رايى فى حملة خليها تصدى و التخفيضات هتوصل لغاية ايه - بدون زعل

للعلم يا جماعة انا مش تاجر و لا وكيل سيارات و لا لى اى علاقة بالمجال دا و نفسى فعلا توكيلات كتير تخسر جامد او تفلس فى الازمة دى بسبب المبالغة الشديدة فى الأسعار و هوامش الربح اللى مبقتش هامش خالص , دى بقت نسبة كبيرة من تمن العربية.

بس فى رايى الشخصى سبب امتناع الناس عن الشراء مش حملة خليها تصدى اطلاقا بالعكس انا شايف ان الحملة ملهاش اى لزمة و مش هتعمل اى اثر لاننا مصريين.
سبب امتناع الناس عن الشراء هى ضعف السيولة اللى حصل لناس كتييير جدا و خسارة ناس كتير فى البورصة و الكلام اللى الناس بتسمعه عن ان سنة 2009 سنة سوداء و الله اعلم الازمة دى هتعدى امتى و يا ترى الامور هترجع زى الاول و لا خلاص .
يعنى سبب امتناع الناس عن الشراء فى رايى 4 حاجات
1-انخفاض السيولة مع بعض الناس و تسريح بعض الناس من العمل و توقف معظم الشركات عن التعيين
2-محاولة الناس للاقتصاد فى الاصراف لحد الازمة المالية متعدى و محاولة منهم يستنوا يشوفوا الازمة هتعد شهور و لا سنة و لا سنتين و لا اكتر علشان يعرفوا يصرفوا و لا لأ لان لو الناس صرفت الفلوس و الازمة استمرت سنين هيعيشوا طول السنين دى فى ضغط مالى.
3- حتى اللى معاه سيولة و مش بيفكر لقدام علشان يعرف الازمة هتعدى و لا لأ بياجل قرار الشراء لمعرفته ان الاسعار هتقل يوم بعد يوم و لو اشترى هيندم و ان العروض اللى التوكيلات بتقول عليها لفترة محدودة هى غالبا لفترة طوييييلة جدا لحد برده كل حاجة ما تبان.
4- البنوك اللى قللت او امتنعت عن الاقراض و 60% من السوق بيعتمد على الاقساط فطبيعى يحصل ركود شديد.
احنا كمصريين للاسف مش زى الشعوب الاوروبية المحترمة نقدر نقول احنا مقاطعين منتج علشان سعره غير منطقى بالمرة و مبالغ فيه , لأ احنا بندفع و احنا ساكتين علطول.
لازم نعرف ان حملة خلوها تصدى على الfacebook دى فى رايى تهريج اساسا لان مؤسسيها واحد و واحدة و هى متعرفش حاجات كتير عن العربيات و اللى خلانى اقول كدا ان واحد سالها سؤال اجابته سهلة جدا معرفتش ترد و ردها يدل على انها معندهاش معرفة بمجال السيارات و الموضوع دا فكرنى بفلم رامى الاعتصامى لما كام واحد قاعدين فاضيين يقولك نعمل حملة على الfacebook.
لازم اللى يعمل حملة يعرف فعلا الاسعار بره نزلت كام فى المية بالظبط و فى اوروبا و اسيا بالذات بعيدا عن امريكا لان السوق الامريكى ارخص سوق فى العالم كله فى كل حاجة لانه اكتر سوق استهلاكى فى العالم , يعنى لازم يبقى فى معلومات و بيانات عند الناس اللى هتعمل الحملة دى مش يلا كدا على الfacebook و السلام.
حاجة تانية , 10000 واحد دا رقم قليل جدا فى بلد عددها 80 مليون , قول 3-6 مليون منهم بس هم القوة الشرائية اللى تقدر تشترى سلع زى العربيات (الارقام من خيالى , معرفش القوة الشرائية فى مصر كام), 10000 دا رقم قليل جد و دا عدد الناس اللى دخلت و اشتركت فى الحملة دى على الfacebook.

عموما الايام هتثبت ان كلامى صح (ان شاء الله ) مع انى نفسى يطلع كلامى غلط و نطلع لاول مرة فى حياتنا ايجابيين بس انا متاكد ان مش دى الحالة هنا
الاثبات اول ما الازمة تعدى ان شاء الله سواء بعد شهور او سنين هتلاقوا الاسعار نطت تانى اعلى من الاول فى مصر و كل حاجة رجعت تانى عادى الا لو الاقتصاد العالمى مرجعش تانى زى الاول و البورصة مرجعتش تانى ل 12000 نقطة و البترول مرجعش تانى لفوق ال100 دولار للبرميل.

اما بالنسبة للناس اللى بتقول نشترى دلوقتى ولا نستنى
فى ناس بتقول لازم نستنى الاسعار تنزل ل 40-50% , احب اقول للناس دى هتستنوا طول العمر بس مش اكتر لان عمر الاسعار مهتنزل بالشكل دا.
للعلم رسمى توكيل مرسيدس و Bmw و فولكس فى المانيا زودوا اسعار العربيات بسبب الازمة المالية و افتح بنفسك و اتاكد من موقع الشركات نفسها بس الفكرة انهم بيبيعوا عند الموزعين باسعار ارخص بكتير عشلان يعرفوا يصرفوا العربيات الكتير اللى انتجوها بالفعل.

فى رايى الشخصى الانخفاض المعقول فى الاسعار هى 20-25% للعربيات الاوروبى و 10-15% للبقية بالكتير اوى اوى الا العربيات المبالغ فى سعرها فى الاساس ممكن تنزل اكتر زى الالنترا غبور كان زودها من 92 الف لاول فئة مانيوال ل 104 الف فى الفترة من اول 2007 لنص 2008.
اكتر من كدا معتقدش انه ممكن الا فى حالة انخفاض الجمارك او الضرائب.

فى رايى الشخصى لو الازمة دى هتستمر لاكتر من سنة يبقى الاسعار اللى سمعناها من غبور دى و غيره هتقل اكتر اما لو مش هتستمر فمعتقدش هتقل كتير.

لحد دلوقتى معظم التوكيلات لسه منزلتش تخفيضات محترمة الا كام عربية بس.
بس فى نفس الوقت لازم الواحد ميطمعش و يفتكر ان الاسعار هتنزل 40% و اللى بيقول انها هتنزل 40% عايزه يجيبلى بلد واحدة بس اسعار العربيات نزلت فيها 30% حتى ماعدا امريكا و العربيات الامريكانى لان امريكا ليها ظروف خاصة لان فائض العربيات اللى فيها ضخم جدااااااااا يعنى مثال لو المبيعات انخفضت 50% فى مصر و التوكيلات استوردت 10000 عربية يعنى مركون فى الميناء 5000 عربية اما فى امريكا لو انخفضت 50% برده التوكيلات هتستورد بدل 10000 عربية مليون عربية و بالتالى المخزون اللى هيبقى فى الميناء هو نص مليون عربية علشان كدا لازم يخلصوا منهم باى طريقة , امريكا بتستورد عربيات اكتر من كتير من دول العالم مجتمعين مع بعض.

يعنى فى رايى الشخصى فى عربيات سعرها بقا ممتاز دلوقتى بس برده انصح الناس مشتريش دلوقتى الا لما كل حاجة تبان و تحافظ على السيولة اللى معاها لان حتى الاسعار لو منخفضت مش هتزيد فى الةقت الحالى.

الى محتاج يشترى ضرورى ممكن يشترى من العربيات اللى سعرها بقا مناسب بس غير كدا منصحش .
كمان محدش يتخدع مثلا بانخفاض سعر الفكترا و الاوكتافيا الA5 القديمة لان العربيتين دول كمثال نزل منهم الموديلات الجديدة و الِA5 الجديدة نزلت مصرفتخفيض التوكيل 10-15% دا قليل لان العربية بقت قديمة خلاص و اليورو لوحده نزل 15% يعنى التخفيض ال10% دا معناه ان التوكيل مقللش هامش الربح مجرد قلل فرق اليورو و كسب اكتر كدا يعنى.
كل واحد ياخد باله ان اليورو كان ب 8.4 و دلوقتى بقا ب 7.1

خطورة الشراء فى الفترة دى حتى لو العروض ممتازة حاجتين
1- لو الزمة استمرت اتوقع الحكومة تنزل الجمارك و الضرائب على السيارات المجمعة محليا لان المصانع دى هتوقف الانتاج و تطرد العمال بسبب ارتفاع التكلفة و مفيش بيع , انا اتوقع ان الحكومة هتساعد المصانع و بالتالى لو شالوا الجمارك او الضرايب سعر العربيات دى هيقل جامد , كمان لو اللوجان نزلت من المغرب بسعر 50-60 الف هتموت اللانوس و الفرنا و الاسبرنزا و الFRV وكل العربيات اللى فى السعر دا زى السبارك و الحاجات دى العربيات دى فمعتقدش ان اصحاب التوكيلات و خصوصا اللى عندهم مصانع هيسكتوا .
2- الشراء بيدى التوكيلات سيولة و بيخلصوا من العربيات اللى مركونة فى المخازن و الموانى وموديلات 2008 اللى لسه مش عارفين يبيعوها فبالتالى هيبقى معاهم فلوس و مش هيخفضوا تانى او على الاقل الاسعار هتستقر كدا

10 / 10 ...

