رايى فى حملة خليها تصدى و التخفيضات هتوصل لغاية ايه - بدون زعل

مشكلتك يا سمعه انى مش عارفلك اتجاه

انت ضد الحمله و لا ضد انخفاض اسعار السيارات و لا عايزها تولع

ولا جاى تعلمنا الادب و تعيش

اقتباس:

---

المشاركة الأصلية كتبت بواسطة omardeneo

مشكلتك يا سمعه انى مش عارفلك اتجاه

انت ضد الحمله و لا ضد انخفاض اسعار السيارات و لا عايزها تولع

ولا جاى تعلمنا الادب و تعيش

---

اولا انا طبعا مع انخفاض اسعار السيارات و مش معقول علشان واحد مختلف مع الحملة يبقى نشتمه و نقول عليه متغاظ و الكلام دا
السبب انى بقول للناس انهم محترمين لان رغم اختلافهم معايا فى الراى مدخلوش يشتموا فيا و عبروا عن اختلافهم فى الراى او تاييدهم فى الراى بكل احترام و علشان كدا انا برد عليهم بحاول اقنعهم و هما بيحاولوا يقنعونى و الحوار كان هادف كل واحد استفاد من كلام التانى.
طبعا انا مش جاى اعلم حد الادب , بس اللى عايز يناقشنى او يرد فى الموضوع يكلمنى كويس منغير شتيمة و انا هرد بنفس الاسلوب.

أقرا ردى اللى هكتبوا بكره ان شاء الله علشان تفهم انا قصدى ايه و ليه مش مع الحملة , هشرح تانى بوضوح و امثلة و توضيح و قولى اقتنعت و لا لأ او على الاقل ايه التعديل المطلوب فى الحملة علشان فعلا تحقق نتايج جقيقية خلال الازمة و فى نفس الوقت النتايج تستمر بعد الازمة لان زى ما قولتلك لو عابز الاسعار تنزل فدى مش محتاجة facebook و لا وجع دماغ , السوق عرض و طلب و طول فترة الازمة العرض كتيييييير و الطلب مفيش فبالتالى الاسعار نازلة نازلة ان شاء الله , قبل الازمة كان الحجوزات بالشهور و تستنى العربية كذا شهر و الطلب كان اكتر من العرض على موديلات كتير و اليورو كان ب 8.4 و الين كان قرب ال6 جنيه و الاسترلينى كان ب 11 جنيه , دلوقتى اليورو ب 7 و الاسترلينى ب 7.9 و الين نزل تانى ل 6 فاكييد الاسعار لازم تقل غير تخفيض مكسب الوكلاء اما علشان التوكيلات تحترم المستهلك بعد الازمة فدا الوقت اللى لازم نضغط فيه على التوكيلات.
هشرح وجهة نظرى بكرة ان شاء الله

y u didnt answer me

اولا انا ما شتمتكش

ثانيا سلوك الامتناع سلوك حضارى و الدعوه له شئ محترم

ثالثا Facebook دلوقتى من اعلى الاماكن اللى الناس بتتردد عليها و بتوصل لناس كتير بسرعه

رابعا انا معتبر الحمله عامل مساعد او عامل محفز لسرعة الوصول للهدف

خامسا طالما انك مع التخفيض العادل يبقى مافيش مناقشه اصلا

معلش اتاخرت على حضرتك فى الرد

اقتباس:

---

على فكرة يا سمعة مفيش حد في مصر عند خلفية واضحة عن الجمرك في مصر

كل إلي نعرفو إن فئة ١٦٠٠ ٤٠٪ +١٥٪+٢٪


دي حاجة
غير كدة بيحسبو الجمرك بشكل عشوائي

تاني حاجة هي كنت بتتكلم عن z4 و c230 كاسعار مستعمل فالخارج

و حضرتك لو كنت متبع الشات كنت فهمت وجهت نظرها في موضع الخصم
هي بتتكلم في ١٠ ل-١٥٪ خصم
و حسبنا مع بعد سعر عربية من الخرج و زودنا ٤٠٪ جمارك و ٢٠ ٪ ضريبة
و سيارة دي كان سعرها بالخارج ٩٠٠٠ دولار و سعرها هنا في مصر ١٠٠ ألف
و زودنا لإن المكسب في حدود ٣٥ ألف و كل إلي التو يعملو خصم ١٠ ألف أو ١٥ ألف
يعني التجر حيحأد ٢٠ ألف صافي
بس

