قررت وزارة الداخلية العزيزة تطبيق عقوبة استعمال الكلاكس لتكون التحويل الى النيابة حيث ان العقوبة تتراوح بين 100 و1000 جنيه مصري وده الحمد لله انه مش بالدولار ولا اليورو .. إحمدوا ربنا على النعمة.................
:biggrin::biggrin::biggrin:
عرض للطباعة
قررت وزارة الداخلية العزيزة تطبيق عقوبة استعمال الكلاكس لتكون التحويل الى النيابة حيث ان العقوبة تتراوح بين 100 و1000 جنيه مصري وده الحمد لله انه مش بالدولار ولا اليورو .. إحمدوا ربنا على النعمة.................
:biggrin::biggrin::biggrin:
انا شايف الفكرة من اصدار هذة القرارات هو ان الحكومه او وزارة الداخليه عايزة تجمع فلوس بقدر الامكان كل شويه قرارات وقوانين وكله علي حساب الشعب:K_crying[1]:
لو محدش بيعمل حاجة غلط مش هيحتاج انه يلوم الحكومة ...
هما صح فى حاجة .
انهم بيرفعوا العقوبات علشان محدش يستهبل كل شوية ويقول انا اسف ..
3/4 الشعب اتمسك مخالفة حزام علشان كده مفيش حد دلوقتى ماشي من غير حزام ..
امشي فى السليم وكله هيبقى تمام ..
هوه كل حاجة بقت نيابة وحبس
والله العظيم دى بقت مهزلة فى البلد دى
ربنا على الظالم والمفترى وحسبي الله ونعم الوكيل
يا عم نفض دى بلد سايبة بيصدروا قرارات وخلاص
مين اللى حيطبق الحجات دية شوف كدة على ارض الواقع كام واحد معاة نمر مميزة
كام واحد مركب زينون ومفيم
كام واحد مركب ديفندرات
كام واحد مركب تيربو
ولا كل العربيات اللى كانت فى الاوتوكروس اللى فات كانت جية من زحل ولا قطر
دى بلد حبر على ورق كولة فى الكالتش على راى سمير غانم
مش هاقول غير حسبي الله و نعم الوكيل فيهم بجد
يعني لو هاخبط واحد بلاش ادي كلاكس .... أموته أحسن !!!!
يارب بس الحكومه تلتزم بالقرار ده
النهارده الصبح كان ماشي جنبي عربيه بوكس شرطه
كل 3 ثواني كلاكس تيت
تيت
تيت
تيت
حاجه ملهاش علاقه بالموضوع
انا كنت معدى فى طريق اسماعيلية الزراعى وكان فيه لجنه (كانت خلاص خلصت وبتلم العده علشان تروح !!!) المهم الظابط ماسك فى ايديه رزمة فلوس والله انا عينى كانت هتطلع عليهم وقعدت ادعى يارب تقع منه وانا الاقيهم وده يبدل على كمية الاموال اللى داخله للبلد من المخالفات اليومية
كويس انك نبهتنا
التهارده ان شاء الله هروح للكهربائى علشان يلغيلى الكلاكس خالص
الكلام دة اتطبق فعلا ؟
لو كدة يبقى الواحد مايقدرش يقول غير تيييييييييييييييييييييييي ييييييييييت
تيييييييييييييييييييييييي يييت
تييييييييييييييييت
*******
إستعمال ؟؟؟ يعني نلغية أحسن
أعتقد المقصود إساءة إستعمال
* يعني مثلاً البية اللي مستني مراتة لما تخلص مكياج ( أو عاوز صاحبة يبص لة من البلاكونة ) ما يفضلش حاطط إيدة علي الكلاكس عمال علي بطال
* أو سواق التاكس أو الميكروباص اللي ماشي يقسم ويلحن بالكلاكس ؛ مش لازم يرحمونا شوية برضة
شيء جميل بس لما يطبق على الكل وبعدين فية أولويات الأول . يعنى تلاقى فية غرامة على الوقوف فى الممنوع مثلا ومفيش مكان تركن فية أصلا فى المنطقة دى دة مثال بسيط وقيس علية الباقى
هو اللي ناقص بعد كده... مخالفة تشغيل السيارة...
القانون اللي جاي: اللي هيقوم بتشغيل العربيه بتعته قبل الساعه 12 بليل ياخد مخالفه لاتقل عن 2000 جنيه و لا تزيد عن 9000 جنيه او الحبس مده لا تقل عن ثلاثة اشهر او العقوبتين معاً
قررت وزارة الداخلية العزيزة تطبيق عقوبة استعمال (السياره)لتكون التحويل الى النيابة حيث ان العقوبة تتراوح بين (10000 و100000 )
ده بقا اللى ناقص ان الحكومه تعمله عشان تستريح
أقسم بالله انا منتظر علي أحر من الجمر من ساعة قانون المرور الجديد ما إتعمل إن يبقي فيه حاجة زي كدة !