انا معاك فى كل كلمه وكل حرف

أنتا راجل محترم يا باشا لكن معا أحترامى لسيادتك ولراى جنابك
أنتا كدا شايف أن أحنا لازم نستسلم لأصحاب المصانع والتجار يعملو فينا الى يعجبهم يعنى يزود السعر أو ينزل السعر برحتو ولما ينزل أى تخفيض نهلل ونكبر ونقول متشكرين ولما يستورد عربيات ويشيل منها الكماليات ووسائل الأمان نبوسو ونقولو بتتعب معانا
ولما العمله تزيد يزود هوا السعر فى نفس الحظه لكن لما السعر ينزل نشترى منو كل المخزون علشان نساعدو
أسف لكن حضرتك بتفكر باسلوب التجار مش المستهلكين ولو حضرتك مش معا الحمله مش مشكله لكن مش معنى كدا أن الحمله فشلت لكن معناها أن الحمله كل يوم فى أذدياد وأن شاء الله النتايج الى أحنا عوزينها هتظهر على المدى االمتوسط القريب أن شاء الله
على فكره انا شارى عربيه من شهر أغسطس 2008 وعارف أن سعرها رخص لكن مش زعلان بالعكس أنا مبسوط لأن الأسعار بتنزل عليا وعلى السوق كولو ويارب الحمله تكبر أكتر وأكتر ونتايجها تبان أدام كل المعارضين والمشككين

كلام موزون جدا

بس أنا شايف أن الافضل برده هو الإمتناع عن الشراء الان
لأن الضغط علي الوكلاء مع الوقت هينقلوه للحكومه اللي غالبا هترضخ لضغط رجال الأعمال بتقليل الجمارك أو الضرائب ولو لفتره مؤقته لتحريك السوق
في النهايه المشتري هيبقي كسبان والأسعار هتقرب من الأرقام المنطقيه اللي بنسمع عنها بره مصر

مع احترامي طبعا لوجهه نظرك

لكن الواحد بيتمنى العكس

وفي وجهه نظر تانيه بتقول ان لو المقاطعه استمرت هيبقى فيه ركاد في سوق العربيات وده الي حاصل دلوقتي
على مدى بعيد اكتر من 2 او 3 شهور العربيات متباعتش الناس هتفلس
يا يقفلوا المعارض يا يبيعوا برخص التراب
والعروض الي شايفنها دلوقتي ماهي الا رجوع للاسعار السابقه
بعديين عدد مشتركي الحمله 10000 لو نصهم اشتروا عربيات يبقى الركود ده راح عدد العربيات الي موجوده في الجمارك في حدود 3 الف ل 08 وتقريبا 2الف ل 09 يعني 5 الف عربيه
وعدد المشتري 10 الف يعني عدد لا يستهان به عشان نصهم بس يحلوا الازمه ربعهم بس لو اشتري ينعش السوق

يا جماعة انا متفق معاكوا و بالعكس مبقولش نشترى , لأ , انا قلت منشتريش و نستمر لحد ما كل حاجة تبان و منصحش اى حد يضحى بسيولة معه اساسا فى الفترة دى لان محدش يعرف هيحصل ايه بالعكس احنا مش عايزين ندى فلوس للتوكيل علشان يبقى معاه سيولة كايفة فيزود شوية او يثبت الاسعار او على الاقل الحكومة تتدخل بتخفيض الجمارك دى اقل حاجة ممكن تحصل و دا المطلوب.
انا بس بشرح للناس ايه اللى مفروض تتوقعه و ايه اللى مش هيحصل غير فى الاحلام (موضوع ال40-50%) لانه محصلش فى اى حتة فى العالم غير امريكا على عربيات امريكانى معينة.
و كمان فى ناس مضطرة تشترى دلوقتى فبوضح بس علشان يعرفوا ايه اللى سعره مناسب (اليورو نزل 15% مثلا ) و ايه اللى لسه بدرى كدا يعنى.
اما عن الحملة فانا نفسى تنجح طبعا بس انا متاكد بنسبة 99% ان مفيش و لا حملة و لا اى حاجة و اللى بيحصل سببه السوق اللى واقف و الحالة الاقتصادية فى مصر و اول ما هتتحسن و الناس يبقى معاها فلوس تانى و البنوك تدى قروض تانى هتلاقى البيع تضاعف اكتر من السنين اللى فاتت و هتلاقى الاسعار نطت تانى , للاسف الحملة دى لو كانت اتعملت فى 2007 او اول 2008 قبل الازمة المالية مكانش هيشارك فيها حد اساسا و لا اى حاجة و مكانتش التوكيلات نزلت ربع جنيه بالعكس كانت هتزود الاسعار, مينفعش نيجى على وقت شدة اقتصادية و نقول الحملة السبب بس مش اكتر

تمام كلامك يا سمعه

بس نقدر نقول ان الحمله من ضمن الاسباب

عامه انا شايف ان الازمه فعلا مكانتش ماثره في مصر عشان مصر شبه منعزله الشعب زي ما هو الي معاه بيشتري والى معهوش ميلزموش
والتوكيلات شغالين بمزاجهم والمستعمل الي يعرف يبيع بالغالي يبيع والي ميعرفش بيبيع ب رخيص
انما لما بدا شويه يبقى في وعي ان في عربيات برا رخصت وحتى العربيات الى متصنعه بتكلفه غاليه بقى في عروض عليها ورخصت جدا جدا
ابتدت الحمله دي تضم اصوات ناس وانا شايف ان احسن هدف محققاه الحمله انها ضامه عدد من الناس لا يستهان به لا يقل عن 9 الف واحد معترضين عن الشراء لو نصهم اشتروا كانت ازمه العربيات اتحلت
في اي حاله من الاحوال الشراء الان هو قرار غير منطقي
ولازم تثبت شويه حتى نسبت 6 شهور ايه المشكله
ده موديلات 09 لو صدت عندنا هتبقى اكبر ضربه لسوق السيارات والتوكيلات

تخيلوا يا جماعه بدون ازمه او بازمه او حتى بانتعاش اقتصادي رائع مقاطعه سيارات تحصل
08 و 09 تصدى ونبقى داخلين على 2010 وموديلاتها هتنزل لسه
وفي ما لا يقل عن 6 الف عربيه مصديين
ده لو محصلش تدخل في مصر الشركات الام هتتدخل عشان عربياتها متصديييش

* أعتقد أن هدف الحملة ليس إفلاس التجار والوكلاء ؛ ولكن الهدف هو الوصول إلي سعر عادل
* يعني لو الوكيل حالياً بيحقق مكسب صافي نسبتة 30 % ( إن لم يزيد) لية ما يخفضش أرباحة إلي 10 % مثلاً
* كمان لو إستمرت الحملة أكثر ثلاث شهور مثلاً علي أقل تقدير فية ناس كتير هاتبيع بخسارة (تحرق الأسعار ) لتسييل المخزون لسداد إلتزاماتها
* أكرر أن هدف الحملة الوصول إلي سعر عادل وليس إفلاس الوكلاء والتجار

الموضوع مش كده,
الموضوع انو سعر العربية مبالغ فيه حتى قبل الأزمة المالية,
لو انت مرتبك متوسط, هتلاقى انو سعر عربية من الفئة الادنى تعادل مرتب 4 او 5 سنين!
بالذمة ده كلام؟! السيارة سلعة استهلاكية سريعة عمرها الافتراضى 6 سنوات فقط بحسب الشركات المصنعة, ده غير انها ممكن تضيع فى ثانية لا قدر الله,
فهل من المعقول انى ادفع مرتب 5 سنين فى حاجة ممكن تضيع فى ثانية و عمرها 6 سنوات,
و بعدين سلعة استهلاكية مش معمرة, ديه مش تلاجة و لا ديب فريزر.
سعر السيارة فى مصر لا يعادل قيمتها, و هنا بيت القصيد, و أعتقد انو ده الهدف الحقيقى من الحملة.
هتقولى الجمارك و الين و اليورو,
هقولك مليش دعوة, المستهلك قال كلمته و مش هيشترى بالأسعار ديه, و على الوكلاء و التجار و المسئولين فى كل هذه المنظومة التأقلم مع الأوضاع الجديدة بما ان المستهلك هو الذى يدفع, و هو صاحب الكلمة العليا,
يخفضوا الجمارك, يعملوا عربية فى مصر عشان اسعار الجمارك, يتصرفوا, ديه مش مشكلتنا.

حل المشكلة دى فى ايد الحكومة لان جمارك العربيات عندنا مبالغ فية بغباااااااااااااااااااااا ااااااااااااااااااااااااا ااااااااااااااااااااااااا ء

اقتباس:

---

أعتقد أن هدف الحملة ليس إفلاس التجار والوكلاء ؛ ولكن الهدف هو الوصول إلي سعر عادل
* يعني لو الوكيل حالياً بيحقق مكسب صافي نسبتة 30 % ( إن لم يزيد) لية ما يخفضش أرباحة إلي 10 % مثلاً
* كمان لو إستمرت الحملة أكثر ثلاث شهور مثلاً علي أقل تقدير فية ناس كتير هاتبيع بخسارة (تحرق الأسعار ) لتسييل المخزون لسداد إلتزاماتها
* أكرر أن هدف الحملة الوصول إلي سعر عادل وليس إفلاس الوكلاء والتجار