كمان مش عيب أبداً إنه بنت و ملمة شوية بالسيارات

كمان هي بتعمل كدة للمصلحة العامة
و أحب أضيف إن سعر السيارة إلي حسبناها د سعرها قبل الأزمة


و أحب أؤل لحضرتك إن موضوع الحملة إلي فجر الأزمة بس بعد كدة بأزمة أو من غير احنا كنا بنتسرق و احنا كلنا تعبنين في فلوسنا من حقنا نلقي عربيات تستاهل فلوسنا يئمة نفع على أد عربيتهم

معلش طولت عليك

---

اولا طبعا انا متفق مع حضرتك ان مش عيب ابدا ان تبقى بنت ملمة بالسيارات و يبقى عندها معلومات كتير اكتر حتى من معظم الناس بالعكس هى عارفة اسعار و حاجات و عارفة الجمرك بالتقريب و كل حاجة و بعدين فعلا معظم الناس متعرفش الجمارك كام و الجمارك على العربيات المجمعة فى مصر كام و كدا.
المشكلة ان الاسعار اللى بالدولار دى غالبا الاسعار فى السوق الامريكى و لما الواحد بيدور فى google مثلا معظم الwebsites اللى بتطلع دى بتبقى امريكية الا لو الواحد حدد باليورو او كتب اسم دولة معينة.
الاسعار فى امريكا مختلفة عن العالم كله لانها ارخص حتى من الخليج و اوروبا (حتى على العربيات الاوروبية اللى بتتباع فى امريكا) و السبب ان امريكا اكبر سوق استهلاكى للسيارات فى العالم و المنافسة فيه شديدة جدااااا فبالتالى شركات العربيات بتبيع باسعار ارخص بكتير من بقية الاسواق , فبالتالى الحسبة مش بتبقى دقيقة , لو حضرتك عايز تعرف مدى مبالغة التوكيل فى الاسعار هات السعر فى الخليج او اوروبا و احسب الجمرك وشوف فرق السعر كام بالظبط مع العلم ان العربية لازم تكون بنفس المواصفات يعنى الخليجى بيبقى فيها كماليات اعلى علشان بنقول ان التوكيلات مبالغة فى الارباح يعنى العربية ارخص و امكانياتها اعلى و طبعا الفرق كبير جدا فى السعر فى عربيات معينة و قليل فى عربيات تانية و فى عربيات اساسا مفيش منها خليجى لان التوكيل مش مبالغ فى سعرها فبالتالى الخليجى هتقف بنفس التمن.
فى عربية زى الكيا السورينتو لو حضرتك استوردتها خليجى هتقف بحوالى 300-320 الف اما التوكيل بيبيعها بحوالى 420 الف يعنى مبالغة شديدة جدا فى الربح و خصوصا العربيات ال 4x4 مش عارف ليه فى توكيلات كتير بتعتبر اللى عايز يشتريها دا فلوسه حرام و لازم تسرقها منه!!
فعلا انا مع حضرتك ان قصدها المصلحة العامة مع انى معرفهاش بس واضح انها مش تاعبة نفسها و بترد على الناس و تدور و تبحث على الفاضى علشان كدا انا منتقدتهاش اساسا .

فعلا انا متفق مع حضرتك و مع بقية الناس اننا تعبانين فى فلوسنا و مش من حق اى حد يبالغ فى مكسبه و خصوصا ان توكيلات العربيات صعب جدا يخسروا فلوس الا فى حالة زى الازمة المالية دى لانهم ببساطة فى طلب بيستوردوا العربيات و بيبيعوها , مفيش مبيستوردوش و مبيخسروش حاجة , اللى سبب لهم خسارة هى توسعهم فى الفروع و عدد العاملين و المصاريف و كدا و لما جت الازمة المالية مبيعات العربيات قلت جدا و المصاريف مقلتش علشان كدا التوكيلات ممكن تخسر دلوقتى انما فى الظروف العادية شبه مستحيل ان اى وكيل عربيات يخسر علشان كدا بيبقى فى تنافس شديد اوى لما اى توكيل يتسحب من حد ان رجال اعمال كتيير بيبقوا عايزين ياخدوه حتى لو كان توكيل لعربية مستحيل تتباع فى مصر زى فولفو بسبب الجمارك و تهافتهم على التوكيلات الصينى لان مفيش غيرهم اللى يقدروا ياخدوه , تقريبا كل المركات لها وكيل فى مصر.

