مرحبا ياجماعة بالبداية أنا اسف اذا كلامي رح يزعج حدا من الأعضاء وأنا من بداية الموضوع بعتذر سلفا اذا حدا انزعج من كلامي ياجماعة العربيات الصينية فاشلة وسيئة وبدرجة امتياز كام موديل بس شكلها حلو بس جودة مافي وهالشي عن تجربة بعض أصحابي أولا العربية بتعد سنة تحت بيتك روعة ومن غير مشاكل وبعدين تبدأ الأعطال وبتكمل معك اذا كان التوكيل سيء تاني شي تفتقر عوامل الامان الحقيقية مثلا الصاج سيء جدا ولايقاوم الصدمات وضرب عليه برجلك بينبعج واخبارات التصادم بتدل وبتبرهن على هالشي ورح برهن صحة كلامي شوف عربية صينية جيلي مثلا صارلها مستعملة سنة بتحس حالك شايف عربية موديل 1980 مكسرة وتعبانة تالت شي البلاستيك سيء متل الألعاب الصينية ولونه بروح مع مرور الوقت وخاصة التابلوه والفوانيس رابع شي بعض الموديلات سعرها مرتفع مثلا الشيري الغواصة يلي تقليد المرسيدس بسعرها عندنا بسوريا بتشتري ميتسوبيشي لانسر ex أوتويوتا كورولا أو هيونداي سوناتا يعني حدا بيشتري عربية صينية وبالسعر اللي رح يدفعه بيركب عربية يابانية? خامس شي محرك سيء وضعيف العزم وخاصة القدرة بالحصان البخاري يعني معقول عربية لاند ويند موديل 2006 محركها 2400 سي سي ويولد 107 حصان بخاري وبس? للأسف العربيات الصينية الصغيرة منتشرة لانها رخيصة وليس لجودتها اوشكلها يعني انا بصراحة موبايل صيني مابثق اشتري فكيف بشتري عربية صينية وانا اسف يمكن كنت قليل ذوق بكلامي بس هذا رأيي وانا بحترم رأي الجميع والسلام عليكم