---

يا جماعة الناس بتبالغ بشكل شديد
كل واحد فاكر التوكيل اللى بيبيع العربية اللى ب 100 الف جنيه كسبان فيها 90 الف , لأ طبعا
اعقلوها يا جماعة و احسبوا سعر العربية فى الخليج او اوروبا + الجمارك و هتعرفوا ان التوكيل اخره يكسب 20% من العربية , ميكسبش اكتر من كدا غير فى العربيات اللى فوق ال800 الف جنيه.
30% ازاى , احسبها هتلاقى الرقم مستحيل.
للعلم الحاجة الوحيدة اللى التوكيل يقدر يخفضها هى مكسبه لانه لا يقدر يخفض الجمارك و لا يقدر يخفض سعر العربية الاساسى لان الشركة الام هترفض لان مصر بالنسبة للشركة الام مبتمثلش اى حاجة و مبيعاتها فى مصر ملهاش اى لزمة لان عدد العربيات اللى بيتباع فى مصر كله خلال السنة اقل من نص عدد العربيات اللى بتتباع من موديل واحد بس من مركة معينة فى امريكا زى الهوندا الاكورد , يعنى الاكورد بتبيع فى امريكا فى السنة اكتر من 400 الف عربية , فى مصر اجمالى مبيعات كل العربيات فى السنة 198 الف عربية .
انا فى رايى الشخصى غير العربيات اللى فوق ال800 الف جنيه و العربيات المجمعة محليا مكسب الوكيل -فى رايى - فى حدود 15-25% بالكتيير اوى حسب الموديل و معتقدش كمان ممكن يوصل ل 25%.
الكلام دا رايى بس انا معرفش الحقيقة , انا بحسب على اساس فرق السعر بين العربية فى الخليج و مصر علشان احاول اوصل لالتوكيل بيزود كام عن الطبيعى و بكدا احاول اقول مكسبه كذا مثلا بس طبعا دى كلها تخمينات.
حضرتك متخيل لما الجمرك يبقى 61% من تمن العربية يبقى العربية تمنها كام بره اساسا و يبقى مكسب الوكيل كام!!

اما بالنسبة لاهداف الحملة فانا مليش اى دعوة بيها لان الحملة ملهاش لزمة زى ماقولت و بمجرد مرور الازمة المالية هيبان ان الحملة و لا لها اى تأثير اساسا , التاثير اللى فى ناس شايفاه بسبب الحملة مش بسبب الحملة , لأ , بسبب الازمة بسسسس .
انا بقول نفسى توكيلات كتير تفلس علشان فعلا فى توكيلات سرقت الناس بشكل مبالغ فيه فى كل حاجة و اللى العن من مكسبهم فى العربية مكسبهم فى قطع الغيار , انا فى رايى برده مكسبهم فى قطع الغيار مش اقل من 100-200% و اسعار المصنعيات المبالغ فيها و كدا , يعنى واحد بيسرقك طبعا لازم الواحد يتمنى انه يفلس.
اللى بتعمله توكيلات كتير تستحق ان الناس تتمنى انها تفلس

اقتباس:

---

المشاركة الأصلية كتبت بواسطة som3aa

للعلم يا جماعة انا مش تاجر و لا وكيل سيارات و لا لى اى علاقة بالمجال دا و نفسى فعلا توكيلات كتير تخسر جامد او تفلس فى الازمة دى بسبب المبالغة الشديدة فى الأسعار و هوامش الربح اللى مبقتش هامش خالص , دى بقت نسبة كبيرة من تمن العربية.

بس فى رايى الشخصى سبب امتناع الناس عن الشراء مش حملة خليها تصدى اطلاقا بالعكس انا شايف ان الحملة ملهاش اى لزمة و مش هتعمل اى اثر لاننا مصريين.
سبب امتناع الناس عن الشراء هى ضعف السيولة اللى حصل لناس كتييير جدا و خسارة ناس كتير فى البورصة و الكلام اللى الناس بتسمعه عن ان سنة 2009 سنة سوداء و الله اعلم الازمة دى هتعدى امتى و يا ترى الامور هترجع زى الاول و لا خلاص .
يعنى سبب امتناع الناس عن الشراء فى رايى 4 حاجات
1-انخفاض السيولة مع بعض الناس و تسريح بعض الناس من العمل و توقف معظم الشركات عن التعيين
2-محاولة الناس للاقتصاد فى الاصراف لحد الازمة المالية متعدى و محاولة منهم يستنوا يشوفوا الازمة هتعد شهور و لا سنة و لا سنتين و لا اكتر علشان يعرفوا يصرفوا و لا لأ لان لو الناس صرفت الفلوس و الازمة استمرت سنين هيعيشوا طول السنين دى فى ضغط مالى.
3- حتى اللى معاه سيولة و مش بيفكر لقدام علشان يعرف الازمة هتعدى و لا لأ بياجل قرار الشراء لمعرفته ان الاسعار هتقل يوم بعد يوم و لو اشترى هيندم و ان العروض اللى التوكيلات بتقول عليها لفترة محدودة هى غالبا لفترة طوييييلة جدا لحد برده كل حاجة ما تبان.
4- البنوك اللى قللت او امتنعت عن الاقراض و 60% من السوق بيعتمد على الاقساط فطبيعى يحصل ركود شديد.
احنا كمصريين للاسف مش زى الشعوب الاوروبية المحترمة نقدر نقول احنا مقاطعين منتج علشان سعره غير منطقى بالمرة و مبالغ فيه , لأ احنا بندفع و احنا ساكتين علطول.
لازم نعرف ان حملة خلوها تصدى على الfacebook دى فى رايى تهريج اساسا لان مؤسسيها واحد و واحدة و هى متعرفش حاجات كتير عن العربيات و اللى خلانى اقول كدا ان واحد سالها سؤال اجابته سهلة جدا معرفتش ترد و ردها يدل على انها معندهاش معرفة بمجال السيارات و الموضوع دا فكرنى بفلم رامى الاعتصامى لما كام واحد قاعدين فاضيين يقولك نعمل حملة على الfacebook.
لازم اللى يعمل حملة يعرف فعلا الاسعار بره نزلت كام فى المية بالظبط و فى اوروبا و اسيا بالذات بعيدا عن امريكا لان السوق الامريكى ارخص سوق فى العالم كله فى كل حاجة لانه اكتر سوق استهلاكى فى العالم , يعنى لازم يبقى فى معلومات و بيانات عند الناس اللى هتعمل الحملة دى مش يلا كدا على الfacebook و السلام.
حاجة تانية , 10000 واحد دا رقم قليل جدا فى بلد عددها 80 مليون , قول 3-6 مليون منهم بس هم القوة الشرائية اللى تقدر تشترى سلع زى العربيات (الارقام من خيالى , معرفش القوة الشرائية فى مصر كام), 10000 دا رقم قليل جد و دا عدد الناس اللى دخلت و اشتركت فى الحملة دى على الfacebook.

عموما الايام هتثبت ان كلامى صح (ان شاء الله ) مع انى نفسى يطلع كلامى غلط و نطلع لاول مرة فى حياتنا ايجابيين بس انا متاكد ان مش دى الحالة هنا
الاثبات اول ما الازمة تعدى ان شاء الله سواء بعد شهور او سنين هتلاقوا الاسعار نطت تانى اعلى من الاول فى مصر و كل حاجة رجعت تانى عادى الا لو الاقتصاد العالمى مرجعش تانى زى الاول و البورصة مرجعتش تانى ل 12000 نقطة و البترول مرجعش تانى لفوق ال100 دولار للبرميل.

اما بالنسبة للناس اللى بتقول نشترى دلوقتى ولا نستنى
فى ناس بتقول لازم نستنى الاسعار تنزل ل 40-50% , احب اقول للناس دى هتستنوا طول العمر بس مش اكتر لان عمر الاسعار مهتنزل بالشكل دا.
للعلم رسمى توكيل مرسيدس و Bmw و فولكس فى المانيا زودوا اسعار العربيات بسبب الازمة المالية و افتح بنفسك و اتاكد من موقع الشركات نفسها بس الفكرة انهم بيبيعوا عند الموزعين باسعار ارخص بكتير عشلان يعرفوا يصرفوا العربيات الكتير اللى انتجوها بالفعل.

فى رايى الشخصى الانخفاض المعقول فى الاسعار هى 20-25% للعربيات الاوروبى و 10-15% للبقية بالكتير اوى اوى الا العربيات المبالغ فى سعرها فى الاساس ممكن تنزل اكتر زى الالنترا غبور كان زودها من 92 الف لاول فئة مانيوال ل 104 الف فى الفترة من اول 2007 لنص 2008.
اكتر من كدا معتقدش انه ممكن الا فى حالة انخفاض الجمارك او الضرائب.

فى رايى الشخصى لو الازمة دى هتستمر لاكتر من سنة يبقى الاسعار اللى سمعناها من غبور دى و غيره هتقل اكتر اما لو مش هتستمر فمعتقدش هتقل كتير.

لحد دلوقتى معظم التوكيلات لسه منزلتش تخفيضات محترمة الا كام عربية بس.
بس فى نفس الوقت لازم الواحد ميطمعش و يفتكر ان الاسعار هتنزل 40% و اللى بيقول انها هتنزل 40% عايزه يجيبلى بلد واحدة بس اسعار العربيات نزلت فيها 30% حتى ماعدا امريكا و العربيات الامريكانى لان امريكا ليها ظروف خاصة لان فائض العربيات اللى فيها ضخم جدااااااااا يعنى مثال لو المبيعات انخفضت 50% فى مصر و التوكيلات استوردت 10000 عربية يعنى مركون فى الميناء 5000 عربية اما فى امريكا لو انخفضت 50% برده التوكيلات هتستورد بدل 10000 عربية مليون عربية و بالتالى المخزون اللى هيبقى فى الميناء هو نص مليون عربية علشان كدا لازم يخلصوا منهم باى طريقة , امريكا بتستورد عربيات اكتر من كتير من دول العالم مجتمعين مع بعض.

يعنى فى رايى الشخصى فى عربيات سعرها بقا ممتاز دلوقتى بس برده انصح الناس مشتريش دلوقتى الا لما كل حاجة تبان و تحافظ على السيولة اللى معاها لان حتى الاسعار لو منخفضت مش هتزيد فى الةقت الحالى.

