الموضوع: زويل: العالم سيشهد ثورة تكنولوجية تدعى كوانتم إنتانجل نت ستحيل الإنترنت للتقاعد

المشاركة الأصلية كتبت بواسطة amir

الناس قرت الخبر و مر عليها نقطه انا شايفها كارثيه
عالم كبير في مقام زويل و يقدم جايزه في الابداع الفني!!
ابداع فني ايه و بتنجان ايه بس
هو الكمان و البيانو و الطبله و الرق الخ الخ هما دول اللي محتاجين عقول متعلمه و قدرات علميه؟
بالذمه ده كلام؟
عالم جليل و الجايزه بتاعته تكون فنيه
و من قبل كده هل دكتور زويل نسي اصله؟
مش كان بيحارب هنا في جامعه الاسكندريه و هج من البلد و اتغرب و اجتهد بره
و بلاد بره هي اللي كرمته بجايزه من جوايزها (اللي هي نوبل)
و بعد ما الاجانب كرموه جينا هنا في المحروسه بدرع معرفش ايه و وسام نيله ايه؟!!
انا لو منه احترم وضعي العلمي و مسمحش بالتهريج ده و قله القيمه دي
مش كان برضو عايز يعمل جامعه مطوره هنا في مصر و الجمارك مرضوش يدخلو الاجهزه بتاعته الا لما يدفع جمارك
انا لو منه انسي اصلا اني مصري و عمري ماجي البلد دي تاني
بلاد بره هي اللي قدرته و وصلته للي هو فيه ولو كان في مصر اساسا كان زمانه رايح يدي محاضرات و يقرف الطلبه و يصحح اوراق امتحانات
احنا عندنا الف زويل و انا احتكيت ببعض منهم لكن للاسف الامكانات صفر علي اليمين و الشمال يتوسطهم صفر
انا لو مكانه ارفض استلام جايزه الاوبرا دي و اساسا محضرش حاجه زي دي
و مثال اوسكار وايلد ليس ببعيد

مداخلة حضرتك بتطرح اسئلة كتير
ما هو الفن ؟ما انواعه ؟ ما قيمته او فائدته للانسان قلبا و عقلا (نصفى المخ)؟ ما علافة الفن بالخيال او التحليل المنطقى ؟ هل هو احد الركائز التى تبنى عليها الحضارة ؟ما موقعه فى الاسلام ؟
و من عنده علم لا يبخل به

يعنى اية انترنت ؟؟؟؟؟؟؟؟؟؟؟؟

هوة اية الكوانتم دة لامواخذة
يا جدعان كلمونا بالهجايص
وفعلا العلم فى الراس مش فى الكراس

الكوانتم ده و الله أعلم حاجة زي الفنكوش كده و بيشترك معاه في خصائصه الفلزية و اللا فلزية

انا لله وانا اليه راجعون
دا كدا احنا عايزين ف خلال ال5 سنين اللي جايه نستوعب بس الدنيا فيها ايه!!!!!!!!!!!!

المشاركة الأصلية كتبت بواسطة medo55

اذا كان الفن عباره عن موسيقى وغناء وعري , وواحده نايمه في احضان واحد تاني امام الملأ

فليس له موقع في الاسلام وهو حرام شرعا , وليس له لازمه ولكن الشيطان يزين لهم اعمالهم ويقولك الموسيقى بتهدي الاعصاب !!!!

حضرتك بتقول اذا كان ..
طب و اذا مكانش ؟
لذا احنا فعلا فى حاجة للاجابة لتحديد احنا بنتكلم عن ايه بالظبط
انا ممكن ادور عالنت و اكيد هلاقى بس انا مش عاوز كلام جامد-صلب-منقول انا عاوز معلومات واراء نابعة من اشخاص بعد تامل و تفكير ومعالجة للمعلومات بالخبرة و العلم
لذا تظل الاسئلة

ما هو الفن ؟ما انواعه ؟ ما قيمته او فائدته للانسان قلبا و عقلا (نصفى المخ)؟ ما علافة الفن بالخيال او التحليل المنطقى ؟ هل هو احد الركائز التى تبنى عليها الحضارة ؟ما موقعه فى الاسلام ؟