سلم عليكم
حد يا جامعة جرب يغير الفرش ايلي فالاوكتافيا A5 لفرش جلد
أنا بفكر فالموضع دا عشان حاسس إن الكرسي ناشف و بيوجع ضهري أوي فالموضع د مكن يفرق ولا لأ ؟!
يا ريت إلي جرب يقلنا
شكراً
عرض للطباعة
سلم عليكم
حد يا جامعة جرب يغير الفرش ايلي فالاوكتافيا A5 لفرش جلد
أنا بفكر فالموضع دا عشان حاسس إن الكرسي ناشف و بيوجع ضهري أوي فالموضع د مكن يفرق ولا لأ ؟!
يا ريت إلي جرب يقلنا
شكراً
هو شكلو اشيك و حماية ضد السوائل بس ملوش علاقة
بنشفان الكرسى
السلام عليكم،
بلاش تفك وتركب، خلي الفابريكة ذي ماهو واعمل عليه فرش جلد لو عايز تحفظ على الفابريكة، مع إن الجلد رخم جداً خصوصاً في الصيف ويا سلام لو ركن العربية تحت الشمس وجيت تركبها الساعة ١٢ ولا ١ الظهر، ياه صباح الحر، أصلي مجرب قبل كدة، دي وجهة نظري.
على العموم، حضرتك ممكن تروح عند دوس اللي في مصر الجديدة وتقول انك عرفتو عن طريق نايل موتورز ورقم: ٠١٠٢٧٥٢٧٥٦
هي الفكرة فالجلد كانت إن موضوع الكرسي مش مريح خالص
بس لو ملوش علاقة يبقى ملوش لازمة و خليه ذي ما هو
شكراً
لو هتفصل جلد و تعمله عليه هيبقى شكله حلو بس مقرف فى الصيف زى ما مصطفى قالك ....احنا ناويين نعمله فى الاوكتافيا مش علشان الكرسى ناشف لا علشان الكرسى بيبقع ...
انما هو مش هيفرق فى نشوفيه الكرسى لانه طبقه خفيفه خالص مش هتفرق .
الفرش اكيد مش هايفرق في ان الكرسي مريح او مش مريح...
انا مستغرب إزاي الكرسي مش مريح... حد تاني بيشتكي من المشكله ديه...؟؟؟
كرسي الاوكتافيا ده كارثة
الحل الوحيد تجيبالكرسي الطبي و تقعد عليه على الكرسي
ملهاش حل تاني
العربية اخدتها حوالي شهر لسفريات ليا كل يوم
كانت عمله ازمة لضهري
ازيك يا باشا .
هو الكرسى ناشف اه لكن مريح و مش طرى زى كراسى العربيات القديمه ...لكنه بالنسبالى مش متعب ولا حاجه عادى يعنى .
ازيك يا كريزى بك انت فين يا راجل محدش بيشوفك ؟؟
الكرسى ناشف جدااااااا انا معاك فى دى لكنه فى نفس الوقت مريح للمسافات الطويله (بالنسبه ليا و دى بتختلف من شخص للتانى) هو ايه الكرسى الطبى ده ؟؟
معلش اصل روحت شرم و بعد كده روحت ازور قرايبي في المنصورة
ورقدت هناك يومين عيان
هههههههههههههههههههههه
تخيل تروح تزور ناس و تعيا عندهم
شكليكان وحش اوي
حتى انا لسه نازل الجامعة النهاردة
الكرسي الطبي ده عامل زي حاجة كده بتتحط على ضهر الكرسي بياخد العمود الفقري كله بالوضعية المضبوطة
معمول علشان يريح الفقرات الضهر ونفس الوقت تبقى وضعيتها سليمة
مفيدة جدا للي بيسوقوا لفترات طويلة
لان السواقة مدة طويلة بتاثر على المدى البعيد
ربنا يحفظك
السلام عليكم
انا لسه ماشترتش اوكتافيا .. بس من كلامك فهمت ان المشكله كانتفي ظهرك انت مش في الكرسي.. قصدي انه ما استحملش السواقه لمسافه طويله ..
الف سلامه عليك ششافاك الله و عافاك
يعني لو عملت المشوار ده و انت راكب تويوتا كورولا مثلا هل ضهرك ها يتعب برضه؟؟ او اي عربيه ناعمه قوي و كرسيها مريح قوي؟؟
و يا ترى اين نجد هذا الكرسي الطبي و كم سعره تقريبا ؟
حضرتك انا متعود على السواقة لمدد طويلة بالساعات
لطبيعة ظروفي فيه ايام ممكن بسوق فيها حوالي 12 ساعة سفر رايح جاي و مشواير جوا
الحمد لله متعود على كده
مشكلة ضهري مع الاوكتافيا مش العفشة لان عفشتها مريحة بالنسبة ليا
لكن الكرسي عند نص الضهر تلاقيه داخل في ضهرك بطريقة تتعب
الكرسي الطبي ده تلاقيه في الصيدليات بيتباع عادي
انا فيه مرة سقت 600 كيلو رايح جاي و مشاوير و متعبتش و مرة قعدت سايق جوا القاهرة 8 ساعات مطلعتش برة العربية حتى من حتة للتانية علطول
أنا معرفش الاوكتافيا الي في مصر فيها إيرباج في الكراسي ولا لأ بس كدا كدا لو فيها إيرباج يبقى مينفعش تكسي الكرسي جلد على فرش الفبريكة لأن إيرباج الكرسي مش حيفتح أو بمعنى أصح لو فتح حيدفعك في اتجاه غلط لا قدر الله في حالة التصادم..
ولو حتفصل، يبقى الي بيفصل لازم يعمل حسابه ان الناحية غلي فيها إيرباج لازم تكون خياطتها خفيفة جداً علشان الإيرباج لما يفتح يعرف يفك الخياطة