هل توجد مياه بالبنزين فعلا ؟؟؟
السادة ألأعضاء الكرام ..
أسعد الله مسائكم بكل خير ....
أنا كنت راكن العربية 16 يوم متصلين , بعد أن قمت بعملية تنظيف و غسيل كاملة لها بالمحطة و تم غسيل الموتور بالفوم فقط و بدون أستخدام للمياه , و كان مستوي البنزين أقل من ربع المؤشر بحاجة بسيطة
النهاردة جيت ادور العربية لقيت صوتها بيقطع جامد و عدد لفات المحرك أقل من 700 لفة/دقيقة و لما بصيت علي الشكمان وجدت دخان أبيض كثيف
طبعا فتحت الكبوت و قولت أبص علي مستوي المياه في القربة و ألقي نظرة عامة علي الموتور و هو داير لقيت كله تمام
بطلت الموتور و بعدين شغلت تاني , لقيت صوت الموتور أتحسن شوية فتركتها 5 دقائق و بطلته تاني و بعدين دورت فوجدت الصوت أصبح أحسن و التقطيع أختفي و الدخان الأبيض كمان اختفي , بس مع المتابعة وجدت نقط مياه نازلة من أخر ماسورة العادم
انتظرت الي أن أرتفع مؤشر الحرارة و شغلت التكييف و أتأكدت من أن المراوح أشتغلت و الصوت طبيعي
بدأت أتحرك بالسيارة للتأكد من السحب ووجدت كل شئ طبيعي جدا , و بعد ان قضيت عدة مشاوير بها و كشفت علي ضغط الاطارات و قمت بأعادة شحنها بالنتروجين و تزويد بنزين من نفس المحطة التي أتعامل معها ( محطة جديدة تم تشغيلها من حوالي 9 شهور) وجدت ان تنقيط المياه قد توقف
أثناء تحركي بالسيارة في الليل و داخل الرحاب كنت أخفض السرعة تماما عند المطبات و الغيار علي التاني فكنت أثناء الحركة بعد ذلك أسمع صوت خبط أو دق في البداية تخيلت أنه من الشكمان فأنتظرت حتي عدت الي الباركنج و هناك قمت بالتجربة التالية :
رفعت فرامل اليد و نقلت علي الغيار الخلفي (المارشدير) و بدأت أرفع قدمي من علي الدبرياش سنة سنة حتي جاء الصوت الذي سمعته هذه المرة بوضوح من عند الموتور
طبعا فتحت الكبوت مرة أخري لأتأكد من صوت الموتور فوجدته طبيعي جدا علي السلانسيه و عدد اللفات طبيعية جدا و الحرارة أيضا أثناء السير و مستوي المياه طبيعية و لكن عندما وضعت يدي أمام الشكمان وجدت قطرات مياه علي يدي
فهل من الممكن أن يكون هذا الصوت بسبب وجود مياه في البنزين ؟؟
أسف للأطالة و لكن أردت أن أقدم شرح وافي للمشكلة