الى محتاج يشترى ضرورى ممكن يشترى من العربيات اللى سعرها بقا مناسب بس غير كدا منصحش .
كمان محدش يتخدع مثلا بانخفاض سعر الفكترا و الاوكتافيا الA5 القديمة لان العربيتين دول كمثال نزل منهم الموديلات الجديدة و الِA5 الجديدة نزلت مصرفتخفيض التوكيل 10-15% دا قليل لان العربية بقت قديمة خلاص و اليورو لوحده نزل 15% يعنى التخفيض ال10% دا معناه ان التوكيل مقللش هامش الربح مجرد قلل فرق اليورو و كسب اكتر كدا يعنى.
كل واحد ياخد باله ان اليورو كان ب 8.4 و دلوقتى بقا ب 7.1

خطورة الشراء فى الفترة دى حتى لو العروض ممتازة حاجتين
1- لو الزمة استمرت اتوقع الحكومة تنزل الجمارك و الضرائب على السيارات المجمعة محليا لان المصانع دى هتوقف الانتاج و تطرد العمال بسبب ارتفاع التكلفة و مفيش بيع , انا اتوقع ان الحكومة هتساعد المصانع و بالتالى لو شالوا الجمارك او الضرايب سعر العربيات دى هيقل جامد , كمان لو اللوجان نزلت من المغرب بسعر 50-60 الف هتموت اللانوس و الفرنا و الاسبرنزا و الFRV وكل العربيات اللى فى السعر دا زى السبارك و الحاجات دى العربيات دى فمعتقدش ان اصحاب التوكيلات و خصوصا اللى عندهم مصانع هيسكتوا .
2- الشراء بيدى التوكيلات سيولة و بيخلصوا من العربيات اللى مركونة فى المخازن و الموانى وموديلات 2008 اللى لسه مش عارفين يبيعوها فبالتالى هيبقى معاهم فلوس و مش هيخفضوا تانى او على الاقل الاسعار هتستقر كدا

---

لما انت مع الحمله بتجرح فى اللى قاموا بها ليه- ولما هى تهريج مكلف خاطرك وبتعمل تحليل ليه- اعتقد انه اللى قاموا بالحمله مش ضرورى يكونوا اساتذه فى الاقتصاد وكفايه لهم شرف المحاوله والعدد اللى بيزيد يوم ورا يوم- اما تحليلك الظريف فابلغ رد هو الانتظار ونشوف - :U_thin1[1]:

علي فكرة انت معملتش احصأيات عشان تحكم علي الحملة ان ملهاش لازمة

وكلامك كلام شخصي
وفي حالة الكلام الشخصي ----اذا كان ايجابي مع الحملة ممكن تعبر عنة
واذا كان سلبي ضد الحملة ياريت تحتفظ بية لنفسك عشان متعملش احباط لحاجة كويسة اغلب اعضاء المنتدي متكاتفين ويدعموها ودة مش رأي شخصي اقراء اغلب اراء الاعضاء عن الحملة ايجابية بنسبة كبيرة

وانا ولله معاية فلوس كاش وجاهز للشراء في اي وقت لكن تضامنا مع الحملة مش هشتري
وتضامن اكتر لو الاسعار منزلتش هشتري سيارة من خارج مصر ودة في حد ذاتة تضامن مع الحملة

:fdsa::fdsa::fdsa::fdsa::fdsa::fdsa::fdsa::fdsa::f dsa::fdsa::fdsa::fdsa::fdsa:


تحياتي واحترامي لمهندس خليها تصدي وموديلها يعدي

:vctry::vctry::vctry::vctry::vctry::vctry::vctry:: vctry::vctry:

السيد الفاضل / سمعة...

شكرا علي تحليلك الموضوعي للحملة , و أتفق معك أن أسباب الركود في سوق السيارات هي الاسباب التي ذكرتها و هذا لاخلاف عليه , و لكن أسمح لي أختلف معك في أنه أذا كانت الحملة ليست من ضمن هذه المؤثرات فقد كان لزاما علي مؤسسيها و أعضائها أطلاقها في هذا التوقيت كي تأخذ من الاسباب و المؤثرات الأخري قوة الدفع التي تجعلها تنمو و تستمر و الدليل علي ذلك زيادة أعضائها من 1000 الي 1500 الي 10000 عضو في مدة شهر واحد و مازال العدد في تزايد مستمر

و يجب أن تلاحظ مناقشات أعضاء الحملة علي الفبس بوك و الميسنجر الخاص بموقع الحملة لتعرف أن من ضمن أهداف الحملة هو أستثمار الظروف الاقتصادية التي نمر بها لأعادة أسعار السيارات ووضع السوق الي نصابها الصحيح دون ظلم لأحد

كما أني أختلف معك مرة أخري في الهجوم و التجريح أو النيل من أحد أعضاء الحملة أو مؤسسيها في غيابه , فكان من الأولي بك أن تواجه أعضائها بهذا الكلام علي موقع الحملة قبل أن تفتح هذا الموضوع هنا , و يكفي هؤلاء الأعضاء المؤسسين أنهم خطوا الخطوة الأولي ليكسروا قاعدة السلبية التي أتهمت بها سيادتك غالبية أبناء هذا الوطن , فماذا فعلت أنت لتكون أيجابيا ؟؟

مرة أخري ليس معني أختلافي معك و نقدي لموضوعك أني لا أقدر التحليل الذي أشرت اليه , بل علي العكس أحييك علي مجهودك و سوف أرفعه بالنيابة عنك لأعضاء الحملة كي يؤخذ به في الاعتبار في مناقشاتهم , لأن هذه الحملة تسير وفق أهداف و منهج و تتقبل كافة الأفكار و النقد كي تستمر بنجاح

و شكرا لك و لكل من شارك بفعالية لأنجاح "خلوها تصدي و موديلها يعدي"

م/ سمير الشهاوي

مالهم مؤسسين الحملة ليه نهين الناس

و مالها البنت إتسألت أيه و مردتش


لو سمحت أنا عايز دليل على الكلام دة

:verygood:سبب امتناع الناس عن الشراء هى ضعف السيولة

100*100
:verygood:

اولا يا جماعة الناس اللى بترد رد مش محترم متستحقش اساسا انى ارد عليها , هرد بس على اللى ردوا ردود محترمة و اولهم المهندس سمير الشهاوى
اولا انا مش ضد الحملة و نفسى فعلا الحملة تنجح و الناس تبطل تشترى العربيات بس انا متاكد بنسبة 100% ان سبب الامتناع عن الشراء فى الاساس هو الازمة المالية مش اكتر و لا اقل و انا مبسوط جدااااااا بمقاطعة الناس للشراء و انخفاض الاسعار اللى حصل و اللى هيحصل بس اللى خلانى اكتب الكلام دا ان ناس كتييير اوى فهمت ان الاسعار لازم تنزل 50% و كتير فهموا الموضوع كله غلط و مش عارفين اساسا السعر العادل للعربية اللى المفروض لما توصله الناس تشترى.

طيب ايه اهداف الحملة؟ حسب كلام مؤسسين الحملة هو تخفيض سعر العربيات زى ما الاسعار نزلت بره , طيب ممكن طلب منهم , ممكن حد يقولى الاسعار نزلت بره فى دولة ايه كام فى المية؟ يعنى الناس اللى بتقول 30-40-50% لو سمحتوا هاتولى دولة واحدة بس نزلت فيها الاسعار بالمعدل دا غير امريكا.

طيب ممكن نراجع كلام مؤسسة الحملة هنا بتاريخ 29 ديسمبر يعنى بعد مدة كبيرة جدا من اطلاق الحملة
http://www.facebook.com/topic.php?ui...099&topic=7210
دا كلامها

اقتباس:

---

el gamrek 7asb ma s2lt 65% mn tamn el 3rbya fi masr


7asbi allahwe n3m el wakil

---

هى مش عارفة اساسا الجمارك على العربيات كام فى المية , اساسا الرقم دا غلط لان الجمارك حسب الcc بتاع العربية
طيب هى على اساس ايه قالت ان اسعار العربيات فى مصر مبالغ فيها لما هى مش عارفة الجمرك كام؟
على فكرة انا لا اعرفها و لا اعرف الشحص التانى مؤسس الحملة و لا بذم فيهم و لا بشتم و لا الكلام اللى الناس قالت انى قلته
انا كل اللى قلته ان مؤسسة الحملة معندهاش معرفة كويسة بمجال العربية , يعنى على اساس ايه بتقول ان العربيات فى مصر غالية و هى متعرفش فى الاساس الجمرك كام , يعنى تخيل انا عارف سعر العربية فى امريكا 1 جنيه و بتتباع فى مصر ب 1.5 ازاى احكم دا قليل و لا كتير منغير ما اعرف الاول الجمرك كام علشان احكم التوكيل مفروض يبيعها بكام و السعر كدا كويس و لا لأ.
تانى انا مش بنتقدها لانها مغلطتش فى اى حاجة و لا انا اعرفها شخصيا و كفاية حماسها بس اللى يعمل حملة كدا لازم تكون عنده معلومات اكتر عن الاسعار فى الخليج و اوروبا و امريكا و الجمارك و كيفية حسابها بالظبط علشان يقدر على الاقل يحكم صح و يعرف ايه التوكيلات اللى مبالغة و مين مش مبالغ فى المكسب و بعدين يشرح للناس و يفهمهم كل حاجة مش يسيب الناس يتعشموا بانخفاض 50%.
سبب انى قريت ناس كتير اوى هنا بتكتب الاسعار لازم تنزل 50% هو جهلهم باسعار السيارات الجديدة بره كام و جمركها كام و كل اللى سمعوه هو ان الاسعار نزلت 30% منغير ميتاكدوا من المعلومة حتى صدقوا على طول.

طيب اقروا الكلام داhttp://www.facebook.com/topic.php?ui...099&topic=7193

ازاى بيدعوا ان الحملة السبب عن امتناع الناس عن الشراء مع ان كل اللى مشاركين فيها هم 9000 واحد بس , معلش انا اسف لو 9000 واحد امتنعوا عن الشراء مستحيل يحصل اى ازمة و لا اى سعر عربية ينخفض , مبيعات العربيات فوق ال 198 الف عربية فى السنة اللى كان اخر 3 شهور فيها مصر فى وسط الازمة المالية و عدد المشاركين قرب ال5% من عدد الناس اللى اشترت و كمان مش كل المشتركين فى الحملة اساسا عندهم النية يشتروا عربيات جديدة فى الوقت الحالى كمان الركود كان شديد فى نوفمبر و الحملة كانت لسه فى اولها.

طيب انا كمان نفسى الناس تقاطع التوكيلات اللى مبتعملش test drive و اللى بتبيع العربيات بدون ميكون فى فئة منها على الاقل فيها abs و 1 airbag للسواق على الاقل , اعمل ايه؟؟ اعمل حملة على الfacebook؟
مش محتاج لانى عارف مصيرها حتى لو مليون واحد شاركوا فيها , كلنا عارفين الحال فى مصر , اللى معاه تمن العربية و عجبه شكلها و امكانياتها هيشتريها و هيقول ايه يعنى مفيهاش الحاجات دى , طيب ما العربيات اللى قبل سنة 2000 معظمها مفيهاش الحاجات دى و عادى شغالة 100% , ايه يعنى التوكيل مش عامل test drive ؟ مع ان
دا خق اصيل لكل واحد رايح يشترى عربية.

طيب لما الازمة تنتهى تفتكر الناس لو معاها فلوس كاش و مش خايفين من السنين الجاية ازمة و كدا مش هيشتروا تضامنا مع الحملة؟؟
اكييد هيشتروا علطول , اللى بيقول انا فلوسى كاش و مش بشترى تضامنا مع الحملة ’ انا رايى انك من الناس اللى ينطبق عليهم النقطة رقم 3 اللى هى ناس عايزة تشترى و خايفة الاسعار تنزل اكتر بكتير و هديك دليل و رد بصراحة لو مفيش حملة و انت متاكد ان الاسعار هتنزل بعد 3-6 شهور من النهاردة هتشترى علطول و لا هتستنى ال3 او ال6 شهور دول , ردك هيدل على فعلا الحملة اثرت عليك و لا لأ.

كل اللى اقصد اقولة تلخيصا لكلامى اولا انا مشتمتش و لا ذميت و لا قلت كلام وحش على مؤسسى الحملة و كلامى موجود اهو اتحدى اى حد يطللع اى حاجة فيه.
2-انا مبقولش للناس تشترى و لا بحاول احبطهم بالعكس انا نفسى مرة واحدة بس الناس فعلا تتفق على حاجة و تنفزها علشان مصلحة الكل و مش كل واحد معاه الفلوس ينزل جرى يشترى.

نفسى الحملة يكون لها اهداف واضحة و اللى يعملوها يحددوا بدقة الهدف اللى عايزين يوصلوله بحيث يبقى للحملة هدف جدى واضح و الحملة توضح التوكيلات اللى بتبالغ فى مكسبها و تحسب سعر العربية الخليجى كام و فرق السعر و الامكانيات ايه علشان لازم يبقى فى هدف الناس توصله مش الهدف ان الاسعار تنزل و خلاص , طيب اديها نزلت ,منصور خفض , غبور خفض , امتى الناس تشترى؟؟؟

عموما الايام هتثبت الحملة فعلا هى اللى اثرت و لا الازمة المالية مع ان الموضوع دا مش محتاج كلام.

ولا يهمك يا باشا
أنت كلامك صح واحنا ما بنفهمش حاجه


:pointi~2[2]:

خليها تصدى

اقتباس:

---

عموما الايام هتثبت الحملة فعلا هى اللى اثرت و لا الازمة المالية مع ان الموضوع دا مش محتاج كلام

---

خلينا نكون واقعيين شوية .. أحنا ممكن نقول أن الأزمة تأثيرها أكبر من الحملة ودة شيء منطقي للغاية و طبيعي أن الأزمة يكون تأثيرها أكبر لأنها بتضرب قطاعات كتير وأعداد كبيرة من المستهلكين لحد هنا أنا موافق معاك لكن بالنسبة لكلامك أن الحملة مالهاش أي تأثير أعتقد دة فية ظلم للحملة ونشاطات أعضائها وأنا قلت قبل كدة أن أحنا لو حصرنا الحملة بأعضائها اللي على الفيس بوك بس هيبقى في ظلم كبير للحملة وشرحت أن لو كل واحد قال ل 2 من أصحابه وال 2 دول قالوا ل 2 غيرهم الناس كلها هتعرف عن الحملة في مدة يومين وأنت عارف الناس عندنا بتحب تتكلم قد أية يبقى الناس لو سمعت عن أن في حملة وأن السبب في الحملة جشع التجار وأن الأسعار هتنزل لو أمتنعوا عن الشراء وأقتنعوا تماماً بالكلام يبقى أيه اللي يمنع أنهم يقاطعوا ولو لفترة ؟ لأ بكل صراحة الحملة ليها تأثير ومن الظلم أنكاره .

اقتباس:

---

طيب ممكن نراجع كلام مؤسسة الحملة هنا بتاريخ 29 ديسمبر يعنى بعد مدة كبيرة جدا من اطلاق الحملة

---

مين قال أن مؤسسة الحملة بنت ؟؟ كلام خاطيء تماماً مؤسسي الحملة رجال وصاحب جروب الفيس بوك شاب وهو ليس بالشرط مؤسس الحملة ولا صاحب فكرتها مع أن دة مش موضوعنا بس فقط لمجرد التوضيح .

"هى مش عارفة اساسا الجمارك على العربيات كام فى المية , اساسا الرقم دا غلط لان الجمارك حسب الcc بتاع العربية
طيب هى على اساس ايه قالت ان اسعار العربيات فى مصر مبالغ فيها لما هى مش عارفة الجمرك كام؟"

أولاً متوسط الأسعار إلسيارات1600 جمركها ٤٠٪ و ١٥٪ و ٢٪
ونقدر نقول بين ٦٠٪ ل-٦٥٪ بشكل تقريبي


كمان ليه حضرتك موجهتش كلام بشكل شخصي لها عل جروب

و كمان هي مغلتتش يعني عشان اثمها بالجهل يعني إنت تجاهلت حاجات كتير و بتتكلم على ٥٪ فرأ و بات جهلة

كل اللى اقصد اقولة تلخيصا لكلامى اولا انا مشتمتش و لا ذميت و لا قلت كلام وحش على مؤسسى الحملة و كلامى موجود اهو اتحدى اى حد يطللع اى حاجة فيه.

sam car said;
لما انت مع الحمله بتجرح فى اللى قاموا بها ليه- ولما هى تهريج مكلف خاطرك وبتعمل تحليل ليه- اعتقد انه اللى قاموا بالحمله مش ضرورى يكونوا اساتذه فى الاقتصاد وكفايه لهم شرف المحاوله والعدد اللى بيزيد يوم ورا يوم- اما تحليلك الظريف فابلغ رد هو الانتظار ونشوف

مين قال أن مؤسسة الحملة بنت ؟؟ كلام خاطيء تماماً مؤسسي الحملة رجال وصاحب جروب الفيس بوك شاب وهو ليس بالشرط مؤسس الحملة ولا صاحب فكرتها مع أن دة مش موضوعنا بس فقط لمجرد التوضيح

هي مش مؤسسة
هي أدمن

شكلك فاهم يا نصة.

العضو الفاضل/ سمعة...

طبع بأتفق مع رأي حضرتك في أن المطالبة بتخفيضات تصل الي 50% و 40% كلام غير منطقي و لكننا أيض نتفق أن الأسعار مغالي فيها و يجب تخفيضها , أما نسبة التخفيض فهذا ماتتم مناقشته حاليا علي موقع الجروب و من خلال مناقشات الميسنجر الخاص بالحملة

كما أتفق معك في الاسباب التي ذكرتها لركود سوق السيارات و لكن لماذا لانستغل هذا الركود لأطلاق مثل هذه الحملة و الترويج لها لتحقيق مطالبنا كمستهلكين و التي أعتقد أنها عادلة و مشروعة

و لكني مازلت أختلف معك و مع العديد من أعضاء الحملة في أن أهداف الحملة يجب ألا تشمل تخفيض الاسعار فقط لأن هناك أمور أخري مهمة مثل:

- مواصفات السيارات
- خدمة مابعد البيع
- أسعار قطع الغيار و الأكسسوارات
- التزام الوكيل أو الموزع بشروط الضمان و الصيانة

كما يجب أن تطالب الحملة الدولة بأمور أخري مثل:
- تحسين الطرق و توفير أماكن الأنتظار و الخدمات للسيارات في مقابل المبالغ الباهظة التي تحصلها من ضرائب و جمارك و رسوم و خلافه

و أود أن أوجه الدعوة لكافة الأعضاء أن يشاركوا في الحملة بفعالية من خلال طرح أفكارهم و نقدهم البناء من خلال موقع الحملة علي الفيس بوك و من خلال التحاور المباشر علي الميسنجر حتي نتلافي الأختلاف في الرأي و تصبح الأمور واضحة للجميع

موقع الحملة علي الفيس بوك:
http://www.facebook.com/home.php#/gr...id=41473233099

موقع الشات : on msn>>group32599@groupsim.com

يا سلام عليك يا باشمهندس سمير.....حضرتك قلت المفيد كله :S_thum1[1]:

وفعلاً يا سمعة أنا متفق معاك 100% في نقطة إننا لازم نحدد نسبة التخفيض اللي إحنا عاوزينها على كل عربية بشكل محدد ودقيق....مش نقول عاوزين تخفيض وخلاص ونسيب الموضوع عايم....عشان ممكن توكيل من التوكيلات ينزل ألف وللا ألفين ويقول أنا نزّلت الأسعار وعملت اللي الناس عاوزاه أهو...إشتروا بقى!! وأهو فعلاً هايبقى إسمه خفّض أسعاره والناس ممكن تتأثر وتروح تشتري !

