ايه اللي يخلي البوجيهات تهبب كده ؟؟

**ahmed1981** · 19-02-2009 11:28 PM

كربون مهبب على البوجيهات
معناه دخول بنزين أكثر من اللازم أدى لإحتراق غير كامل نتج عنه كربون على هيئة هباب على البوجيهات

وطالما السيارة إنجكشن فقد يكون هناك مشكلة في الحساسات (حساس هواء أو حساس شكمان أو ...)

لكنك تقول أنه يوجد بوجيه نظيف على عكس إخوته الثلاثة
فلو كان حساس بايظ كان الأربعة هببوا

لذلك قد يكون هناك تآكل في فوهات الرشاشات يؤدي لتدفق بنزين زيادة في ثلاثة من الأربع إسطوانات وهذا هو أقوى إحتمال
وهنا ستجد فوهة الشكمان مهببة آخر هباب على حوافها الداخلية

والله أعلم

**samirayad** · 19-02-2009 11:31 PM

المشاركة الأصلية كتبت بواسطة hellboy

يا جماعه الهباب ما بيلمعش ( مش زيت ) سحب العربيه رائع وما بتقطعش ولا بتتفتف الفرق الوحيد الملموس هو زياده طفيفه في استهلاك البنزين .وبعدين هو لو من الرشاش كان هبب الاربعه مع بعض ؟ ولا ايه! انا مافيش ادامي الا اني اصدق ان البوجيهات مرطبه واغيرهم ومحتاج رايكم برده . انا تعبتكم معايا بس بعشمي في اخواتي

فى الغالب المشكله دى من أسلاك البوجيهات زى ماقال المهندس /أحمد.....

- وتفسير الموضوع ده أن فيه 3 أسلاك مش متوصله بأحكام جيد على البوجيهات..او حالتهم مش كويسه.(ودول بقه بيخلوا كفاءة الحرق بتاعتهم ضعيفه وبالتالى فيه نسبه حريق مش كامل فى الغرف بتاعتهم....علشان كده بيهببوا).......والبوجيه الرابع مبيعملش كده وبيبقى نضيف علشان كفاءة الشراره اللى واصله له كويسه(علشان السلك بتاعه تمام).......دا مجرد أجتهاد فى التشخيص.....

وتم الأستناد اليه من قولك فيه زياده طفيفه فى أستهلاك البنزين............هذا والله أعلم

**Scent7104** · 20-02-2009 12:35 AM

ممكن حضرتك تشوف أسلاك البوجيهات في الأول

بس أنا حصلت معايا المشكلة ده في بوجيه واحد و حطيت منظف الرشاشات و كنت باحط مع كل بنزين السائل الوردي اللي بينظف البنزين بس في الآخر لقيت انه كان في مشكلة في الرشاش المقابل للبوجيه ده و لما غيرته الموضوع خلص... فتنظيف الرشاشات ما بينفعش لأن ده بيكون الرشاش نفسه وسع فبيدخل بنزين زيادة و بالتالي مش بيتحرق فبيهبب البوجيه و علشان كده لازم الرشاش يتغير ( و طبعا هو كده كده طقم رشاشات مش رشاش واحد يعني).

**ENG\AHMED** · 20-02-2009 12:52 AM

العربية رشاش واحد وبالتالى موضوع الرشاشات دة مستبعد لأن مش كل البوجيهات فيها مشكلة

**ahmed1981** · 20-02-2009 01:28 AM

المشاركة الأصلية كتبت بواسطة ENG\AHMED

العربية رشاش واحد وبالتالى موضوع الرشاشات دة مستبعد لأن مش كل البوجيهات فيها مشكلة

هل المقصود هو رشاش واحد على مدخل المانافول للأربع سلندرات زي الشاهين ؟

**samirayad** · 20-02-2009 01:58 AM

المشاركة الأصلية كتبت بواسطة ahmed1981

هل المقصود هو رشاش واحد على مدخل المانافول للأربع سلندرات زي الشاهين ؟

نعم.. السياره ...هاف أنجكشن يا بشمهندس/أحمد

**samirayad** · 20-02-2009 02:04 PM

برضه أنصح بقراءة الموضوع ده ودراسة كل الجوانب المتعلقه بأسلاك البوجيهات قبل الشروع فى تغيير البوجيهات............http://www.nilemotors.net/Nile/showthread.php?t=60028

**ahmed1981** · 20-02-2009 02:32 PM

المشاركة الأصلية كتبت بواسطة samirayad

نعم.. السياره ...هاف أنجكشن يا بشمهندس/أحمد

جزاك الله خيراً على التوضيح
لو الرشاش فيه مشاكل هيأثر على الأربعة زي بعض
لكن هو مأثر على ثلاثة فقط وهذا يقلل إحتمال أن الرشاش متهالك
وإن كان لا يلغي الإحتمال نهائياً ولكن يجعله قريب من إحتمال عيوب الحساسات
وبالنسبة لأسلاك البوجيهات هو بيقول إنه مغيرها !!

**samirayad** · 20-02-2009 02:38 PM

المشاركة الأصلية كتبت بواسطة ahmed1981

جزاك الله خيراً على التوضيح
لو الرشاش فيه مشاكل هيأثر على الأربعة زي بعض
لكن هو مأثر على ثلاثة فقط وهذا يقلل إحتمال أن الرشاش متهالك
وإن كان لا يلغي الإحتمال نهائياً ولكن يجعله قريب من إحتمال عيوب الحساسات
وبالنسبة لأسلاك البوجيهات هو بيقول إنه مغيرها !!

احتمال عيوب بأى حساس دلوقتى مستبعد....لأن فيه عندنا بوجيه حالته ممتازه......ولو فيه عيب من أى حساس حيبقى عيب عام وشامل كل البوجيهات......

- وحاليا أصابع الأتهام بتشير الى الكابلات التلاته اللى بوجيهاتها بتهبب.......أو التلت بوجيهات دول أصلا وحشين.............تقبل تحياتى

**فادى محمد** · 20-02-2009 03:14 PM

الف شكر يا جماعه . علي فكره الكابلات عندي جديده وجيده جدا . بس انا عملت حاجه لما فكيت البوجيهات ونظفتها . غيرت مكان البوجيه اللي كان طالع مش مهبب ( الرابع) وحطيته في ثاني سلندر ومشيت بالعربيه وكشفت عليهم النهارده قبل الصلاه لقيتهم كلهم مهببين ما عدا اللي غيرت مكانه من الرابع للثاني . وده ممكن متهيالي يزيد من احتمال ان العيب في البوجيهات التلاته ( مرطبين ) . وافتكرت كلمه للميكانيكي بتاعي الله يرحمه لما قاللي انه ممكن البوجيهات تيجي جديده مرطبه ويبقي القديم احسن من الجديد ونعد ندور وندوخ علي السبب وهو من البوجيهات الجديده . انا ان شاء الله مسافر القاهره غدا وحغيرهم ب gm في المنصوره واكمل المشوار ونشوف الوضع . وعاوز رايكم برده علشان الكل يستفيد ( اللي مجنني ان العربيه الصبح بتنزل حنفيه ميه نظيفه من الشكمان ) وجزاكم الله خيرا . اخوكم فادي محمد .