وعلى فكره انت ممكن تلاقي عضو مشاركاته 5000
ومواضيييعه 100000 الف
وتلاقي كلهم اتفه من بعض ولا ليهم اي لازمه في الحياه
وممكن واحد معداش 20 مشاركه فيهم فايده اكتر من 100000 مشاركه
عرض للطباعة
وعلى فكره انت ممكن تلاقي عضو مشاركاته 5000
ومواضيييعه 100000 الف
وتلاقي كلهم اتفه من بعض ولا ليهم اي لازمه في الحياه
وممكن واحد معداش 20 مشاركه فيهم فايده اكتر من 100000 مشاركه
لزومه إيه الكلام ده ياجماعة
هو الواحد لما بيعمل مشاركات أكتر بيكسب عربيه ... هو أحنا هنا علشان نستفيد من خبرات وتجارب بعض ولا علشان نحارب بعض
لا إله إلا أنت سبحانك اني كنت من الظالمين
فى انتظارك يا باشا
بص يا سيدي
رحت المكان عبارة عن شقة في عمارة (مش محل ولا منفـذ بيع) المكان اداري طحن مليان موظفين ومكاتب عليها دوسيهات ، ولا في اي آثر لزيوت ولا محسنات ولا اي حاجة
لاول وهلة حسيت اني دخلت مكان غلط !
دخلت علي اول موظفة وقلتلها عاوز اسآل عن الاضافات بتاعة المحركات
حسيت انها مستغرباني قوي وقالتلي ثانية وحدة
وبعدين دخلت مكتب تاني وبعدين خرج يقابلني مسئول المبيعات
شخصية مهذبة وعارف هو بيقول ايه
انما كان مستغربني شوية برضه وحاقولكم هما ليه مستغربين
علشان الشركة دي ما بتتعاملش مع الآفراد وما بتبعش للعربيات الملاكي !!!
الشركة دي شغلها جملة مع المصانع آو شركات النقل البري والشركات بتتعامل معاها جملة آو بالآطنان وما بيبيعوش لوحد جاي ياخد حاجة بستين جنية !!!!!!
فمعرفش ليه الاخ اشرف فتحي صاحب الموضوع ما جبش سيرة الموضوع ده ؟
المهم
قلت للراجل عاوزين نتعرف علي منتجاتكم واحنا منتدي كبير وممكن نتعامل معاكم جملة برضه (طبعا مش زي المصانع انما احنا مش مجرد افراد عددهم قليل)
فالراجل مشكورا شرح لي كل حاجة
١- فيما يختص بالكولير cooler بتاع التبريد ده مش حيفرق مع العربيات كتير ، ده بتاع مواتير المصانع فده مش حيفرق معانا اوي عن اي كولير في السوق
٢- محسنات الوقود دي للمواتير الديزل بس ومش حتفرق مع البنزين حاجة (خاصة ٩٠ او ٩٢ )
٣- ودي اهم حاجة المحسنات الخاصة بزيت الموتور عندهم عبوة شبه كان البيبسي اسمها Omega 909E وهي دي الشيئ الفعال قوي وحيفرق معانا
وده بيعمل حاجات كتير
١- بيحافظ علي لزوجة الزيت اطول علي الاقل ٣ مرات من الوقت المفترض انه يتكسر فيه فلو بتحط زيت ٣ الاف كيلو ممكن تغيره علي ١٠ الاف زيك زي اللي بيحط موبيل ون
٢- بيفرش فيلم زيت خفيف علي الاجزاء الداخلية للموتور فالزيت ما يرقدش ابدا تحت و يفضل علي المعدن حتي لو ركنت العربية سنة
٣- بينظف كل الترسبات الكربونية من علي الجزاء
٤- لو موتورك عجوز بييطلع دخان ، بيمنع الدخان نهائيا وبيخلي الموتور كآنه جديد
٥- مش حتحتاج تسخن العربية الصبح نهائياً
٦- حيحسن كفاة الموتور والتسارع فالسحب حيكون احسن بشكل ملحوظ
٧- صوت الموتور حيوطي بشكل ملحوظ
طريقة الاستخدام
بتتحط العبوة كلها (mm٣٥٠) علي غيار الزيت
بس اول مرة حتمشي الزيت عادي زي ما بيقعد
يعني اللي بيحط ٣٠٠٠ حيغيره علي ٣٠٠٠ واللي بيحط ٥ حيغيره علي ٥ بس اول مرة علشان المفترض حيكون الموتور اتغسل تماما وحيكون في شوائب كتير (وطبعا لما تغير تاني مرة حيكون زيت وفلتر)
وفي تاني مرة بقه ابقي اضرب عمر الزيت في تلاتة
وزيادة في التآكيد قيس الزيت كل شوية مقاس ولزوجة
يعني دي الخطوط العريضة
المهم انا اشتريت عبوة منه للبحث و التحليل والراجل مشكوراً كان معاه عينة في عربيته نزلنا جبناها
(لآن زي ما قلنا الشركة ما بتبعش للافراد ) ومخازنهم في برج العرب تقريبا وما فيش منافذ بيع
انا بالنسبة لي حتآكد من عدة حاجات قبل ما احطه في عربيتي :
-عندي مهنس ميكانيكا صاحبي
-وعند اخويا مهنس بترول
-وحدور علي النت (من خلال بيانات العبوة اللي معايا)
انا عملت حاجة واحد لغاية دلوقتي
سآلت صديق مهندس ميكانيكا في شركة كبير
قاللي لو حتنزل من زيت موبيل ون (تخليقي) لعضوي مافيش مشاكل انما حتفضل كده علي طول ومش حترجع عضوي تاني
وبالنسبة لاضافت الاوميجا ، قاللي كويسة بس لو حتحطها حطها علي طول ما ينفعش تستغني عنها بعد ما تعود الموتور عليها
ناقص دلوقتي استفسر من اخويا وحدور علي النت
المهم اني اتفقت مع مدير المبيعات ان لو في عدد كبير من المنتدي عاوز ممكن اتصل بيه ويسلمنا الكمية (بس لازم جملة ما ينفعش قطاعي)
اي اسئلة ؟؟؟
بارك الله فيك بجد فوقيت كل جوانب الموضوع
عاوزين نجيب منه بقه
المشكله انى هافضل مستمر عليه على طول ازاى يعنى لو جيبناه المره دى هانجيبه تانى ازاى
طب ايه اخبار الأسعار
الخطورة كده في حاجة..
انك تحط منه شوية.. و بعدين يغلا جامد مثلا.. او متلاقيهوش..
هتعمل ايه..؟؟ اكيد المواتير هتتأثر لو بطلت تستعمله..
عشان الاخ الفاضل بيقول انه مينفعش تستخدمه شوية و تبطله..
المفروض تستخدمه علي طول.. صح كده..؟؟!!!!