة نفس مواصفات عربيتك!!!!!!!!!

دايو - لانوس 1500 سى سى17 فبراير 2009 41500 جنيها موديل 1999 | 240000 كم
السيارة بحالة الفابريكة من الداخل. اللون نبيتي. تكييف ثلاجه+باور. اشتريتها من شهر وعلتلها طقم سرفيس والبيع عاجلا لظروف السفر. عافشة مجدده بالكامل+طقم سيور+غيار زيت+كاوتش جديد. الكاسيت الاصلي ثاني يد بعدصاحبتها.. مش حتصرف جنيه.وأكرر البيع لظروف السفر. والمعاينه بالمنصورة.

مافيش حاجه تخفي علي نايل موتورز.
هو فعلآ الاعلان يخصني. ولسه معمول امبارح.
وزي ما قلت لاحتمالية السفر خلال شهر.

اولا ربنا يباركلك فيها ويديلك خيرهاويكفيك شرها بس كنت عايز اطلب منك انك تقولى انت جبتهابكام وكانت عامله كام كيلويعنى التفاصيل كلها لان اخوك بيدور على واحدة99ومش عايز حد يضحك عليا ولك جزيييييييييل الشكر

انا جاوبت علي السؤال ده كذا مره.