مع العلم اني مش عايز اجيب جديد علشان مابحبش الاقساط:U_thin1[1]:
مع العلم اني مش عايز اجيب جديد علشان مابحبش الاقساط:U_thin1[1]:
700 كيلو كل 15 يوم
ممكن ريجاتا او 131 بشرط الحالة وعمل الصيانة الدورية
حضرتك بتطلب طلب صعب اوي اوي
اصلا مفيش حاجة ب 20 الف دلوقتي غير 128 موديلات الثمانينيات واوائل التسعينات
غير كده
كل الفيات القديم والبيجو 504
وعيبهم الاساسي حيكون قدمهم النسبي
الفيات هاتسافر المسافه دي
لا طيعا لا طبعا
لو اسرتك مش كبيره هات فولكس بيتلز وسافر وانت مطمئن لكن لو معاك اسره كبيره مش هتنفع والسعر ده يجبلك فيلت 31 وكويسه
انت محتاجها ضرورى ؟
لو ممكن تستنى اصبر لحد اما المبلغ يزيد شويه
اعتقد انت بتطلب طلب صعب جداااا
ده انت تقضيها موصلات ارحم اعتقد
لان المبلغ ده يادوبك فيات او بيجو وكلهم موديلات قديمه
ممكن تسافر وكل حاجه
بس حتتعبك جدا جدا
بس اصلا لو حالتهم جيده جدا
ولازم الصيانه الفوريه زي مالاخ م نبيل قال
بيجو 504 بدون نقاش
هى بتاكل بنزين شويه
بس انساها فى موضوع السفر
احسن من اى عربيه جديده
بس متنساش ان استهلاك البنزين فى العربيات القديمه هيبقى عالى شويه و بالذات العربيات اللى سعتها اللتريه عاليه زى ال 132 و بيجو 504 و كمان ممكن تظهر اعطال.. انا انصحك لو تكمل بعربيه زيرو زى الماروتى او تكون مستعمله و الاسعار فى النازل دلوقتى و فى المقابل استهلاك بنزين رائع و مش هتقول لا حتى لو بتسافر 1500 كيلو فى 15 يوم, بس ده يرجعلك لو اسرتك صغيره او مبتحبش العربيه تكون صغيره, لكن انا افضل سياره جديده مش هتتعبك فى مصاريفها.
البيجو 504 فعلا احسن الاختيارات زي ماقال أ. موحا و أ. موبيتيك بس الصراحة مش عارف هيه سعرها يعمل كام حاليا
ممكن بيجو .. أو فيات 131 أو دايو خليجي مودل تسعينات
فيات 131 هتكون موديل قديم في التمانينات طبعاً بس بالعشرين ممكن تجيب واحده حالتها كويسه و ممكن 132 برده بس استهلاك البنزين هيكون اعلي شويه
قدامك حل من الاتنين
فيات 132 (الحل الارخص )
بيجو 504 (الحل الاغلي )وهنا احتمال تزود الفين او تلاته
وانا ارشحلك البيجو عشان أنعم بكتير من ال132 بس قطع غيارها أغلي وممكن تسافر بيها كل يوم 700 كيلو وأنزل الموقف وشوف بنفسك
بصراحه افضل حل سوزوكى ماروتى او التو
استهلاك قليييييييل للبنزين و قطع غيار عند الفكهانى و ببلاش
لو تقدر تصبر شوية ياريت تصبر شهرين او تلاتة علي الاكتر وبامانة مش هتخسر بالعكس ممكن تشتري حاجة احسن بكتيييييييير وياريت تنضم لحملة خلوها تصدي وموديلها يعدى