يا جماعة الناس في مصر فاهمة الكلاكس غلط !
اؤيد هذا القرار و بشدة .
المفروض تكون المخالفة على صوت الكلاكس العالى كمان
تحويل للنيابة في حالة عدم التصالح الفوري أو لو لم يتم دفعها خلال ثلاثة ايام عمل من تاريخ تحرير المخالفة وهتدفع هناك 100 جنية عشان دى مخالفة عاديه غرامة فقط ونصت عليها المادة 74 مكررا 1 ويجوز التصالح فيها يعني حضرتك تدفع 50 جنية تصالح فوري ودة في حالة "استعمل جهاز تنبيه المركبة فى غير تنبيه لمركبة ، أو لشخص ، أو لحيوان ، لمنع ضرر جسيم ، محدق ، قد يلحق بأى منها".اقتباس:
أرسل أصلا بواسطة migomax
قررت وزارة الداخلية العزيزة تطبيق عقوبة استعمال الكلاكس لتكون التحويل الى النيابة حيث ان العقوبة تتراوح بين 100 و1000 جنيه مصري وده الحمد لله انه مش بالدولار ولا اليورو .. إحمدوا ربنا على النعمة.................
امل شركات العربيات عملت الكلاكس لية ادام هما مش عايزنا نستعملة حاجة تقرف
بدل اما تحاسبنا تروح تحاسب شركات العربيات
امشي عدل يحتار عدوك فيك يعني انا مثلا الحمد لله تقريبا كل حاجة ماشيها صح ومش مخالف يعني معايا رخصي عربيتي ورخصة القيادة وعربيتي مافيهاش ملصقات ولا ستاير وبلبس الحزام حتي وانا بسخن العربية ههههه ومبمسكش الموبايل وانا سايق عشا ميشغلنيش ع الطريق عشان اا خايف علي حياتي مش من المخالفة وبمشي اقصي حاجة تمانين او تسعين دة في السفر يعني يبقي ازاي حد يقدر يكلمني او يسحب رخصي او يكتبلي مخالفة عشان كدة مهما ادخل علي اي لجنة ببقي عادي متطمن ومش متوقع اي حاجة تحصل وفعلا مفيش حاجة حصلت لحد دلوقتي ولو حصل هبقي اقولكم ان شاء الله
الاسكندرانية متعودين علي كده ومش فارقة معاهم لان القرار متطبق من 2001 وكله ملتزمم بيه
احب اقولكو ان مدينه المحله الكبرى لم يتم تطبيق اى من نصوص قانون المرور الجديد فيها ههههههههه يعنى من الاخر كل الى بيتقال ده انا عارف انه مش هيطبق هنا .......
مع ان المحله مش اراضى زراعيه و اكواخ و الطرق بقى تراب و مفيش اسفلت و بنتحرك بالجمال و المواشى هههههه زى ما الناس فاكره لا دى مليانه مصانع و فيها مصانع من اكبر مصانع الوبريات فى العالم وبلد عادى زى اى بلد بس باين كده نسو ان فيها عربيات ماشيه و لازم يبقى ليها مرور .
انا مش عارف القوانين الجديده دي عاوزه عربيات موديلات الخمسينات مفيش كلاكس ... مفيش شماسات ... مفيش ملصقات ... انا مش فاهم هما عاوزين يتحكموا في العربيات بتاعنا ... طيب مييجوا هما يسوقوها وخلاص ...
انا عندي حل احنا ممكن واحنا بنعمل الرخص نعمل نسختين .. نسخه معاهم ونسخه معانا .. واهو بدل ما كل يوم نجري علي الرخص ودي اتسحبت ودي اندفع عليها غرامه يبقي معاهم نسخه واحنا معانا نسخه وخلاص
طيب اقولكم علي موقف امبارح ... امبارح انا كنت راجع من القاهره الساعه 9 تقريبا او 10 بليل ... المهم الوقت ده كان معاد وصول رابطه مشجعي المحله ...كانوا عاملين ايه بقي ...اتوبيسين وطبعا ملايين ناس واعلام وحوارات من دي .. الناس الي في الاتوبيسات نزلت وقعدوا يهيصوا وطبعا موقفين الطريق خالص والعربيات شغاله كلاكسات وتمويج بالعربيات ... الكلام ده امام اكبر نقطه مرور في المحله الكبري ... طبعا حاجه لطيفه من الناس انهم يشجعوا فريقهم بس مش بالمنظر ده ... السؤال بقي كان فين قانون المرور الجديد بتاع الكلاكس او تعطيل الطريق ده ... تخيل كان فيه عربيه اسعاف فيها مريض ولا حاجه وقفت بسسب الزحمه والزفه دي ... كان هيبقي ايه الوضع ...