فى رايى و دا سبب انتقادى للحملة ان لاززززم يكون لها شروط علشان تبقى اسمها حملة
اول شرط و اهم شرط ان لازم يكون لها هدف و الا متبقاش اسمها حملة , و تخفيض سعر العربيات دا مش هدف لان تقريبا كل الوكلاء رخصوا الاسعار ماعدا وكيل و لا اتنين , طيب يبقى الهدف اتحقق ؟ لأ طبعا لان معظمها تخفيضات اقل من سعر انخفاض اليورو و اقل من اننا نقول الوكيل دا فعلا خفض هامش ربحه.
الهدف لازم يكون نسبة معينة للتخفيض حسب كل عربية لان كل عربية لها حسبة مختلفة.
2- لازم يبقى فى ممثلين للحملة يكلموا التوكيلات و يبلغوهم بالحملة و اهدافها و يبلغوهم باستياء الناس من المبالغة فى الارباح و ان الناس هتستغل الازمة المالية و تعمل مقاطعة قوية لحد ما يتراجعوا عن سياساتهم التسعرية و خصوصا فى قطع الغيار , لازم يبقى فى ممثلين للحملة برده يطلعوا فى التلفزيون (فى برامج زى العاشرة مساء) و يفهموا الناس اهداف الحملة و يطلبوا منهم ينضموا ليها و ميشتروش خالص دلوقتى و لازم التوكيلات تعرف المطلوب منها بالظبط بحيث لما التوكيل ينفذ الاهداف المطلوبة منه الحملة تعلن كدا و تقول للناس تشترى منه , لازم كمان تعهد من التوكيلات قدام الاعلام انهم من هيرجعوا تانى بعد الازمة يبالغوا فى الاسعار.
3-الحملة لازم تشمل اسعار قطع الغيار و الضغط على الوكلاء لاستيراد عربيات فيها وسائل امان و عالية الجودة مش اى زبالة صينى مثلا و خلاص و لاززززززم تعهد من التوكيلات انها يدخلوا العربيات الخليجى مراكز الصيانة و يدفعوا زى المصرى بالظبط مش اكتر و كمان يلتزموا ان اسعار عربياتهم تبقى اقل من الخليجى و نفس الامكانيات او اقل فى الامكانيات و ارخص فى السعر.
كدا يبقى اسمها حملة و الناس تشارك فيها و التوكيلات ساعتها هتبقى فى موقف حرج , تخفيضات محترمة او المقاطعة طول الوقت مش وقت الازمة بس.

هرد على كل الناس اللى كتبت ان شاء الله بس الردود بتاخد وقت

فعلا انا مع حضرتك ان قصدها المصلحة العامة مع انى معرفهاش بس واضح انها مش تاعبة نفسها و بترد على الناس و تدور و تبحث على الفاضى علشان كدا انا منتقدتهاش اساسا .


معلش يا أستاذ سمعة أنا مش فاهم الجملة دي

تاني حاجة حضرتك لو متبع الشات بتع الغروب حتعرف فعلاً إن الأهداف بالفعل إتفق عليها و حتنزل عل الجروب و طلبات الحملة

ملخصها:

تحفيض أسعار الأوروبي في حدد ٢٥٪ ل-٤٠٪
والكوري والياباني بين ١٠ ٪ ل-١٥٪

و طرح إقترح الدكتور رشيد بتخفيض الجمرك عل تجميع المصري نقاش

مراقبة خدمة ما بعد البيع و أسعار قطع الغيار

و المطالبة بتوفر سيارات مطبقة للمصفات الأمان ذي ال-abs و Esb و هكذا

المطالبة بتوفير شبكة طرق تصلح للإستخدام الادمي


يعني دي جزء من الطلبات

و حضرتك طبعاً ممكن تطرح افكارك معنا

لو حضرتك عايز تعرف مدى مبالغة التوكيل فى الاسعار هات السعر فى الخليج او اوروبا و احسب الجمرك وشوف فرق السعر كام بالظبط مع العلم ان العربية لازم تكون بنفس المواصفات يعنى الخليجى بيبقى فيها كماليات اعلى علشان بنقول ان التوكيلات مبالغة فى الارباح يعنى العربية ارخص و امكانياتها اعلى و طبعا الفرق كبير جدا فى السعر فى عربيات معينة و قليل فى عربيات تانية و فى عربيات اساسا مفيش منها خليجى لان التوكيل مش مبالغ فى سعرها فبالتالى الخليجى هتقف بنفس التمن.

