رجرجة عند النقلة الثانية ...والسحب ضعيف

**معتز** · 18-02-2009 01:22 PM

اول امس حطيت 60 لتر 92 من موبيل اللى عند المقاولين العرب بطريق النصر الاتوستراد ...بعدها ببشوية بدأت تظهر رجة واضحة عند الغيار الثانى والسحب ضعيف ..م......اية تفسير و رأى الخبراء...انا بعتقد ان البنزين مخلوط بمية ..لو كان كدة ما افضل طريقة لتنظيف دورة الوقود من اثر المياه.
شكرا

**dr_mak** · 18-02-2009 03:50 PM

الغيار التاني بس ولا كل الغيارات ؟؟
لو البنزين وحش بيبان وانت بتدور وطالع من البنزينة في لحظتها

وبعدين نصيحة ليك / لما تيجي تمون من بنزينة انت مش عارفها مون 10 لتر بس علشان لو كان فية حاجة تقدر تخلصهم بسرعة وتخلص منهم لكن حرام اقولك احرق 60 لتر

وعلى فكرة ممكن يكون مش البنزين .... وبرضة شوف اراء الاعضاء هنا والله اعلم

**ahmad--ezzat** · 18-02-2009 03:59 PM

المشاركة الأصلية كتبت بواسطة dr_mak

وبعدين نصيحة ليك / لما تيجي تمون من بنزينة انت مش عارفها مون 10 لتر بس علشان لو كان فية حاجة تقدر تخلصهم بسرعة وتخلص منهم لكن حرام اقولك احرق 60 لتر

وعلى فكرة ممكن يكون مش البنزين .... وبرضة شوف اراء الاعضاء هنا والله اعلم

دى موبيل يا باشا اكيد بنزينة محترمة
استاذ صاحب الموضوع حضرتك حطيت 62 لتر .. يعنى معنى كدة ان العربية مكنش فيها نقطة اصلا ويظهر والله اعلم ان شوائب شوية البنزين القليلين اللى كانو فى التنك عملو مشكلة فى الرشاشات
نضف الرشاشات وشوف
المشكلة مش فى البنزين خالص (حضرتك البوجهات عاملة اية)

**dr_mak** · 18-02-2009 04:14 PM

المشاركة الأصلية كتبت بواسطة Ahmed20_08nubira

دى موبيل يا باشا اكيد بنزينة محترمة)

مش شرط على فكرة

..... عارف المشكلة في اية ؟؟؟ انهم بيعملو خزان البنزين جنب خزان الماية .... وخزان المية بيسرب على البنزين

ولذلك دايما انا ببعد عن البنزينات الي فيها غسيل عربيات
لان الموضوع دة حصل معايا من (كالتكس ) كنت بمون منهم ولاقي البنزين فية مية .... وقول لاة دة اكيد محترمين وكالتكس حلوة..... وفي الاخر الناس اكديتلي على الموضوع دة

**معتز** · 18-02-2009 09:58 PM

فعلا والمحطة دى غسيل النقل الكبير فيها شغال على طول ..ربنا يسهل ولما اخلص التنك ده هزود اضافة موبيل لتنظيف الرشاشات ودورة الوقود....

**ahmedhilmy** · 20-02-2009 05:43 PM

هو يا جماعة تنضيف الرشاشات ده مين اللي بيعمله ؟ الميكانيكي و بياخد وقت قد ايه ؟ و بيتكلف كام؟ لاني حاسس ان سحب العربية عندي مش قد كده فصحابي قالولي نضف الرشاشات

**samirayad** · 20-02-2009 07:14 PM

لو فيه ميه فى البنزين هيبان من صوت الطلمبه ومع الدواره.....ياريت تقولنا على أستهلاك البنزين عندك وحالة الفلاتر (الهواء بالذات) والبوجيهات...................

**معتز** · 20-02-2009 10:39 PM

شكرا على المشاركات يا جماعة...النهاردة فكيت فلتر البنزين ونضفتة بالهواء والعملية تحسنت جدا والامور رجعت لمجاريها....التموينة الجاية هضيف علبة تنظيف دورة البنزين والرشاشات وربنا يسهل ومتحصلش تانى

**samirayad** · 20-02-2009 10:47 PM

المشاركة الأصلية كتبت بواسطة معتز

شكرا على المشاركات يا جماعة...النهاردة فكيت فلتر البنزين ونضفتة بالهواء والعملية تحسنت جدا والامور رجعت لمجاريها....التموينة الجاية هضيف علبة تنظيف دورة البنزين والرشاشات وربنا يسهل ومتحصلش تانى

أولا ...الحمد لله...ومبروك

ثانيا ...هل كان هناك مياه أو آثار لها بالفلتر.........