استشاره من العصابه

**helmy537** · 15-02-2009 04:08 PM

السلام عليكم ياحلى عصابه
انا عربيتى طبعا فكترا 98 2000 سىسى لما بدور الصبح وامشى العربيه تستهلك بنزين كتير اوى لحد ماتسخن وتتعدل ده من ايه يارجاله وكمان لما افول التنك الاستهلاك بيزيد عن اخر 20 لتر ياترى حد يفيدنى من العصابه واعمل ايه او اغير ايه منتظر الردود يارجاله

**Ahmad Allawy** · 15-02-2009 04:37 PM

المشاركة الأصلية كتبت بواسطة helmy537

السلام عليكم ياحلى عصابه
انا عربيتى طبعا فكترا 98 2000 سىسى لما بدور الصبح وامشى العربيه تستهلك بنزين كتير اوى لحد ماتسخن وتتعدل ده من ايه يارجاله وكمان لما افول التنك الاستهلاك بيزيد عن اخر 20 لتر ياترى حد يفيدنى من العصابه واعمل ايه او اغير ايه منتظر الردود يارجاله

الموضوع ده ممكن يكون منطقي لسبب..
عشان العربية وهي باردة.. الكومبيوتر بيخليها تعلي لوحدها.. عشان تسخن.. و في الحالة دي.. العربية طبيعي انها تسحب بنزين اكتر شوية..

و بالنسبة لأنك حاسس ان استهلاك البنزين اكتر بعد ما تفول العربية.. معني كده في رأيي حاجة من 2..
يا اما العوامة فيها حاجة.. و بالتالي.. مش بيبقي باين قدامك الاستهلاك الفعلي شكله عامل ازاي..
انت بتبقي حاسس انه العداد بينزل بسرعة.. و هو عادي..
يا اما التانك يكون فيه حاجة..بيسرب بس ولا حاجة..

**helmy537** · 15-02-2009 05:00 PM

ازيك يابو حميد حبيب قلبى بالنسبه للتسريب لا لان مش بلاقى تحت العربيه اثار تسريب انما انا بقول ممكن يكون عيب بوجيهات او ظبط حساس الهوا الى هو المنظم لخلط الهوا بالبنزين او يكون عاوز ينفضولا ايه رايك

**Ahmad Allawy** · 15-02-2009 07:37 PM

المشاركة الأصلية كتبت بواسطة helmy537

ازيك يابو حميد حبيب قلبى بالنسبه للتسريب لا لان مش بلاقى تحت العربيه اثار تسريب انما انا بقول ممكن يكون عيب بوجيهات او ظبط حساس الهوا الى هو المنظم لخلط الهوا بالبنزين او يكون عاوز ينفضولا ايه رايك

اصل لو حاجة مندول هيبقي الاستهلاك الكبير علي طول باين.. مش في اول شوية ف التانك بس..
احسب الاستهلاك و شوف ده الطبيعي ولا اكتر من الطبيعي..
لو طبيعي يبقي العوامة بتخرف و دي مش مشكلة يعني..
انما لو الاستهلاك عالي.. يبقي شوف الدنيا محتاجة ظبطة بسيطة كده..

**samirayad** · 15-02-2009 09:19 PM

بما أننى بأعتبر نفسى واحدا من العصابه.......أنصحك يا أستاذ/ حلمى أولا بالكشف على البوجيهات وفلتر الهواء قبل الدخول فى تفاصيل أخرى........وشوف الحاجتين دول وجرب وقولنا...............

**Ahmad Allawy** · 15-02-2009 09:21 PM

المشاركة الأصلية كتبت بواسطة samirayad

بما أننى بأعتبر نفسى واحدا من العصابه.......أنصحك يا أستاذ/ حلمى أولا بالكشف على البوجيهات وفلتر الهواء قبل الدخول فى تفاصيل أخرى........وشوف الحاجتين دول وجرب وقولنا...............

يا باشمهندس سمير سعاتك عضو مؤسس.. متقولش كده..
العضوية تتشرف بيك والله..
جزاك الله خيرا عنا و عن مساعدتنا..
و ربنا يجعله في ميزان حسناتك..

**samirayad** · 15-02-2009 09:33 PM

المشاركة الأصلية كتبت بواسطة Ahmad Allawy

يا باشمهندس سمير سعاتك عضو مؤسس.. متقولش كده..
العضوية تتشرف بيك والله..
جزاك الله خيرا عنا و عن مساعدتنا..
و ربنا يجعله في ميزان حسناتك..

الله يخليك يا أحمد باشا.....دايما كده تحرجنا بذوقك ...

للأمانه ....أنتم عصابة خير ...وربنا يخليكوا ويحببكوا فى بعض دايما.....لأن الواحد فعلا نادر أوى لما بيشوف قوة الترابط الجميله دى اللى فى منتدى الأوبل.....وبأتمنى من الجميع يكونوا زيكم.....تحياتى للأخوه جميعا فى هذا المنتدى المترابط بالناس الحلوه

**tamertamer** · 16-02-2009 01:24 AM

انا برجح البوجيهات

**helmy537** · 16-02-2009 05:19 AM

اولا يارجاله احب اقول صباح الخير على احلى اخوات هنا
وبشكركم على الردود الاخلاقيه وحب التعاون انا حاليا ياستاز سمير والاستاز احمد انا فى الهند الوقتى وهرجع كمان اسبوع اول مارجع ان شاء الله هغير فلتر هوا وبنزين وبوجيهات ولانى عقبال عندكم يمكن اتجوز الاجازه دى ومش هبقى فاضى بقى انتوا عارفين طبعا الى فيها :k49: :k49:ياريت تيجوا الفرح بس انا هكون فى المنصوره لانى من بلقاس