المشاركة الأصلية كتبت بواسطة أشرف فتحى
بص يا باشا
اولا انا طبعا سعيد جدا بمقابلتى معاك واشكرك انك الوحيد اللى كتب رايه بعد ما جرب الاضافه
بالنسبه لحوارات البنزينه
ازود على كلام محمد بك مختار ان زيت اوميجا بيقوم بعمليه الفلاشينج اللى بيعملها الفلاش اويل ولكن بالتدريج عشان الترسبات الكربونيه دى لو نظفتها مره واحده زى الفلاش ما بيعمل ممكن نتيجه انها اكيد اتكونت على مدار سنين طويله والموتور بالبلدى اتطبع عليها تلاقى الموتور برجل منك وده هاتلاحظه لما تغيير زيت المره الجايه ان شاء الله هتلاقى الزيت نازل تقيل ولونه غامق من الترسبات دى
بالنسبه لزيت ريسورس ده تمنه 85 جنيه وكان نازل تبع شركه فى التوفيقيه وانا جربته زمان لانه كان من ضمن الحاجات اللى قالوها انه بيضاعف عمر الموتور الجديد مرتين ونص ويحافظ على الزيت 3 اضعاف عمره وكان نازل عرض اعلانى انك تروح تكشف على موتور عربيتك فى مركزين خدمه ببلاش ويحددولك ماتورك محتاج كام عبوه
مكدبتش خبر ورحت طالع شاريه وسألت البياع اغير زيت امتى قاللى انت بتغير كل اد ايه قولتلله كل 3 الاف قاللى خلاص غير على اربعه
طبعا استغربت وقلت البياع شكله مش فاهم سالت صاحب المحل قللى نفس الكلام قلت مش مهم اروح اكشف على الموتور واطمن على عربيتى وكانت فى الوقت ده اكسيل بتاعه اخويا
رحت جيسكو اللى فى التجنيد وده مركز معتمد من هيونداى ومشهور جدا لاقيت الكشف عباره عن ان المهندس يسمع صوت الموتور وقللى لأ دى عربيتك فيها صوت تخبيط من تحت
انا عملت عبيط وقلتلله يعنى ايه؟؟
قللى لازم نحل وممكن تطلب عمره لو السبايك فيها حاجه
طب مانا هاحط ريسورس مش برضه هايبقى بديل للعمره
قالى لااااااااااا اصل مواتير الهيونداى خشنه وبتكسر السبايك
طيب معلش خليها مره تانيه سلامو عليكو
راح مكشر وسبنى ومشى
انا قصدى من الحكايه دى ان كل اللى اتعاملت معاهم فى ريسورس ده ماكنوش محل ثقه ولما سألت مهندس على موصوع الجزيئات الخامله اللى بتنشط بالضغط والحراره تقوم تسد الشقوق والفراغات اللى فى البساتم والشنابر قاللى الكلام ده مش علمى
ومع ذلك حطيته فى الفيرنا ولاقيت مكتوب فى البروشور بتاعه انه هايبان اثره بعد من 200:1000
كم وبيفضل 10000كم
انا بصراحه محستش بفرق لا فى الاداء ولا صوت الموتور ولا استهلاك البنزين ويمكن لان عربيتى كانت جديده
دى تجربتى بأمانه مع الريسورس الروسى واللى لما قولت عليه لما روحت الشركه بتاعه اوميجا قالوللى ما معناه انه اشتغاله كبيره
satelite: