الموضوع: سيتي 1500 اوتوماتيك للبيع

اولا الف سلامه و ان شاء الله تكون كويس.
مادام الاير باج خرجت يبقي لازم تغير التابلوه كله و الدركسيون و احزمه الامان اللي قدام و تركب زناد جديد للايرباج الجديد.
و سعر الكيت بتاع الاير باج ده بيعمل 15 الف في التوكيل(الفطيم)
و انت مغير فانوس و مستعدل اكصدام اصلا.

شوف انت عربيتك لو كنت هتبيعها قبل الحاثه ممكن تعمل 80 الف.و ده السعر اللي كتير قالولي عليه لما جيت اسعر عربيتي و هي سيتي 1500 و 2006 و كانت عامله 7000 كم,بس خلاص عملت حادثه جامده شويتين و بعتها ب 30 الف !!!!

كده يبقي انت ممكن تبيع ابتداء من 55 الف و الله اعلم,و لازم تحط في دماغك ان اللي هايشتري عارف انها انها عملت حادثه و اير باج فتح عشان كده هيوقع في سعرها جامد و اصلا الهوندا و خصوصا السيتي سعرها بيقع من اول يوم تشتريها فيه

ربنا يوفقك في البيع ان شاء الله و ماتخسرش جامد,و ابقي طمننا

بارك الله فيك و سلمك الله
وأشكر لك مداخلتك
أما بخصوص السيارة فلم يتغير منها بعد الحادث سوى ما ذكرت
(تغيير مصباح و مروحة واستعدال الاكصدام الامامي والكبوت و
لم تتأثر باقي أجزاء السيارة والحالة العامة ممتازة )
ولم يتم تغير التابلوه و لا الدركسيون ولا أحزمه الامان
وتم تجلبد مكان خروج الوسائد الهوائية بالتابلوه و الدركسيون
والسيارة تعمل حالياًً بشكل طبيعي بفضل الله بل تم عمل الصيانة الدورية لها أيضاً
ونحمده سبحانه على كل حال و إن شاء الله نستكمل ما يلزم قريباً
ولك ولجميع الإخوة خالص التحية

الصراحه مش عارف بس انا عندي سوال ؟
انت صلحت الدريكسيون و التابلوه(مكان الاير باج),طيب اذا لا قدر الله في حادث تاني ايه هايفتح ؟ يعني انت حطيت اير باج ولا صلحت و مفيش اير باج تاني ؟