الموضوع: عيد ميلاد المنتدى -إقتراح

المشاركة الأصلية كتبت بواسطة karim_monir

محمد بك الطويل
محمد بك شنوري
شركاء رحلة اسكندرية الي مش هانقول فشلت لكن اعضاء كتير قوي كسلو وكانو هما احلى حاجة في الرحلة وباقي الاخوة الاسكندرانية
والناس اللي جت من مصر وتعبت جدا
بعد الاستفادة من اخطاء الاخرين بقترح الاتي :
اولا موضوع الاتوبيس ده وبحكم اني بقالي في المنتدي ده سنتين موضوع لم الفلوس مسبقا ده فكرة فاشلة فاشلة الى اقصى درجة لاننا بعيد عن بعض
مانساش اني في مقابلة رمضان اللي فات ورغم الاعلان المسبق عنها بفترة كافية وان كان في ناس اعرفها كويس وفي ناس مقدرتش تقابلني عشان تدفع فلوس الافطار خدت ريسك على نفسي وحجزتلهم وفي الاخر دفعت من جيبي حق 3 وجبات لناس ماجاتش ومفكروش حتى يعبروني بعد كدة بكلمة اعتذار مش هاقول يبعتو حق الاكل اللي دبسوني فيه
عشان كدة بقول ان مووضوع لم اي فلوس غير ناجح اطلاقا
وكانت انجح مقابلات المنتدي خارج القاهرة مقابلة اميجو لان الدفع كان في الفندق مباشرة ومقابلة مزارع دينا لانها كانت بدون حجز تقريبا برضه
معلش بتقل عليكم بس استفيدو من تجارب الاخرين في الموضوع
لو هاتتعمل في اسكندرية يبقي الترتيب المسبق اننا بعد اكتمال العدد نتصل بمطعم نبلغة العدد ويبعتلنا الوجبات مكان ما هانقعد
ولو في مكان تاني يكون نفس الترتيب
بالنسبة للتورتة ما تقلقوش اللي جه عيد ميلاد المنتدى السنة اللي فاتت شافو قد ايه التورتة كانت جبارة واسم نايل موتورز كان منور عليها وكانت من فندق لابساج بتوصية من سيادة اللواء حسام حسن ابو ليليا كل عام وانت بخير

كيمو باشا
والله انت كمان واحشني كتير من يوم المقابله ولو كانت فاشله من حيث العدد فكانت ناجحه جدا من حيث الشخصيات اللي الواحد اتعرف عليها فيها
وانا كسبت فيها معرفه ناس محترمه جدا
لو موضوع الاوتوبيس فاشل ودي حاجه مش حنقدر نحكم عليها دلوقتي
لو المشكله في ان حد بيقول ان فلان بعيد عنه ومش حيقدر يدفعله او يروحله ويديله الفلوس
فابسط الطرق لتحويل الاموال دلوقتي هي انه يشحنله المبلغ كرصيد في تليفونه وطبعا دا حيكون عن طريق شخصيات معينه حيتم تحديدهم بعدين
لو الاتوبيس غالي والعدد قليل فممكن يتفقوا مع سواق ميكروباص انه يجيبهم ويرجعلهم في وقت معين ولو مرجعش فاحنا ممكن تاخدهم في عربياتنا وننزل بيهم لحد الموقف الجديد او اي تجمع للميكروباص ونحجزلهم عربيه تانيه
لو علي الاكل وكميته فدي حيكون ليها ترتيب زي ان ممكن مثلا كل مجموعه تاكد حضورها بالتليفون والتاكيد حيكون عن طريق الشخص اللي تولي الماديات جوه المجموعه بالتليفون مع اي حد فينا وبناء عليه حنشتري الاسماك والصدفيات والقشريات اللي تكفي العدد ده ودي مشكلتنا واحنا حنعرف نحلها من جوه اسكندريه
كل الكلام ده بناء علي ان المقابله في اسكندريه وبرضه الموضوع مفتوح للاقتراحات
كل اللي انا قولته دا افكار مبدئيه وقابله للتعديل باي شكل او التنظيم لانها لسه جايه في دماغي دلوقتي

المشاركة الأصلية كتبت بواسطة Nile_Storm

اؤيد فكره اسكندريه
كفايه اني اشوف محمد باشا و شنوري حبيبي

والله تنوروا اسكندريه انا لو عليا اعمل المقابله اسبوع بحاله
لانه مش كفايه يوم واحد معاكم
علي فكره يا دكتور انا شايلك نصيبك من اللحمه اياها بتاعه المقابله اللي فاتت تخيل 4 شهور ولسه بناكل في اللحمه اللي كريم جابها ههههههههههههههههههههههه