على فكرة يا أستاذ سمعة

الحسبة إلي بالسيارة كنت ب-٩٠٠٠ دولار
وجدت سعرها في الخليج ب-٥٠ ار ٥٥ ألف جنيه مصري

فتئرباً بردو ليسا حسبتنا واحدة

إتشرفت بالمنقاشة مع حضرتك

و اتمنى تكن وجهة نظر حضرتك اختلفت عن الحملة حتى لو ١ ٪

د غير الجمارك ;)

اقتباس:

---

المشاركة الأصلية كتبت بواسطة som3aa

2- لازم يبقى فى ممثلين للحملة يكلموا التوكيلات و يبلغوهم بالحملة و اهدافها و يبلغوهم باستياء الناس من المبالغة فى الارباح و ان الناس هتستغل الازمة المالية و تعمل مقاطعة قوية لحد ما يتراجعوا عن سياساتهم التسعرية و خصوصا فى قطع الغيار , لازم يبقى فى ممثلين للحملة برده يطلعوا فى التلفزيون (فى برامج زى العاشرة مساء) و يفهموا الناس اهداف الحملة و يطلبوا منهم ينضموا ليها و ميشتروش خالص دلوقتى و لازم التوكيلات تعرف المطلوب منها بالظبط بحيث لما التوكيل ينفذ الاهداف المطلوبة منه الحملة تعلن كدا و تقول للناس تشترى منه , لازم كمان تعهد من التوكيلات قدام الاعلام انهم من هيرجعوا تانى بعد الازمة يبالغوا فى الاسعار.
3-الحملة لازم تشمل اسعار قطع الغيار و الضغط على الوكلاء لاستيراد عربيات فيها وسائل امان و عالية الجودة مش اى زبالة صينى مثلا و خلاص و لاززززززم تعهد من التوكيلات انها يدخلوا العربيات الخليجى مراكز الصيانة و يدفعوا زى المصرى بالظبط مش اكتر و كمان يلتزموا ان اسعار عربياتهم تبقى اقل من الخليجى و نفس الامكانيات او اقل فى الامكانيات و ارخص فى السعر.
كدا يبقى اسمها حملة و الناس تشارك فيها و التوكيلات ساعتها هتبقى فى موقف حرج , تخفيضات محترمة او المقاطعة طول الوقت مش وقت الازمة بس.

هرد على كل الناس اللى كتبت ان شاء الله بس الردود بتاخد وقت

---

بصراحة انا متابع الموضوع من الاول خالص و اخيرا لقيت اللى يريحنى ....فعلا هو ده الكلام و على فكرة لسه السنة فى اولها و الوقت معانا لبدء الكلام ده

اقتباس:

---

المشاركة الأصلية كتبت بواسطة som3aa

سبب امتناع الناس عن الشراء هى ضعف السيولة اللى حصل لناس كتييير جدا و خسارة ناس كتير فى البورصة و الكلام اللى الناس بتسمعه عن ان سنة 2009 سنة سوداء و الله اعلم الازمة دى هتعدى امتى و يا ترى الامور هترجع زى الاول و لا خلاص .
يعنى سبب امتناع الناس عن الشراء فى رايى 4 حاجات
1-انخفاض السيولة مع بعض الناس و تسريح بعض الناس من العمل و توقف معظم الشركات عن التعيين
2-محاولة الناس للاقتصاد فى الاصراف لحد الازمة المالية متعدى و محاولة منهم يستنوا يشوفوا الازمة هتعد شهور و لا سنة و لا سنتين و لا اكتر علشان يعرفوا يصرفوا و لا لأ لان لو الناس صرفت الفلوس و الازمة استمرت سنين هيعيشوا طول السنين دى فى ضغط مالى.
3- حتى اللى معاه سيولة و مش بيفكر لقدام علشان يعرف الازمة هتعدى و لا لأ بياجل قرار الشراء لمعرفته ان الاسعار هتقل يوم بعد يوم و لو اشترى هيندم و ان العروض اللى التوكيلات بتقول عليها لفترة محدودة هى غالبا لفترة طوييييلة جدا لحد برده كل حاجة ما تبان.
4- البنوك اللى قللت او امتنعت عن الاقراض و 60% من السوق بيعتمد على الاقساط فطبيعى يحصل ركود شديد.