انا رئيي بقي ولاني متحيز لعربيتي فرئيي هوة انك محتاج عربية سعرها رخيص وموديل تسعينات عشان متكونش قديمة اوي وتكون استهلاكها مش عالي في البنزين يعني مش ماتور الفين زي البيجو والاتنين وتلاتين ومع زلك فانت عايز ماتور قوي للسفر فانا ارشحلك البلونيز موديل اول التسعينات وفلوسك تقدر تجيبلك عربية كويسة جدا ان شاء الله وقوية وماتورها الف وخمسومية واللي شايف غير كدة يقول
معلش ياباشا مع احترامي لحضرتك البولونيز مشاكلها كتير وكمان ناشفه جدا وهوا لو عايز حاجه مش الفين ممكن يجيب 132 1600 فيها باور وتكييف كمان وماتعديش ال 20 الف
احسن عربيه في رأي في مصر ب20000 هي مازدا 323 عربيه يباني وقطع غيار معمره و1300 سي سي اقتصاديه في البنزين ..مع واحد صاحبي وبيسافر بيها وعامله اكترمن نص مليون كم وعملها عمره من 10 سنين وبتبتدي من موديل 82...وفي منها 1500 سي سي بتبقى باور وتكييف وزجاج وبتبقى اغلى شويه..وفي الريجاتا عربيه حديثه بالنسبه لوقتها (تكييف -هاف باور -زجاج -كمبيوتر اعطال) لو حاله كويسه بتبتدي من23 الف بس صاجها ضعيف
لا ولا مشاكل كتير ولا حاجة مهي عندي امال انا نصحته بيها او حتي انا جبتها لية ولا مبيعتهاش لية لو لقيتلها مشاكل بالعكس عربية عضمها ناشف وقوية وكارونة وماتور الف وخمسومية قوته كويسة ومش عالي اوي عشان ضريبة الترخيص وموديل عالي مش زي المية اتنين وتلاتين والبيجو موديلات سبعينات يعني مفيش اي عيب علي ما اعتقد دة غير اني اتحدي اي حد يقوله علي عربية في السفر اللي هوة محتاجه احسن من البولونيز معروف عنها انها عربية المهام الصعبة ودي اشهر حاجة للبولونيز لانها حتي سيارة شرطة يعني مؤهلة للمهام الشاقة
أنا شايف ان المازدا تعتبر أفضل خيار بالسعر ده وعربيه حلوه جدا وحموله وقطع غيارها معمره
اشترى وانت مغمض مازدا 323
العربيه دى كانت معايا حمار شغل ونعومه وسحب واقتصاديه جدا
وممكن بعد كده يركب لها تكييف
وابعد عن الفيات
اما البيجو لو تستحمل استهلاكه للبنزين يبقى هو افضل اختيار
مينفعش تجيب بيجو 504 بالسعر ده فاحسن حاجه تجبها لادا 2105 وعن تجربه العربيه دي بتعمل من 3000 الي 4000 كيلو في الشهر بس خلي بالك من الصيانه و التشحيم
ايه رايكم في الادا 2105 موديل 1982
تنفع تسافر ال 700 كيلو
هيا فابريقه دواخل بيقولوا موتورها كويس
المازدا افضل حل فعلا ..
بس ممكن توضح ال 700 كيلو دول ايه !
يعنى كل مشاويرك فى الشهر = 700 كيلو .
و لا هتروح مشوار 350 ك ذهاب وعودة ولا ايه !!
لو تزود شوية وتجيب سوزوكي سويفت يبقى كويس قوي
العربية دي كانت عندى و كنت بسافر بيها كتير مرسى مطروح وبدون أي مشاكل (حوالي 1000 كم رايح جاي) وساعات كانت بتعملهم صد رد
ياباني طبعا
==
عمرو
==
نصيحه لله
الغالى رخيص
يعنى بلاش المستعمل وهاتلك حاجه جديده على قدك
ولو مش قادر دلوقتى اصبر او اعمل جمعيه ولا اى حاجه بس بلاش المستعمل عن تجربه!!
