الموضوع: تجربة شراء سيارة جديدة خارج عارين الأسود

السلام عليكم ورحمه الله وبركاته
أزيكم يا رجاله عاملين ايه واخبار عربيتكم ايه
يارب تكونون بخير انتم الاتنين أصل بصراحه يهمنى أطمن على اى اوتمبيل بيجو فى البلد
الواحد دماغه لسعت من الماركة ديه
المهم مع نزول أسعار السيارات الجديدة فقررت اجيب عاربيه جديدة جنب الاسادين اللى عندنا ال 505 و ال 405 ونظرا لشياكه الموديلات الجديدة وأقبال الناس عليها وتوافر قط غيارها فى حين ان أقل اسد زيرو بيعدى ال 120000 فرنسي طبعا بخلاف اليارس اللى فيها كلاام كتير اوى
قولت اعمل زى الناس هونداى او لانسر او تيوتا اومازدا 3
الكلام اللمغرق الشوارع ده فى حين ان منظره مبهر
وهنا كانت الصاعقة أزاى واحد راكب بيجو زى ينزل بمستواه للكلام ده انا اسف بجد وغلطه مش هتتكرر
المهم نزلت المصرية للسيارات عشان انفذ فى ألنترا 2009
العربيه تقفيل تعبان طبلوه مواده سيئة جدا وتحس انه صينى ومفيهاش اى جديد الاوبشن المعروف
دخلت على اللنسر الجديد أزفت منها ولا كمبيوتر ولا اى حاجه منظروالله بس ومواد خاموتفيل سئ جدا جدا
دخلت على التيوتا طبلوه عامل زى الميكروباص التيوتا الاقديم ونوره أصفر وصالون كل العربيات ديق من ورا مقارنه بال 405
المازدا 3 جميلة وتبلوه شيك بس تحس أنك راكب لعبة كدا مش دخلت دماغى خالص برده حسيت برضه بنفس الاحساس انى راكب ماكيت شكل شيك بس
دخلت على الميجان بسم الله ماشاء الله تحفةوالله وتحس فيها بممزات جديدة وكمبيوتر والهاند بريك مقبض مربع مختلف عن كل العربيات عدادت مميزة وجديدة مقصورة فخمة فيها abs ebd , 2 أير باج ومجموعه خواص صغيرة قمة فى الشياكة دخلت دماغى موووووووووووووووووووووووو ت
دخلت على البريالينس جولينا منظر فخم من برة و 2000 سي سي
وكراسي مريحه جدا بس طبلوه صينى رديئ خامات تعبانة الباب أتفتح مقفلش تخيلوا الهاند بريك شكلة زيفت ومبينزلش للأخر فى جراب طالع كدا وعدادات انالوج
بصراحه اكتر عربيه أتخدعت فيها فى حياتى
دخلت بقي على الاوكتيفيا والباسات ماشاء الله هي ديه العربيات بجد فخمة فخمة فخمة ومفيهاش غلطة أصلهم شركة واحدة ومتشابهين اوى وماتور واحد
انا كنت ناوى ادفع 50.000 ج وقسط الباقى تقسيط مباشر
بس لما شوفت كدا قعدت أقول فين العربيات البيجو فيييييييييييييييييييييييي يين
دنا كنت فى سوء الجمعه اللى فات شوفت بيجو 406 2003 سودا فبريكا بره وجوا 80000 ك ملهاش حل أركن بقي كل اللى قولته على جنب وفيها كل الامكانيات وعزم 2000 سي سي وطبلوه فرنسي ولا غلطه وشيك جدا جدا جدا والراجل بيتكلم فى 93000
والله يا بلاش انا اللى غلطان بس بجد بجد توبه
أنا كنت ناوى على ال 406 اللى خلانى اخرف
بجد نعم الاختيار وفى انتظار تكمله الفلوس ومش راكب غيرها
الواحد مبيحسش بكفائه عربيته غير لما يركب غيرها
البيجو بيجو من الاخر
وانا اسف الغلط عندى :K_crying[1]:

المشاركة الأصلية كتبت بواسطة Nour_Peugeot

انا فاكر الموضوع ده يا احمد كلمتك في اليوم الرحت اتفرجت علي العربيات دي


احمد ما دام انت فكرت في العربيات دي متجرب بقي بيجو 207 و تبقي ركبت عربيه محدش في مصر يعرف يهزر معايا الا القليل و العربيه دي محققه نجحات جمده جدا جدا


و لو عيز تكبر اكتر يبقي خش علي ال 406 و بكه يبقي الاسود بيكبرو حبا حبا

و مبرووك انك لسه بيجهاوي اصيل بدون خليط ههههههههه

بيجو الى الأبد وان شاء الله مش هجيب اى عربيه على اللى معانا غير 406 يأما بلاش
اللى معانا يسدوا عين الشمس ويسلام بقى لو التعديلات تشتغل
كان نفسي أوريك الماتور ال 406 عند الراجل اللى هجيبلك منه الحاجه حاجه أوووووووووووووووووووووووو ووووووف لو يركب عندى الكل هيمسك يمين على طول