---

هذه الأسباب صحيحة ولا يشق لها غبار
الحملة هي حملة نفسية تركب فوق موجة الركود
فشراء السيارات كان قد تحول لحمى في السنوات القليلة الماضية رغم إرتفاع الأسعار نتيجة لتدخل البنوك وخاصة الأجنبية منها والتي أشعلت سوق السيارات

لكن مفيش مانع إن الناس ولو نفسياً تتحد على حرب الإحتكار والغلاء
لكن دون شماته بأحد أو تمنى زوال نعمة أحد أو حقد على أحد

السلام عليكم
يا اخي انا بحترمك جدااااااااااااااا ... من تحليلك الموضوعي جدااااااااااااا و المفيد جدااااااااااااااااا
و انا بعتذرلك نيابه عن كل اللي جرحم فيك .. لان ببساطه ان احنا المصريين (ما بنفهمش).. سوري

يا جماعه الراجل ده بيقول انه شاكك ان الحمله مش هاتاثر في السوق قوي لا احنا المصريين ما بتعرفش ناثر عل السوق (صح) و طبعا علشان انا ما بقاش زي اللي بيقول كلام من غير دليل اسعار كل حاجه نزلت برره من اول الاكل و البنزين و ال .... و ما فيش حاجه نزلت عندنا خالص كان في دكتور في الاقتصاد بيقول -سوري-المستهلك المصري حمار ... سوري تاني اللفظ قاسي و انا و الله عارضت الدكتور ده مع اقتناعي ان السبب اللي خلاه يقول كده مظبوط- بس نموذجنا الاستهلاكي يدل عل حاجه زي كده
اثبات (انا كنت في الكويت سعر عربيه كامري 2008 اول 2008 مش اخر السنه زيرووووو كاملهههه فيها جي بي اس بحوالي 7000 دك يعني اقل من 140 الف مصري مش عاوز اقولكم طياره - هنا نفس العربيه فاضيه ب 560 الف ههههههههههههههههههههههههه ههههههههههههههههه)
سمعه ما تتعبش نفسك الشعب ده بينضرب عل قفاه و يقول كماننننننننننننننننننننن
احنا اساسا بنتسرق علني و ساكتين طول عمرنا يعني ايه الخليجي اغنى مني و بيصرف اقل مني ؟؟؟ ليه يا جماعه ؟؟ و مش اقل مني شويه الربع ههههههههه.
ملحوظه البنزين رخص من 140 دولار ل 40 دولار و سعر للنزين زي ما هو و كذلك الرز و السكر و الزيت ... يا للا مصريين اشتغلم نتيجه عندنا زيرووووووو

تاني حاجه سمعه اكد انه مع الحمله و نفسه يشوفها تنجح بس هو كان نفسه يشوف الناس فاهمه في الحمله بس هو يمكن ما عرفش يعبر عن الحته دي - معلش يا سمعه انا اعيب عليك بس انك جرحت في الناس هو كده الواحد لما بيكونش سطحي بيبقى عاوز يشوف الناس كلها زيه

تالت حاجه انا مصري و الله يا جماعه بس طلعت برره كتير عيبنا المصريين بنشوف نفسنا بس و تاني اهم عيب ما بنقراش كويس و ما نفهمش اللي بتكتب و اخر حاجه بنجرح في اللي بيعارضنا .... بس احنا قلبنا طيب جداااا هههههههه
سلامي للجميع و يا رب اكون ما زعلتش حد

كلامك شبه صح يا سمعه و احترم تحليلك و اعترافك انك مش متاكد من حكايه نسبه ربح الوكيل و ان كمان بتفق معاك ان نسبه ربحه من 15 ال 25 كحد اقصى ..
و بالتالي هامش نزول السعر ها يكون مبدئيا في حدود 10 ال 20 في الميه كحد اقصى برضه. الا اذا الحكومه تدخلت و رفعت عنا المكوس - الضرائب- او منتجي السيارات عوضم الوكلاء عن اي هامش ها ينزلوه
ده رايي برضه
سي يوووووووووو

ياااااااااااااااااااااااا رب العربيات ترخص ونخلص

شفتم يا جماعه ملحق الاهرام بتاع االسيارات ص2؟؟
تعليقي
الاستاذ احمد البري (عاوز يحرك السوق باي طريقه)
ما قدرش اقول -زي اللي قالم قبل كده عل خالد اباظه- انه واخد فلوس بس ربما ده يكون رايه فعلا..
الاستاذ ناجي الجرجاوي (قدام احمد البري عل طول)
برافوووووووووو 10\10