-
أكيد أستاذ توفيق حس كدة لأن باشمهندس أحمد راجل ذوق و أكيد إهتم بيه زي كدة اما تلاقي حد قريبك أو صاحبك جي في المكان اللي بتشتغل فيه بيعمل حاجة أكيد بتجبله حاجة يشربها و تتابع معاه خطوة بخطوة و بتشيله فوق دماغك عشان بيبقي ضيفك.
انا مش بدافع عن التوكيل بس دي الحقيقة فعلاَ هما ناس محترمة .. لو مش مصدق ممكن نروح في سيريون متخفية و أدخلك تشوف بنفسك :k38:
و شكراَ لك علي المناقشة :)
-
أخى الفاضل/ محمود ..
تحيتى لك ..
أسعدنى ردك المفصل واهتمامك بالتفاصيل وسعدت
أيضا بدعودتك الكريمة لانى أحسست أنها دعوة
محبة وان شاءالله وبدون مقاطعة سأحضربس
اتفقوا على مكان معقول.ولن أعلق على كلام
الأخ الفاضل .فقط أنا لم أطلب من أبوعبدالله
التكلم مع المركز هى عادتة حين يعرف أن أحدا
من الجروب ذاهب هناك لأنة انسان خلوق
ومحترم .وأحب أن أستدعى أبوعبدالله هنا ؟؟
فاكرلما ذكرت لك اسباب ترددى فى المقابلات؟
أهو كلامى تحقق ..
فى النهاية .تحياتى للجميع .مع اننى مصدوم من
رد واندفاع الأخ/ for_ever
-
طبعا في الأول احب احيي محمود على رده الوافي الرائع
واحب ان اوضح ان المسالة لا يوجد فيها ما يستدعي اني اقول كوسه
كوسه لمين اصلا
كوسة من التوكيل للتوكيل نفسه
يعني كلام غير منطقي
كل ما في الأمر ان الناس بتقدر ملاكها اللي اجتمعوا على امتلاك دايهاتسو
وده شئ يأخذ لهم وليس عليه
ما ممكن زي كثير من التوكيلات يقولك ايه المشكلة ما هو مجتمعين مجتمعين
اكيد التوكيل له مصالحه واحنا برضه لينا مصالحنا
المهم الاتنين يتوافقوا مع بعض ونقرب وجهات النظر
عالعموم يا استاذ توفيق مبارك عليك الصيانة الخفيفة دي
وزي ما انا قولتلك ان ممكن حاجات تلاقيها شغاله ومتتغيرشي وده برضه شئ يحسب للتوكيل انه مش شغال بيغير وخلاص علشان العربيه عدت الاربعين الف كيلو
ولو غير محدش هيقوله انت بتغير ليه وعلشان ايه
-
الف مبروك يا أ/طه والحمد لله جت خفيفة وعقبال الباقى كدة عالطوال فى الخفيف احسن الواحد والله شايل هم الصيانة دى من ساعة معرفت الرقم وعمال احسب يمين وشمال ...وعايز اقول رأيى بعد اذن حضراتكم
اولا التوكيل هو المستفيد الواحيد من تغير كافة الاجزاء "مصنعية وقطع غيار"
ثانيا التوكيل محترم جدا جدا جدا لانه و ببساطه لاقى ان قطع الغيار الموجودة تصلح للعمل "اد اية مش مهم وهو يتحمل المسئولية عن كفائة التشغيل"ولكن تصلح ومعنى كدة انهم شافوا شغلهم كما هو مطلوب منهم ودة حاجة لا تستوجب الشكر ولكن تستحق الاحترام والتقدير منا ومن غيرنا من العملاء الغير اعضاء هنا بالمنتدى واعتقد ان المعامله بين الوكيل وعملاءة ليست تعتمد فقط على مكالمة تيلفون من الأخ الفاضل ابو عبد الله اوالدكتور معاذ يمكن ان نكون نحن اكثر جروب يمتلك السيارة ولكن باقى الملاك اللى هيدفع 1600 جنية فى عربية المفروض انها اقتصادية كل 40 الف كم اكيد هتكون داعية سيئة "على فكرة انا كلمتهم على التيلفون واعترضت على الرقم الغريب دة"...
ثالثا احنا كمان مستفدين من هذة المعاملة الخاصة من الوكيل كخصم ومواعيد وخلافة ودى حاجة ليس لها علاقة بالكوسة او القرع واكيد لازم نبقى مبسوطين بيها...والف مبروك مرة اخرى يا أ/طه وعقبال صيانة ال400الف كم وبردة تبقى 375 جنية
-
اولا مبروك م/توفيق على الصيانة
ثانيا تعقيبا على الكلام الغريب اللى بيتقال عن واسطة و كوسة و الكلام ده, أظن ان محمود فعلا جاب الخلاصة
دلوقت توكيل دايهاتسو مش ملزم انه يهتم بمجموعة معينة من ملاك عربيته و يوليهم اهتمامه و معاملة خاصة و تخفيض .... لكن هما لمسوا قد ايه الناس دى محترمة و ناس فاهمة و واعية و مجموعو مميزة فعلا تستحق الاهتمام
مكالمة ابوعبدالله لمهندس احمد عبد الوهاب كان سببها ان م/توفيق كان دى اول مرة يروح العبور, و كانت صياناته كلها فى مركز الرزق فى اسكندرية, ده بالاضافة ان م/توفيق حصل له ظرف فى المقابلة اللى فاتت و لم يستطع الحضور, علشان كده لم يتعرف على م/احمد او م/محمد عبد الصمد
اما بخصوص وصول السعر من 1600 الى 370 فده كان واضح فى كلام م/توفيق ان تم عمل صيانة 30 الف بدلا من 40 الف
ده جدول يوضح الفرق فى اسعار العمالة
http://photos-a.ak.fbcdn.net/photos-...792920_707.jpg
ال 30 الف تعامل معاملة صيانة ال 10 الاف
ده غير ان ال 1600 جنيه دول يتضمنوا تغير حاجات كتير زى البوجيهات و سير الادارة و زيوت و سوائل و حاجات كتير
فبلاش الاتهامات دى و القاء التهم على الناس بدون تحرى الدقة او الالمام بأبعاد الموضوع لأن فعلا الناس هناك فى دايهاتسو بيحاولوا يرضوا كل الناس, اكيد طبعا مش هيقدروا يرضوا جميع الاذواق لكن على الاقل بيحاولوا
-
بسم الله الرحمن الرحيم
أحبائى فى الله ..
