سبورت باكيدج علي الجراند بونتو --- افيدونا يا خبراء الفيات

**triton** · 18-02-2009 01:31 PM

امبارح كنت في اومترا و لقيت عرض جميل جدا علي الجراند بونتو --- سبورت باكيدج نازله مجانا و في نفس الوقت سعر السياره بقي 100 الف للاوتوماتيك

انا سؤالي هو هل الجراند بونتو تسعفني في السفر لما تكون محمله 5 و هل موتورها ضعيف انا اصل اول مره اركب حاجه 1400
مسئول المبيعات في اومترا قاللي ان 77 حصان قدره الموتور دول صافي القدره مش قدره الموتور و ده معناه ان الموتور مش ضعيف بش حضراتكو عارفين كلام البياعين
:POINTI~2[2]:
انا عايز اعرف ايه نظام الموتور و في نفس الوقت ثباتها علي الطريق عامل ايه لاني ابتديت فعلا في اجرائات الشراء و كنت كحتار جدا بينها و بين الجين 2 بس موضوع السبورت باكيدج و نزول السعر غير رأيي اضف الي ذلك ان السياره اوروبي و اكيد اضمن علي المدي الطويل

افيدونا يا خبراء الفيات

**فادى** · 18-02-2009 02:34 PM

الموتور ال77 حصان مصمم للمدن أساسا, يعنى يدى تسارع عالى على السرعات المنخفضة للمحرك و اداء عصبى,
هيشيل 5 لأن عزمه مرتفع, هو هيشيل و يؤدى فى المطالع بشكل جيد يمكن أفضل من محركات كثيرة.
عيبه فى السفر حاجة واحدة, انو سرعته القصوى مش هتتعدى ال160-170 كلم/ساعة غالبا, و هتحس انو قوته بتقل و بيختنق مع السرعات العالية (فوق ال140 مثلا), و ممكن فى بعض الظروف توصل ل180.
لكن عموما المحرك مناسب لحجم العربية, لأن الجراند بونتو سوبر مينى فى حجم البولو و الابيزا.

انا سؤالي هو هل الجراند بونتو تسعفني في السفر لما تكون محمله 5 و هل موتورها ضعيف انا اصل اول مره اركب حاجه 1400

الموتور قوى على السرعات المنخفضة, و ضعيف على السرعات العالية.
التصميم ده بيدى للمحرك عمر افتراضى اعلى من المحركات الأخرى, و متعة اكبر فى القيادة.
فى السفر هتلاقى الأوضاع عادية, لكن مش هتقدر توصل لسرعات عالية للغاية, أو هتلاقى انو السرعات ديه صعب الوصول اليها.

بالنسبة للثبات فأنا اعتقد انو ثباتها جيد, فيات و السيارات الاوروبية عموما لديهم تاريخ جيد فى مسألة الثبات, و أفضل من الأسيويين و الأمريكان كتير فى موضوع الثبات و الامان.

**MomoMedo** · 18-02-2009 02:44 PM

هي السبورت باكدج دي فيها ايه زيادة عن الجراند العادية؟؟

**SmartMega** · 18-02-2009 03:00 PM

يا باشا دي من العربيات التحفة بس أنا هاقولك علي حاجة انا لسه مسافر الأسبوع اللي فات الأسماعيليه وكنا 5 أفراد في العربيه العربيه بصراحة كان أخرها 130 كم مع العلم اني جبت بيها قبل كده 150 مستريح وكنا 3 أفراد لاحظ ان العربيه موديل 2000 و 1242cc فإن شاء الله الجراند هاتعمل معاك 150 مستريح وأنت معاك 5 أفراد ده إن ماكنش أكتر إن شاء المولي عز وجل .. وألف مبروك مقدما ياباشا
أدعيلي أني أغير البونتو اللي معايا وأجيب جراند بإذن الله

**SmartMega** · 18-02-2009 03:06 PM

طب حضرتك ممكن تقولي الجراند بونتو المانيوال بتعمل كام

**Hacker5** · 18-02-2009 03:10 PM

جراند بونتو مانيوال تعمل 90.000 بس خلوها تصدى و موديلها يعدى
السعر العادل ليها 80 او 82 بالكتير

**t5555** · 18-02-2009 10:30 PM

انا عندى الاسبورت بكدج جايلة استعمال خارج لانى بتاع استعمال خارج air back وماتور 7غياروباسعار ممتازة للاستعلام 0120564842

**MomoMedo** · 18-02-2009 10:41 PM

انا عندى الاسبورت بكدج جايلة استعمال خارج لانى بتاع استعمال خارج air back وماتور 7غياروباسعار ممتازة للاستعلام 0120564842

ممكن اعرف العربية دي بأنهي موتور ؟ ال120 حصان؟

**SmartMega** · 19-02-2009 10:31 AM

هو الموتور ال 7 غيار ده حضرتك كام سي سي وكام حصان

**triton** · 19-02-2009 02:07 PM

انا بجد متشكر جدا لكل الناس اللي ردوا علي فعلا انت اجمل منتدي حصل

السبورت باكيدج شامله الجنوط السبور و الفوج لايتس و 2 فانوس داخلي و فرش قطيفه بس طبعا لو عايز السبورت باكيدك 2 هتدفع فرق 10 و دي شامله الفاميه الوراني و وويندوز موبايل و فويس كوماند و حركات

انا بصراحه كنت هموت علي الويندوز موبايل لاني كنت ناوي اظبط عليه برنامج جي بس اس بس للاسف مش هقدر

استاذ فادي شكر خاص ليك علي ردك المميز واستاذ ميجا يا رب يارب تغير عربيتك علي خير ان شاء الله

طب سؤال تاني هل ممكن اركب الويندوز موبايل بعد كده ولا مش هينفع
و هل العربيه ستب ترونيك يعني فيها مانيوال جنب الاوتوماتيك

الموضوع: سبورت باكيدج علي الجراند بونتو --- افيدونا يا خبراء الفيات

LinkBack

أدوات الموضوع

عرض

-

-

-

-

-

-

-

المواضيع المتشابهه

افيدونا يا خبراء الكولت

جد ركب جاك mp3 فى الجراند بونتو

الفيات الجراند بونتو ولا الجين تو

سعر الجراند بونتو

بيكانتو 2008 سبورت باكيدج

الكلمات الدلالية لهذا الموضوع

المفضلات

المفضلات

ضوابط المشاركة