يعني على سبيل المثال نتفق إن الإلنترا عاوزينها تبدأ من 85 ألف للمانيوال و90 ألف للأوتوماتيك....غير كده مش هانشتري.....مثلاً يعني
وهكذا بقى مع كل العربيات

فعلاً النقطة دي مهمة جداً ولازم تفضل في إعتبارنا

يا اخ سمعة....

انا مش هتناقش معاك فى كل الكلام الكتير اللى انت كتبته...

انا بس عايز اسألك شوية اسئلة...

- ايه الفايدة المرجوة من انك تثبت ان اللى اطلقوا الحملة مالهومش فى العربيات؟؟؟ اهو انضم ليها اللى بيفهموا (اكيد فى ناس بتفهم فى العربيات من ضمن 10000)...

- ايه الفايدة من انك تقول الحملة ملهاش لازمة فى الوقت ده؟؟؟ و بعد ما شيفورليه و هيونداى نزلوا اسعارهم؟؟؟

- ايه الفايدة من انك تقنع الناس انهم مايطلبوش 50% تخفيض...هنستفيد ايه لما ننزل سقف احلامنا؟؟؟ مش لما الأول التجار ينزلوا ال 15% اللى انت عايزها...نبقى نقول كده كفاية حملة؟؟؟؟ مع انه مش كفاية طبعا...

- فى مصلحة مين انك بتحاول تقنع الناس اننا كمصريين مافيش مننا رجاء...و عمرنا ما هنتحد على حاجة ايجابية...و عمال تقول انك نفسك ده يحصل...و نفس الوقت بتقول ان مش ده اللى حاصل...انت كده بتحمس الناس يعنى؟؟؟؟

انت بتقول انك نفسك الأسعار تنزل...و نفسك ماحدش يشترى...بس اللى خلانى اسأل الأسئلة دى...ان جزء من كلامك بيشكك الناس فى الحملة...و ده طبعا -لو افترضنا ان الناس شكت فعلا- هيكون (قد يكون بدون قصد) لصالح التجار!!!!

و انا مختلف معاك جدا فى محاولتك لتصيد الأخطاء للحملة و لكل كلمة قالها واحد فى الحملة...حاسس انك مش طايق الحملة مش عارف ليه؟؟؟

و انا بصرحة زهقت من المعضلة اللى كل شوية واحد يعيد و يزيد فيها...بتاعت ان التأثير بتاع الأزمة مش الحملة...و لا الحملة مش الأزمة...

من غير الأزمة ما كانتش الحملة بدأت...و الحملة بتوعى الناس بالأزمة...
بقول تانى...من اهم اهداف الحملة توعية الناس بالأزمة و تجنيبهم ضرر كبير...
مش بس عشان لو اشتروا ممكن يخسروا لما الأسعار تنزل...لأ كمان عشان يحافظوا على السيولة فى الأزمة و مايشحتوش على العربيات اللى اشتروها...

خلاصة الكلام....لو حضرتك متفق ان فى ازمة و لازم ما نشتريش...كان اسهل شىء انك تقول خلوها تصدى و موديلها يعدى........

و ده كان هيبقى افيد كتير -و على الأقل مش مضر- لكل واحد بيقرا كلامنا و بيفكر...اشترى ولا لأ....

تقبل تحياتى...و ارجو انك ماتزعلش من صراحتى زى مانت قلت فى عنوان الموضوع...

و شكرا...

اقتباس:

---

المشاركة الأصلية كتبت بواسطة فادى

الموضوع مش كده,
الموضوع انو سعر العربية مبالغ فيه حتى قبل الأزمة المالية,
لو انت مرتبك متوسط, هتلاقى انو سعر عربية من الفئة الادنى تعادل مرتب 4 او 5 سنين!
بالذمة ده كلام؟! السيارة سلعة استهلاكية سريعة عمرها الافتراضى 6 سنوات فقط بحسب الشركات المصنعة, ده غير انها ممكن تضيع فى ثانية لا قدر الله,
فهل من المعقول انى ادفع مرتب 5 سنين فى حاجة ممكن تضيع فى ثانية و عمرها 6 سنوات,
و بعدين سلعة استهلاكية مش معمرة, ديه مش تلاجة و لا ديب فريزر.
سعر السيارة فى مصر لا يعادل قيمتها, و هنا بيت القصيد, و أعتقد انو ده الهدف الحقيقى من الحملة.
هتقولى الجمارك و الين و اليورو,
هقولك مليش دعوة, المستهلك قال كلمته و مش هيشترى بالأسعار ديه, و على الوكلاء و التجار و المسئولين فى كل هذه المنظومة التأقلم مع الأوضاع الجديدة بما ان المستهلك هو الذى يدفع, و هو صاحب الكلمة العليا,
يخفضوا الجمارك, يعملوا عربية فى مصر عشان اسعار الجمارك, يتصرفوا, ديه مش مشكلتنا.

---

كلام جامد...ز

برضه خليها تصدي

اقتباس:

---

المشاركة الأصلية كتبت بواسطة حماده المصري

مع احترامي طبعا لوجهه نظرك

لكن الواحد بيتمنى العكس

وفي وجهه نظر تانيه بتقول ان لو المقاطعه استمرت هيبقى فيه ركاد في سوق العربيات وده الي حاصل دلوقتي
على مدى بعيد اكتر من 2 او 3 شهور العربيات متباعتش الناس هتفلس
يا يقفلوا المعارض يا يبيعوا برخص التراب
والعروض الي شايفنها دلوقتي ماهي الا رجوع للاسعار السابقه
بعديين عدد مشتركي الحمله 10000 لو نصهم اشتروا عربيات يبقى الركود ده راح عدد العربيات الي موجوده في الجمارك في حدود 3 الف ل 08 وتقريبا 2الف ل 09 يعني 5 الف عربيه
وعدد المشتري 10 الف يعني عدد لا يستهان به عشان نصهم بس يحلوا الازمه ربعهم بس لو اشتري ينعش السوق

---

+1
أكبر دليل على ان العربيات هترخص إن السعر الحالى أكتر من السعر فى بداية 2008, بالرغم من ان مفيش أى سبب لزيادة الأسعار فى نهاية 2008 عن أولها, علشان كدة أقل شئ إن الأسعار لازم توصل لنفس مستوى الأسعار فى بداية 2008, وده على الأقل نسبة 10 % على الأقل, وكمان لما تضيف لها اى نسبة نزول الموضوع كدة هيكون نسبة نزول معقولة جدا.

الاخ اللى فتح الموضوع مش مستحمل ردود - لما جنابك مش همك اراء بتبدء بمهاجمة الغير ليه !!!!!!!!!!!!!!!!!!!

الأزمة المالية وحملة خليها تصدي وجهان لعملة واحدة ... وشكرا

علشان كده ... خليها تصدي

اقتباس:

---

الاخ اللى فتح الموضوع مش مستحمل ردود - لما جنابك مش همك اراء بتبدء بمهاجمة الغير ليه !!!!!!!!!!!!!!!!!!!

---

اولا انا طبعا همى اسمع الاراء بس انا ماهجمتش الغير اساسا و انا طبعا عادى اسمع اى رد بس ردود محترمة بس يعنى مش عايز ناس مش محترمة داخلة تشتم و خلاص و اساسا هى مش فاهمة حاجة فى اى حاجة علشان كدا قولت هرد على الردود المحترمة بس سواء اللى رايها زى رايى او اللى مختلفة تماما عن رايى , كل واحد حر فى رايى بس يعبر عنه باحترام زى معظم الناس اللى ردت هنا.

اقتباس:

---

أكبر دليل على ان العربيات هترخص إن السعر الحالى أكتر من السعر فى بداية 2008, بالرغم من ان مفيش أى سبب لزيادة الأسعار فى نهاية 2008 عن أولها, علشان كدة أقل شئ إن الأسعار لازم توصل لنفس مستوى الأسعار فى بداية 2008, وده على الأقل نسبة 10 % على الأقل, وكمان لما تضيف لها اى نسبة نزول الموضوع كدة هيكون نسبة نزول معقولة جدا.

---

انا شايف طبعا ان الاسعار لسه هتنزل كتير فى رايى الشخصى بس الفكرة هتوصل لايه هو دا السؤال و بالمناسبة الاسعار دلوقتى اقل بكتيير اوى من 2008 و 2007 فى تقريبا كل المركات ماعدا كام مركة زى مرسيدس مثلا.