ربنا يسترها معانا ويعدينا منها علي خير .. وكفايه كوووسه بقي
دة احسن حاجة فى الدنيا بلد بدون اوغاد مرور
عايشين انتوا فى النعمة دية وسايبينا احنا هنا فى طنطا فى كماينهم ولجانهم وغتاتهم وقرفهم بتوع المرور
انا بصراحة لما بنزل المحلة بحسدكوا على النعمة اللى انتوا فيها دة شارع شكرى سعات بيخمسوا فية تخيل يعنى شارع البحر عندنا حد يخمس فية (اللهم لا حسد :) :|"""""
بس دة بسب ان المحلة تبع طنطا فى المرور متخدوش انتوا المرور عندكوا ونبقى احنا تبعكوا لاحسن احنا تعبنا اوووى منهم وتبقى احلى جميلة
أنا مع العقوبة دى ليه لأن الشعب المصرى من هواياتة إستعمال الكلاكس كنت راكب تاكسى فى مرة كل شوية يضرب كلاكس كدا هو عمال على بطال دا غير و أنا واقف فى موقف منوف رايح الكلية تلاقى الناس شغالة كلاكسات مع إن الى موقف الطريق لجنة
خلاص الناس أتعودت على السواقة كدا و أي حد ييجي يقول على أي تصحيح للمفاهيم الغلط ... طبيعي أن الكل يبقى ضده
بغض النظر بقى عن نزاهة النظام المروري و أمناء الشرطة و الظباط
إنما القوانين دي هي الصح علشان تعدل الحال المايل اللي مش هايتعدل إلا بالعقاب ... لأن أحنا عارفين طبعا أن أحنا كشعب مصر العزيز بنطبق القوانين قوي !!!
الناس اللي زعلانة من القوانين اللي بتطلع كل شوية هاحكلم على شوية مواقف
لو في انجلترا .... شغلت الموتور ... و نزلت من العربية لأي سبب من الأسباب .... تتأخد مخالفة يا معلم
هاتسيب العربية ... إن شاء الله يكون أدام بيتكم ... لازم تبطل الموتور !!!
لو أستعملت الكلاكس ...... ليلتك بيضة ....... مش هاتترحم
لو مشيت على خط تقسيم الحارات ........ هاتروح مستشفى المجانين !! أو هايفتكروك متعاطي حاجة أو سكران !!
الناس اللي بتقول على أماكن الركن
انجلترا مثلا شوارعها ضيقة جدا جدا
و لو خدت عربيتك في وسط البلد ....... يا تركنها في مركن خاص أ ما تنزلش بيها أصلا و أنزل بالمترو ( أنا عارف أن الناس هاتقولي هنا مفيش مواصلات عامة مظبوطة زي عندهم ... و أنا متفق معاكم )
بس الحكومة مش ملزمة تعمل جراجات في كل مكان علشان الناس تلاقي مكان تركن فيه .... الصح أن الحكومة تطور وسائل المواصلات العامة و تخليها آدمية شوية
المهم نرجع لقوانين صارمة
لو تجاوزت السرعة القانونية ( اقصى سرعة هناك على أفضل الطرق هي 110 كم - س أي تقريبا 70 ميل )
طبعا أحنا هنا عندنا بتوع الميكروباظ و الشباب الشوماخري .... واخدين الدنيا تقفيل عداد .... بس هانعمل أيه ... الناس وراها مواعيد علشان تلحق صفقات المليار دولار فلازم يجروا على 200 و العاقل قوي بيجيب 150 ...
و الغلبان اللي بيمشي على 100 يبقى مش بيعرف يسوق ( و الله واحد قعد جنبي و شافني ماشي ملتزم بالحارة و ماشي على 100 فلاقيته بيقولي هو أنت لسة متعلم جديد !!!!!!!!!! )
للآسف بما أن حياتنا كلها هرجلة في هرجلة .......... الناس فاكرة هو ده الصح و غير كدا يبقى تضييق على الحريات !!!
هي بلد بايظة و مينفعش معاه غير حاجتين
الحكومة تتظبط شوية .......... و بعدين تظبط الشعب عقوبات للمخطئين و اللي ماشي صح ... محدش يقدر يتكلم معاه
و على رأي المثل
أمشي عدل .......... يحتار عدوك فيك
ايوه كده لو الكلاكس عمال على بطال يبقى المخالفة فى محلها عشان الازعاج والدوشة بس مش لما ادى كلاكس لحد بيعدى ولا عشان حد يوسع السكة، يقوموا يحبسونى ويطبقوا القانون عليه
ربنا يسترها علينا جميعا ومحدش يكره النظام بس يتطبق صح وبأصول مش عالفاضي