اللى هاتدفعه صيانه ومصاريف اصلاح هو القسط بتاع الجديد وتبقى بعدت عن اشتغالات الميكانيكى والكهربائى والاسطى بليه اللى بيحاولوا يسرقوك كل مره ترحلهم وبدل ما تقف بيك ومعاك ولادك ومش عارف تتصرف
[quote][بيجو 504 بدون نقاش
هى بتاكل بنزين شويه
بس انساها فى موضوع السفر
احسن من اى عربيه جديده/quote]111111111
ممكن تزود شوية وتجيب اونو
ياباشا الموضوع حالة عربيه صدقنى
انا معايا 127 موديل 74 وبعمل بيها فى الشهر اقل حاجه 400 كيلو
وفى شهور بكسر ال 1300 كيلو
المهم اول ماتحس بس انها هاتقول حاجه تقوم تسد بقها وغالبا الكلام بيبقى فى العبيط اوى انما هاتصبر يبقى خد عندك بقى
واهى ماشيه زى اللسعه
ركبتلها جنوط المانى عشان تتقل على الطريق وعملتلها عمره السنه اللى فاتت والحمد لله
والمسافه دى انا باخدها سفر يعنى على طريق مفتوح ال 140 كيلو مع الهوا بياخدو منى من 8 الى 9 لتر وفى وش الهوا بتاخد 12 لتر
وكربراتير يعنى ايام الفقر بتمشى ببنزين 80 عادى خالص
فنصيحه دور على حاله مش على موديل وانزل ودور وزى مابيقولوا القرش صياد ويمكن ربنا يرمى فى سكتك عربيه نضيفه وصاحبها نضيف وحالتها زى الفل وتلحقها ولا يبقى نوعها ولا موديلها على بالك بس تقع فى حبها من اول نظره
ياباشا احسن عربيات تنفعك فى السفر وتوفر معاك بنزين هى المازدا 323 وبالتوفيق
باشا انا فى رايى ان الماذدا عربيه يابانى وناعمه ووجودها لحد النهارده اكبر دليل على جودتها واللى حالتها نضيفه بجد بتبقى وهماقتباس:
ياباشا احسن عربيات تنفعك فى السفر وتوفر معاك بنزين هى المازدا 323 وبالتوفيق
بس العربيه دى من العربيات اللى بيبان عليها الكبر فى السن ونادر جدا ماتلاقى عربيه مازدا صاجها مفرود صح وصوتها مش طالع ومشاكلها قليله لانها من العربيات اللى الاهانه بتأثر فيها ومابتعرفش ترجعها زى الاول
انما الفيات انا مش هاتكلم افتح البوم صور الاعضاء او حتى امشى فى الشارع واتفرج على الفيات 128 وال 127 حتى ال 125 وشوف العربيات اللى كانت ميته ورجعت احسن مما كانت عليه ايام الزيرو وباقل الاسعار
انما حسب معلوماتى ان الماذدا قطع غيارها مش كلها سهلة انها تتوجد واما بتقف على حاجه مابترضاش تتعتع انما الفيات بيمشى فى اسوء حالاته ومهما كان اللى فيها بتفضل ماشيه
شكرا على لردك ياباشا بس كلامك مش كلة مضبوط لان فى مازدات كويسة للغاية وانا عندى واحدة بحالة شاذة ومفهاش خربوش ولا صاج ولا بتنعر ولا الكلام دة وبعدين حضرتك بتقول فيت فيت اية ياباشا قدام عربية يابانى بخبرة امريكية من شركة فورد وجنرال موتورز من 1904 ام الفيات حاجة وستين ياعنى مافيش وجة مقارنة وثانيا بالنسبة للحالات مهى صون العربية تصونك مش تعد تطلع عنها وما تيجى حاجة تبوظ متعبرهاش لحد متفرط منك وبعد كدة تقول عربية زبالة دة كلام دة ولو عايز تشوف العربية اللى انا عارف مواصفتها ممكن اصورهالك وابعتلك صورها عشان تعرف الفرق :8_8_13:
هات بيجو 504
العربيه المستعمله شرط الحاله و المازدا فعلا حميله جدا