بالنسبة للمهندس سمير , عايز اشكرك على ردك المحترم جدا و خصوصا طريقة الرد و على فكرة احنا مش مختلفين فى الراى بالعكس انا كمان شايف ان اللى حضرتك قلنه دا اهم بكتييير اوى من تخفيض سعر العربية بمعنى لما التوكيل يتعهد انه يقبل يدخل الخليجى مراكز الصيانة و بنفس اسعار العربيات التانية و كل وكيل يتعهد انه يعمل test drive لجميع الموديلات و ينزلوا اسعار الصيانة و قطع الغيار المبالغ فيها جدا و مواصفاتها و خدمات ما بعد البيع كلها مش هيقدروا يلغوا الكلام دا بعد الازمة بمعنى التوكيل مش هيقدر يقول انا رجعت فى كلامى و الخليجى خلاص مش هيخش و هلغى الtest drive , اما انخفاض الاسعار فهى كدا كدا هتنزل جامد اوى بسبب الازمة مفيش كلام انما انا متاكد انه بعدها هيزود الاسعار تانى لو كل حاجة رجعت زى الاول و الناس ابتدت تشترى تانى.
يعنى فعلا الكلام اللى حضرتك قلته دا مهم جدا و طبعا انا متفق عليه.

اقتباس:

---

تقبل تحياتى...و ارجو انك ماتزعلش من صراحتى زى مانت قلت فى عنوان الموضوع...

---

استاذ badry , اولا انا متشكر على اسلوب الرد المحترم دا و انا مش زعلان بالعكس انا مبزعلش خالص من اى حد بيخالفنى فى الراى , بيداقنى بس طريقة رد بعض الناس.
بالنسبة ليه انا كتبت الموضوع دا بالذات دلوقتى و خصوصا بعد هيونداى و منصور ما نزلوا الاسعار , انا قاصد التوقيت دا لان غبور نزل اسعار عربيات كتير اكتر من 15% زى الالنترا و السوناتا و من منصور السبارك فى رايى الشخصى سعرها بقا مناسب و خصوصا لما الياريس اللى هى فئة اقل بكتير اوى من الالنترا بقت اغلى منها بكتير و الياريس ارخص من الانترا كتير بره مصر , دى السوناتا بقت ارخص من الكورولا !!
انا فى رايى الشخصى ان سعر الكذا عربية دول مناسب اوى بس فى رايى الشخصى برده الناس متشتريش علشان الوقت مش مناسب اطلاقا للشراء و رايى الناس متشتريش علشان انا حاسس انهم هيقللوا الجمارك او هيعملوا عروض اقوى بكتير.
السبب انى كتبت الكلام ان الحملة مش موضحة الاسعار لازم تنزل لفين و يا ترى لما تنزل الناس تشترى و لا لأ , و دا اساس الموضوع , ازاى نعرف السعر مناسب و لا لأ؟

سبب انى مقولتش خليها تصدى و موديلها يعدى فى اخر الكلام انى مش مقتنع بالحملة من الاساس الى اسمها خليها تصدى و موديلها يعدى بس لانى شايف ان الهدف هيحصل لوحده طول فترة الازمة منغير الحملة لان الناس مش غبية و هى شايفة لوحدها الاسعار كل يوم بتنزل و شايفة ان فى ركود و خايفة تضيع السيولة اللى معاها فكدا كدا هما مقاطعين الشراء و بعد ما الازمة تعدى سواء كان فى حملة او مفيش الناس هتجرى تشترى عربيات عادى و التوكيلات هتزود الاسعار عادى و ترجع كل حاجة تانى زى الاول.
اللى انا مقتنع بيه اننا لازم نقاطع شراء العربيات دلوقتى و مش مهم ان توكيل يفلس لانه هو اللى جابه لنفسه بمبالغته فى هامش ربحه و اسعار صيانة و قطع غيار اكتر باضعاف تمنها بره.

اقتباس:

---

"هى مش عارفة اساسا الجمارك على العربيات كام فى المية , اساسا الرقم دا غلط لان الجمارك حسب الcc بتاع العربية
طيب هى على اساس ايه قالت ان اسعار العربيات فى مصر مبالغ فيها لما هى مش عارفة الجمرك كام؟"

أولاً متوسط الأسعار إلسيارات1600 جمركها ٤٠٪ و ١٥٪ و ٢٪
ونقدر نقول بين ٦٠٪ ل-٦٥٪ بشكل تقريبي


كمان ليه حضرتك موجهتش كلام بشكل شخصي لها عل جروب

و كمان هي مغلتتش يعني عشان اثمها بالجهل يعني إنت تجاهلت حاجات كتير و بتتكلم على ٥٪ فرأ و بات جهلة

---

اولا انا مش فاهم ليه اخش و اكلمها بشكل شخصى , هو انا اعرفها علشان اخش و اكلمها ؟ بعدين اخش اقولها ايه؟؟
انا اساسا مزمتش فيها و لا قلت عليها جاهلة , انا قلت ان معلوماتها عن العربيات قليلة (يعنى انا مثلا معلوماتى عن الكورة قليلة و جاهل فى الكورة دى مش حاجة تعيبنى خالص او الbasketball مثلا ) اكيد مش كل واحد خبير فى كل حاجة .
بس مدخلتش عملت حملة قلت يلا نبنى الزمالك من جديد و انا مليش فى الكورة , طيب هى مش عارفة الجمرك كام , هى بتتكلم على ال c-230 و الz4 و دول جماركهم + الضرائب فوق ال220% لانهم فوق ال2000cc.
حتى لو كانت بتتكلم على ال1600 , طالما هى مش عارفة بالظبط الجمارك كام حكمت ازاى التوكيل مبالغ فى سعر العربية و لا لأ؟؟
للعلم التوكيل لو مبالغ مزود بتاع 10% بالكتير اوى عن سعر بره (بتكلم فى العربيات اللى لحد 300الف جنيه ) لما 5% متفرقش امال احنا بنقاطع ايه , احنا بنقاطع علشان بنزل ال10% دول و ينزل شوية بسبب الازمة.
بعدين للعلم هى مش بس مش عارفة الجمارك كام بالظبط فى كذا حاجة و تقدر تقرا ردودها و احكم بنفسك.

بعدين بوضح تانى انا مش بنتقدها بالعكس انا بقول كفاية انها حاولت .


مي

اقتباس:

---

ن قال أن مؤسسة الحملة بنت ؟؟ كلام خاطيء تماماً مؤسسي الحملة رجال وصاحب جروب الفيس بوك شاب وهو ليس بالشرط مؤسس الحملة ولا صاحب فكرتها مع أن دة مش موضوعنا بس فقط لمجرد التوضيح

---

شكرا على ردك برده بطريقة محترمة , لو حضرتك شوفت على الfacebook هتلاقيها admin و هى اللى فاتحة مواضيع كتير اوى و بترد على الناس علطول يعنى ازاى مش مؤسس؟؟

كل اللى انا قلته و بقوله تانى , اولا لازززم نقاطع و لازم حتى لو مش مقاطعين منشتريش خوفا على السيولة اللى معانا على الاقل
2-الحملة لازم يكون لها هدف قابل للتحقيق مش هدف خيالى (زى تخفيض الاسعار 50% دا خيالى) و لازم تكون فعالة بمعنى يبقى فى اتصال بالتوكيل و لازم التوكيلات تعرف المطالب الظبط و تعرف ان لما تحقق المطالب دى الناس هتنزل تشترى يعنى كلام رجالة و لازم تعهد على التوكيلات باحترام العميل و اعادة تسعير كل قطع الغيار و عدم المبالغة بعد كدا و السماح للخليجى بالصيانة و الtest drive زى بقية دول العالم كدا يبقى دى حملة بجد لها هدف و بكدا نطلع كسبانين.
اما اللى عايز اسعار العربيات تنخفض يريح دماغه لا حملة و لا يحزنون اللى هتنزل الاسعار , الازمة المالية لوحدها كفيلة بان الاسعار تنزل هنا فى مصر كل شوية لوحدها لان الناس معهاش سيولة او خايفة على السيولة و البنوك مبنديش قروض يعنى موضوع التخفيض مش محتاج حملة , الحملة معناها التوكيلات لازم تتعهد بحاجة و تنفذها على طول مش وقت الازمة بس.

بس مدخلتش عملت حملة قلت يلا نبنى الزمالك من جديد و انا مليش فى الكورة , طيب هى مش عارفة الجمرك كام , هى بتتكلم على ال c-230 و الz4 و دول جماركهم + الضرائب فوق ال220% لانهم فوق ال2000cc.
حتى لو كانت بتتكلم على ال1600 , طالما هى مش عارفة بالظبط الجمارك كام حكمت ازاى التوكيل مبالغ فى سعر العربية و لا لأ؟؟


على فكرة يا سمعة مفيش حد في مصر عند خلفية واضحة عن الجمرك في مصر

كل إلي نعرفو إن فئة ١٦٠٠ ٤٠٪ +١٥٪+٢٪


دي حاجة
غير كدة بيحسبو الجمرك بشكل عشوائي

تاني حاجة هي كنت بتتكلم عن z4 و c230 كاسعار مستعمل فالخارج

و حضرتك لو كنت متبع الشات كنت فهمت وجهت نظرها في موضع الخصم
هي بتتكلم في ١٠ ل-١٥٪ خصم
و حسبنا مع بعد سعر عربية من الخرج و زودنا ٤٠٪ جمارك و ٢٠ ٪ ضريبة
و سيارة دي كان سعرها بالخارج ٩٠٠٠ دولار و سعرها هنا في مصر ١٠٠ ألف
و زودنا لإن المكسب في حدود ٣٥ ألف و كل إلي التو يعملو خصم ١٠ ألف أو ١٥ ألف
يعني التجر حيحأد ٢٠ ألف صافي
بس

كمان مش عيب أبداً إنه بنت و ملمة شوية بالسيارات

كمان هي بتعمل كدة للمصلحة العامة
و أحب أضيف إن سعر السيارة إلي حسبناها د سعرها قبل الأزمة


و أحب أؤل لحضرتك إن موضوع الحملة إلي فجر الأزمة بس بعد كدة بأزمة أو من غير احنا كنا بنتسرق و احنا كلنا تعبنين في فلوسنا من حقنا نلقي عربيات تستاهل فلوسنا يئمة نفع على أد عربيتهم

معلش طولت عليك

سوري على أخطاء إملائية بس د من السايت

www.yamli.com

ya wad ya som3a ya gamed.......100/100!!!!!!!!!!!!!!!!!!!!!!!!

you got the foola........

