-
لما كنت فى أبتدائى بالتحديد سنه 6 أبتدائى ده كان فى سنه1977 كان فى المدرسه حركه غريبه بنعملها و انا عملتها بنفسى كنا بنقف حوالين واحد مننا نايم على دسك من بتوع المدرسه واحد يقف عند راسه و يحط ايده الآتنين على ودانه و يبدء يقول سبع جمل بيقولها جمله جمله بحيث انه يقولها فى ودن اللى جنبه و اللى جنبه يقولها للى جنبه لحد ما كل اللى واقفين يقولو الجمله الاولى و بعدين يقول الجمله التانيه اللى واقفين بقى حاطين يادوب صباعين من كل ايد تحت اللى نايم وفاكر اخر جمله و كانت (( يلا شيلو معايا الميت)) و نرفع ايدينا نلاقيه طاير فى الهوا و احنا طبعا مش شايلين اى حاجه يعنى ما فيش اى وزن على ايدينا بدون مبالغه بنرفعه لفوق و بعدين ننزل بأيدينا لتحت لحد ما ينزل على الدسك تانى و كانو بيقولو لينا لو ما حدش مننا ضحك ممكن نسيبه فى الهوا بس دى مش جربنها بصراحه انا فاكر الموضوع دلوقتى كأنه كان امبارح بس اللى مش فاكره هيا الجمل اللى كنا بنقولها غير اخر جمله زى ما قلتها فوق
Content Relevant URLs by
vBSEO 3.6.0 PL2