كويس انك عرفت تجري اصلا لغايه والدك الله يرحمه فعلا موقف مرعب جدا الله يكون في عونك
عرض للطباعة
متابع برعب
فكرتونى بحلقه الرعب بتاعه د رفعت اسماعيل فى ما وراء الطبيعه
مرة واحنا نايمين بالليل .... لقيت زوجتي صحيت من النوم مفزوعة وعمالة تصرخ ....
بسم الله الرحمن الرحيم
مين اللي ماشي في الاوضه
قل أعوذ برب الفلق
مييييين.
.......
.... طبعا انا صحيت و حاولت اهديها وافهمها انها بتحلم وان ده كابوس لكن هي مصمصمة انه بجد
....
لأ فيه حد كان ماشي دلوقت في الاوضه
بسم الله الرحمن الرحيم
قل أعوذ برب الفلق
........
وطبعا مكلبشة فيا لما دراعي ازرق من كتر مسكتها فيا
والدنيا ليل والصوت بيسري
قولتلها ...طيب انا ح اقوم انور النور عشان تستريحي و تصدقي انه كابوس مش اكتر
....
...
وروحت يا محترمين نورت النور ......
تفتكرو لقيت ايه ؟؟؟؟؟؟؟؟؟؟؟؟؟
...
:44:
...
:44:
...
:44:
..
:44:
..
لقيت كيس بلاستك صغير و خفيف و فاضي من بتوع الاجزخانة ..... واحنا كنا مشغلين المروحة ....
والهوا عمال يشيل الكيس و يحركة في الاوضة والكيس منفوخ كأنه بطيخة و يلمس الدولاب يروح عامل صوت خرفشة ويطير لفوق و يلف في الاوضة كأنه بيرقص بالية بحيرة كنج مريوط او كسارة الزلط
.....
احنا طبعا ماعرفناش ننام تاني طول الليل من كتر الضحك
الحمد لله كنا لسة معندناش اولاد
كان زمانهم جالهم هسهس
مش كده؟
كنت لسه هاقولها:S_thum1[1]:
بس انا لحد النهاردة مع رفعت اسماعيل
ده حب حتي الموت:C_laugh[1]:
بصراحة يا جماعة ده احلي موضوع قريته في المنتدي من ساعه ما اشتركت فيه
فكرته روعة و قصصكم اروع:S_thum1[1]:
ان شاء الله هابقي احكيلكم كام قصه كده من العيار الثقيل
بس بصراحة مش قادرة هلأ:Zb_sor1[1]:
متابعة باهتمام شديييييييييييييييييد:Ob_mak1[1]:
موضوع جامد...وبجد فى قصص خلتنى اتلفت حوالين نفسىhttp://i28.photobucket.com/albums/c2...files/fear.gif
متابع ...ومنتظر باقى العفاريت
http://i285.photobucket.com/albums/l...evil-laugh.gif
طيب أنا جت عليا فترة كنت بصحى من النوم مفزوع بسبب أن كان حد بينفخ في وداني ( وأنا قاعد لوحدي في الشقة )!
وكانت بتحصل معايا أيام لما كنت ملتزم وبصلى الفجر في المسجد وكدة ... كان والله ألاقي وأنا نايم حد بيهزني وينده إسمي ويقولي صلي !!
طبعا أعتقد إن تجربة الجاثوم ديه مرت بناس كتير ... لما تلاقي وأنت نايم كدة حاجة كابسة على نفسك مش قادر تتنفس ومش قادر تحرك جسمك ولا قادر تستغيث حتى !
في احيان كتير أوي أوي ... الواحد مثلا وهوا قاعد بيحس بشعور غريب جدا ...
إن الموقف إللي هوا شايفه دلوقتي شافه قبل كدة !
الفكرة إن الناس إختلفت بين رأي الشرع ورأي العلم في الموضوع ده
ففي ظاهرة إسمها "الديجا فو " إللي هيا الدم بيهبط في المخ حاجة زي كدة ... والذاكرة تتأخر كام ثانية فلما ترجع تفكر إنك شوفت الموقف ده قبل كدة !
الفكرة إن أنا جت عليا فترة كان بيحصلي حاجة غريبة أوي !
إني ببقى عارف إيه إللي حيحصل !
بمعنى : قاعد مع بابا وماما وإخواتي ... بيجلي التتنيحة بتاعة " أنا شوفت الموقف ده فين قبل كدة ؟ " ... لحد هنا ده طبيعي ويندرج تحت الديجافو .... بس أنا ببقى متوقع إيه إللي حيحصل كمان 4 ثواني مثلا ... أختى الموبيل بتاعها حيرن ... ماما حتقولي كذا ... بابا حيرمي الورقة إللي معاه في الزبالة .... وبالفعل الحاجات ديه بتحصل !
كنت قرأت عن حوار إستراق السمع إللي في سورة الجن والأحلام إللي الواحد بيشوفها وينساها أول لما يصحى وبعد مدة بيفتركها لما تحصل حاجة مشابهة ليها !
الله أعلم