ليه التيوتا الكرولا الهاى لاين اللى كانت ب 162 الف 2008 نازله دلوقتى 2009 ب152 الف و لسه القصراوى عنده 2008 عارضها ب 150 الف

انا معاك يا سمعه ان البورصه و ازمة السيوله من المؤثرات بس ايه اللى يمنع اننا ناخد حقوقنا

يعنى لما عربيه زى الكامرى سعرها فى الخليج حوالى 180 الف و هنا 500 الف يبقى ايه

ايه اللى يمنع اننا نركب عربيات بمعدل امان اعلى و بسعر أأقل و بعدين انت بتحجر على احلام الناس ليه؟

و بعدين الحمله طلعت فى التليفزيون و انت لأ يمكن متغاظ علشان كده


اخوك طارق رمضان

وخلوها تصدى يا الازمه تعدى

الى الاستاذ :
som3aa

فى البدايه شكرا على مجهوودك
زى ماحضرتك قلت لاسعار لازم تزل ده يسبب الازمه الاقتصاديه كلامك مضبوط
لايوجد احد معترض على رايك بس لاحظ ان الحمله فى الاساس مش مجرد حرب
ضد الوكلاء والتجار........الحمله باختصار هى عمليه توعيه ......بمعنى اخر ممكن
تكون حضرتك فاهم الموقف ......بس انا مش فاهم او مش قادر على استعاب
النطوارات الاقصاديه المستقبليه........لما حضرتك تدخل وتقول رايك فى الاسعار
بقى كده اكتر من واحد ممكن يعرف معلومه جديده ممكن تساعده فى اتخاذ قرار الشراء
والمنتدى اصلا معمول من اجل تبادل المعلومات....

نرجع لموضوع الحمله ليس لها تاثير على اتخاذ قرار الشراء
فى البدايه لازم حضرتك تلاحظ ان الحمله تقربيا اول موضوع الناس تتفق عليه......
ليه حضرتك تقول ان مجهود الناس ريح على الارض و الحمله ملهش لازمه........
اسف ان مختلف معك.........حضرتك تعرف لو احنا طلعنا رجاله بجد ايه الممكن
يحصل...........وكلاء السيارات هايكونوا عبره لاى تاجر او وكيل او رجل اعمال
يفكر يستغل المسنهلك..........لاحظ ان مصر من كم سنه كانت نظام اشتراكى يعنى
الحكومه تقوم بضبط الاسعار.........حاليا احنا نظام حر(عرض وطلب) يعنى الدور
ده انتقل للمستهلك بس للاسف المستهلك المصرى مش عارف يخد حقه لانه بعد الثوره
صحى الصبح لقى نفسه نظام اشتراكى(الحكومه هى بابا وماما) وفى عصر السادات
بردو صحى الصبح لقى نفسه راسمالى......ادى الى عدم واعى المستهلك للحقوق
والواجبات .....وهى باختصار حقه (الجوده+السعر المناسب) الواجب باختصار
اى واحد يحاول يحتكر السوق يتربى بسلح المقاطعه(طبعا فى ظل وجود منافسه)
لكن للاسف فى مصر مفيش منافسه بين الشركات من اجل المسنهلك لكن فيه تكتل
على المستهلك..........طيب ايه الحل؟؟؟؟
للاسف اصبح الراى السائد (مافيش حاجه فى مصر نترخص) وده ليه عشان كلنا
سلبين........لما الازمه حدثت اعطات بريق امل بتغير الاوضع السليبيه الموجوده
فى المجتمع.......لما الناس تحول مره واحد تعمل موقف ده يكون رايك؟؟؟؟؟؟؟

اوعى تكون فكر انى فرحان بالازمه العالميه ...........بعكس ان بقول ربنا يستر
على مصر ......بس الواحد بيقول ممكن الازمه تغير الكتير من الاوضاع الغلط
الموجوده.......خد عنك(العقارات-السيارات-المياه-الكهرباء-الاكل)كل حاجه
الاسعار كانت ترتفاع دون سبب واحنا بدون وعى بنشترى وخلاص..........
طيب بشترى قسط......وهى ديه كانت الكارثه(القروض الاستهلاكيه) ادت اى
ارتفاع الاسعار لان اى حد معه قريش يروح يشترى اى سلعه قسط .........زياده
فى الطلب........ارتفاع الاسعار(بالذات فى السيارات-والعقارات) وحاجه تانيه
ارتفاع التضخم وان انخفاض القيمه الشرائيه للنقود.
حاليا نظرا للخوف من المستقبل كل واحد معه شويه فلوس خايف عليهم واعتقد ان
ده بدايه التغير..........
لما الحمله بداءات من شهرين وتقول الاسعار هاتزل واحد يخش
يقول لا انا هاشترى لان مافيش حاجه مصر بترخص تانى وبعد كده الاسعار تزلت
وطبعا الاخ خبط راسه فى الحيط عشان لم يسمع كلام العقل.......................
ده دور الحمله يا استاذ التوعيه ثم التوعيه ثم التوعيه.
لما الناس تفهم طبعا مفيش حد هايشترى بيقى السعر ينزل بالعافيه......احنا يا استاذ
بنعمل محاوله لتنميه ثقافه المستهلك الرشيد ................


بس عندى طلب اخير من حضرتك اوعى تقول فلان او فلان عمل ايه............او
الحمله عملت ايه او احتمال تعمل ايه..........بس قول انت ممكن تعمل ايه لو كل واحد
فينا بداء بنفسه كل حاجه هاتبقى زى الفل

معلش عندى طلب تانى لو انت بداءت تقتنع بالحمله وانك ها تشارك معا سواء حدث نجاح او فشل قول واحنا كلنا هانرحب بيك وده عمره ينقص منك


معلش طولت عليك لسه عندى شويه حاجات عاوزه اقولها .......واحنا مع بعض فى
المنتدى

شكرا

lets take the camry for example.....

the dealer needs to lower the price.....fine.....

but also the camry's engine is big and thus the gomrok will be high......no one can do anything about the gomrok except the government and the government will not lower the gomrok price......

so in reality the whole campaign is a flop....a true discount will come if the gomrok is lowered!!!!!!

اشمعنى الكامرى اللى علقت عليها يا مافيا

طيب طالما الجمارك ما نزلتش ليه الكرولا الهاى لاين رخصت 10000 جنيه رغم ارتفاع الين زى مل بيقولوا

يا جماعة يرجى الحذر هناك جماعة مضادة تطالب اصحاب معارض و توكيلات السيارات بزيادة الاسعار لان الاسعار الحالية ضعيفة جدا و فيها نوع من عدم التقدير للسيارات و بيقولو عليها حملة حقوق السيارات :8954[1]: و ربنا يرحمنا:U_thin1[1]::U_thin1[1]:

معلش يا جماعة الرد بياخد وقت كتير و انا بكتب فيه فادونى يوم واحد علشان تعبت من الكتابة
هرد على شخص واحد بس دلوقتى علشان اسلوبه فهرد عليه رد سريع

اقتباس:

---

ليه التيوتا الكرولا الهاى لاين اللى كانت ب 162 الف 2008 نازله دلوقتى 2009 ب152 الف و لسه القصراوى عنده 2008 عارضها ب 150 الف

طيب طالما الجمارك ما نزلتش ليه الكرولا الهاى لاين رخصت 10000 جنيه رغم ارتفاع الين زى مل بيقولوا

---

علشان فى ازمة مالية شديدة و الناس مبتشتريش اى حاجة و فى ركود شديد فهمت؟
التوكيل اكيد خفض فى هامش الربح بتاعه
اللى انا اعرفه كمان و مش متاكد 100% منه ان التوكيل بيستورد الكورولا بالدولار مش بالين لانها مستوردة من جنوب افريقيا و مدير تويوتا فى مصر كان بيقول ان اليابان عملت دول فى قارات معينة للتصدير للقارات دى بسبب ارتفاع الين فالتالى معتقدش الدول دى هتصدر بالين و الا الموضوع مش هيبقى له لزمة.
كدا كدا حتى لو بيستورد التوكيل يقدر يخفض من مكسبه ال10000 جنيه دول و يفضل كسبان كمان عادى جدا , لو مكسبه 15% يبقى كسبان فوق ال20 الف جنيه فى العربية لما يخفض 10 منهم يبقى لسه كسبان برده.
و تقريبا دا سبب ارتفاع الياريس لانها يابانى 100% و انخفاض الكورولا

اقتباس:

---

و بعدين الحمله طلعت فى التليفزيون و انت لأ يمكن متغاظ علشان كده

---

من فضلك احتفظ بالفاظك دى لنفسك, شوف بقية الناس رديت ازاى ردود محترمة بهدف المناقشة و الافادة و الاستفتفادة ملهاش لزمة الالفاظ اللى زى متغاظ دى.

اول لما اخلص الرد هكتبه علطول و شكرا يا جماعة مرة تانية على اسلوب الكتابة المحترم