م/أبوعبدالله .أحيى ذوقك الراقى وأخلاقك السامية
بارك الله فيك دائما ..
م/على ..
تحية من القلب.
شكرا لاهتمامك بالرد والمتابعة.بالنسبة لمبلغ
الصيانة 1600 جنية أنا كنت مستعد أدفعها فعلا
لو طلبت منى وتستحق التغير فلن أبخل على
سيارتى لمجرد التوفير (ماأنا ياما دفعت عن طيب
خاطر فى مركز الرزق بالأسكندرية) وعلى رأى
المثل (الجايات كترمن الرايحات) مثل عجوزشوية
حبيب قلبى د/ معاذ ..
والله العظيم بحبك وأنا لسة ما شفتكش؟؟ اسمح لى
أن أحنى هامتى لك محبة واحترام . و شكرا لمتابعتك لى..
هو يوم 6 مارس اتأخر لية .؟؟؟
اسمحوا لى جميعا أن أهديكم محبتى ..
توفيــــــــــق:wubclub:
-
شكرا يا جماعة علي الردود و الايضاح. و احب اقولكم ان اختلافي معاكم في الرأي كان ليه الفوائد التالية:
1- زي ما فهمت من حضراتكم ان التوكيل محترم و بيحترم عملاءه
2- الروابط بين الاعضاء طيبة جدا و علي مستوي عالي من الذوق
3- مش عيب ان الواحد يختلف في رأيه مع اي حد. و ان كان في ناس بتتفق علي الا تتفق
اخيرا ما حدش يزعل مني عشان انا مش قصدي اجرح في اي حد.
لأن موضوع الكوسة ده بنشوفه في كل حتة و عز عليا جدا ان اشوفه هنا كمان.
معلش في سؤال:
لو انا ما روحتش عملت الصيانات الدورية و عملتها بره علي حسابي, بمعني اصح لو انا عملت الصيانات حسب ما انا شايف حالة العربية, هل ده هيأثر علي ضمان الوكيل ؟
شكرا
-
بسم الله الرحمن الرحيم
اولا استاذ توفيق الف مبروك علي الصيانة
ثانيا ياجماعة رجاءا لا نجعل للشيطان مكان بيننا كلنا ناس محترمة جدا والتوكيل كمان ناس محترمة جدا بس من الوضح انو سوء تفاهم غير غير مقصود
ياريت نعمل بالمثل ( حبيبك يبلعلك الظلت ......) :C_laugh[1]:
ثالثا دة موجة للاستاذ توفيق الفاضل حضرت جربت مركز الرزق في اسكندرية والعبور ياتري اية انطباع حضرتك عن الرزق بصراحة انا حاسس انهم مش اد كدة
في حاجات كتير اوي بتعدي من تحت ايديهم وكمان انا حاسس ان اسعارهم اغلي من العبور ركبولي انذار عادي جدا ب550 جنية والدلاية ب 275 جنية
ارجو من حضرتك الافادة وشكرا
-
أخى الفاضل /سيمو باشا ..
تحية من القلب .
وتحية لكل الأسكندارانية فأنا من عشاقها بوجة
الخصوص فى فصل الشتاء لها طعم ونكهة خاصة..
بخصوص مركز الرزق هو مش وحش ومش حلوقوى
بمعنى لازم تتابع العمل داخل صالة الصيانة بنفسك
اذا لاحظت شئ لاترتاح لة فى سيارتك.غريبة قوى
جهاز الأ نذار اللى ب550 جنية أنا ر كبتة هناك
ب330 جنية فقط من حوالى سنة بالنسبة لأسعار
قطع الغيار هى واحدة فى جميع الفروع هى غالية
شوية لأنها يابانى وأصلية أنافاكر ركبت مراية يمين
لسيارتى لأنها انكسرت عارف بكام 525 جنية؟؟
لكن الأسعاربالنسبة لسيارات مثلها بماركات أخرى
الدايهاتسو أرخص .فى مركزالرزق مهندس اسمة
أحمد(برضة) قمة فى الأخلاق اذاشرحت لة حالة
سيارتك يتابعها بدقة ويخبرك بالتفا صيل أول بأول..
وأنا يشرفنى أن أقابلك فى المقابلة القادمة .الجروب
ماشاءالله قمة فى كل شئ .أراك على خير دائما..
تحيــــــــــــــــاتى .
Content Relevant URLs by
vBSEO 3.6.0 PL2