الموضوع: ايه مواصفات او ايه الى يخلينا نقول الماتور عايز عمرة فى البيتل

السلام عليكم و رحمة الله و بركاته

بص يا ايمن باشا ... غالبا لما يبقي الزيت جاي من تحت الماتور في النص بالظبط يبقي كدة اولسيه الكرنك و لازم الماتور ينزل ....

إيه الكلام الكبير دا يا حسينى باشا , الله ينور و كلامك سليم.

أيمن باشا , أخبارك إيه دلوقتى؟ و يا رب تكون بخير و بصحة جيدة.

*موضوع البوجية اللى بيجيب زيت دا معناه إن فيه بستم مفوت أو صباب و طبعاً دا محتاج الماتور بنزل و يتعمر , لكن لو مش مستعد حالياً ممكن تركب كرسى للبوجيه اللى بيجيب زيت , و لو حافظت على مستوى الزيت المظبوط و ما قرصتش على الماتور ممكن يقعد معاك سنه كمان من غير عمرة طالما الماتور ناعم معاك و مفيش ترزيع طبعاً.

* الزيت اللى تحت العربية لازم تحدد جاى منين بالظبط , و عشان تعرف مكان التسريب لازم تغسل الماتور كويس جداً من تحت فى بنزينة محترمة و بعدين شوف الزيت بينزل منين:
1- لو من الأجناب تحت التاكيهات يبقى جوان غطا التاكيهات و التكلفة حوالى 10 جنية.
2- لو من تحت طبه الماتور بالظبط يبقى من صامولة تفريغ الزيت و بتبقى محتاجة وردة ب 5 جنية بالكتير.
3- لو من آخر الماتور جوه و قبل الفتيس يبقى أولسية الزيت عاوز يتغير و دا طبعاً لازم تسقط الماتور و التكلفة من 100 إلى 150 تقريبا و حسب نوع الأولسية و المصنعية.
4- ممكن يكون الزيت من الفتيس نفسه و بالتالى مشكلتو بسيطة بردو و بتبقى محتاجة جوان أو ورده تقريباً.
5- ممكن يكون الزيت زيادة أوى عندك فى الماتور و اللى بينزل بيكون فايظ , عشان كدا لازم تحط 2.5 كيلو بس عند تغيير الزيت.

* ايه مواصفات او ايه الى يخلينا نقول الماتور عايز عمرة فى البيتل ؟
- العربية بتاكل زيت كتير.
- تخبيط و رزع فى الماتور.
- السحب قليل و خاصة فى المطالع.
- دخان أبيض مزرق .
- دخان أبيض ( طقم شمبر ).
- زيت كتير و دائم على البوجيهات.

و أنا بقترح تغسل الماتور كويس و بعد مشى يوم بالعربية تروح لجمال الميكانيكى بالنهار و تشوف معاه بنفسك مكان الزيت.

و ربنا يسترها معاك و معانا

المشاركة الأصلية كتبت بواسطة amo400

احمد شكلى هاطبع كتاب عن البيتل و اخليك مدير التحرير والله فكرة نعمل مجله عن البيتل

يا حبيبى الله يكرمك , دى شوية معلومات من خبرتى المتواضعة و أتمنى إنها تكون سليمة و مفيدة.

و الله فكرة كويسة جداً , و مش لازم تكون المجلة دى مطبوعة و لكن تكون على شكل كتاب إلكترونى PDF و نرسلو لكل الأعضاء بصورة دورية مستمرة شهر أو ربع سنوى 3 شهور , و كلنا نشارك فى إعداده

والله فكره جميله جدا يابو عمر موضوع الكتاب الالكترونى ده وياسلام لو نجمع فيه كل المعلومات المفيده اللى عملناها فى المنتدىمعلومات كامله عن البيتلز وافضل ميكانيكيه وسمكرى وكهربائى وسروجى وعفشجى وبتاع ظبط زوايا وبتوع قطع الغيار وعنوانهم وتليفوناتهم واسعارهم وتجاربنا معاهم وطبعا مقابلاتنا بالصور وتدرج كمان بعض الصور الجميله للبيتلز وتعديلاتها وتطورها يااااااااااااااه بجد هيكون تحفه وهنستفيد كلنا منه

المشاركة الأصلية كتبت بواسطة ahit

السلام عليكم و رحمة الله و بركاته


*موضوع البوجية اللى بيجيب زيت دا معناه إن فيه بستم مفوت أو صباب و طبعاً دا محتاج الماتور بنزل و يتعمر , لكن لو مش مستعد حالياً ممكن تركب كرسى للبوجيه اللى بيجيب زيت , و لو حافظت على مستوى الزيت المظبوط و ما قرصتش على الماتور ممكن يقعد معاك سنه كمان من غير عمرة طالما الماتور ناعم معاك و مفيش ترزيع طبعاً.

* الزيت اللى تحت العربية لازم تحدد جاى منين بالظبط , و عشان تعرف مكان التسريب لازم تغسل الماتور كويس جداً من تحت فى بنزينة محترمة و بعدين شوف الزيت بينزل منين:
1- لو من الأجناب تحت التاكيهات يبقى جوان غطا التاكيهات و التكلفة حوالى 10 جنية.
2- لو من تحت طبه الماتور بالظبط يبقى من صامولة تفريغ الزيت و بتبقى محتاجة وردة ب 5 جنية بالكتير.
3- لو من آخر الماتور جوه و قبل الفتيس يبقى أولسية الزيت عاوز يتغير و دا طبعاً لازم تسقط الماتور و التكلفة من 100 إلى 150 تقريبا و حسب نوع الأولسية و المصنعية.
4- ممكن يكون الزيت من الفتيس نفسه و بالتالى مشكلتو بسيطة بردو و بتبقى محتاجة جوان أو ورده تقريباً.
5- ممكن يكون الزيت زيادة أوى عندك فى الماتور و اللى بينزل بيكون فايظ , عشان كدا لازم تحط 2.5 كيلو بس عند تغيير الزيت.

* ايه مواصفات او ايه الى يخلينا نقول الماتور عايز عمرة فى البيتل ؟
- العربية بتاكل زيت كتير.
- تخبيط و رزع فى الماتور.
- السحب قليل و خاصة فى المطالع.
- دخان أبيض مزرق .
- دخان أبيض ( طقم شمبر ).
- زيت كتير و دائم على البوجيهات.

و أنا بقترح تغسل الماتور كويس و بعد مشى يوم بالعربية تروح لجمال الميكانيكى بالنهار و تشوف معاه بنفسك مكان الزيت.

و ربنا يسترها معاك و معانا

طبعا مفيش حاجة تتقال بعد اللى احمد قاله بس احب اضيف حاجة بسيطة
لمبة الزيت لما تلاقيها منورة و انت ماشى بالعربية ممكن تعرف منها ان فى مشكلة يا اما طلمبة الزيت لو السبيكة بتاعت الموتور و كده عمرة
بالنسبة للزيت اللى بينقط ممكن يكون برضه كاوتش السربنتينة او اويل سيل الفتيس
و الزيت اللى على جنب ده ممكن يكون كاوتش الفخاذ