الملصقات والسرعة القصوي

**sasatony** · 18-02-2009 04:26 PM

النهاردة وانا ماشي الصبح في وسط البلد عند سينما مترو
المهم الشارع كان واقف وفتح شوية فمشيت بسرعة بس مش السرعة الرهيبة والله لقيت عسكري وقفني وقالي الرخص قولتلو ليه قالي الباشا عاوزهم نزلت للباشا الي بيقول عليه كان عقيد لقيته بيقولي انت ماشي بسرعة وعملت امريكاني احلفله بالله ابدا يقولي انت المهم قالي اركن وتعالي ركنت وروحت لقيته ساحب الرخصيتين العربية ورخصتي وكاتب في الوصل سرعة قصوي وملصقات قولتلو اجيبهم منين طيب قالي من نيابة المرور الي انت تبعها قولتلو كام قالي معرفش
ياريت بالله عليكو حد يقولي اعمل ايه وهتبقي كام الغرامة
لان انا الي هدفعها من معايا ومحدش طبعا هيديني فلوس ولا قولت لحد في البيت عندي
انا تبع مرور القوات المسلحة الي هو بعد كوبري الفنجري
بالله عليكو حد يفيدني في الموضوع

**zeyad1810** · 18-02-2009 04:49 PM

طب هو مالقكش ادفع غرامة فورية ؟

**karimone** · 18-02-2009 05:43 PM

انا معرفش في القانون الجديد قتبقي كام... بس ماعتقدش انها هاتقل عن 200 جندي...

**sasatony** · 18-02-2009 07:17 PM

المشاركة الأصلية كتبت بواسطة zeyad1810

طب هو مالقكش ادفع غرامة فورية ؟

لا ياباشا انا روحت اركن علي جنب وجيت لقيته مجهز الوصل والله وبيضحك

**M_Nabil** · 18-02-2009 08:36 PM

طيب انت تلحق تروح تتصالح احسن، ليك ثلاثة ايام عمل من تاريخ الضبط تدفعهم اما لمأمورالضبط القضائي ( اللى هو الضابط تروحلة ادارة المرور اللى هو شغال فيها وتقوله عاوز اتصالح ممكن هو يحاول يشتغلك ويقولك لا يحبيبي انا باعت الرخص في النيابة خلاص طبعا تنح معه وقوله القانون سامح خلال ثلاثة ايام اني أتصالح طبقا للمادة 80 ) أو في حال ثاني تروح تدفعهم في ( أحد مكاتب هيئة البريد ) غير كدة لازم تروح النيابة وتدفع الحد الادنى للمخالفة لومتصلحتش.
السرعة في التصالح هتدفع 150 جنية وملصقات 50 جنية يعني الليلة كلاها 200 جنية
السرعة في النيابة هتدفع 300 جنية وملصقات 100 جنية يعني 400 جنية
وربنا معاك

**sasatony** · 18-02-2009 08:56 PM

المشاركة الأصلية كتبت بواسطة M_Nabil

طيب انت تلحق تروح تتصالح احسن، ليك ثلاثة ايام عمل من تاريخ الضبط تدفعهم اما لمأمورالضبط القضائي ( اللى هو الضابط تروحلة ادارة المرور اللى هو شغال فيها وتقوله عاوز اتصالح ممكن هو يحاول يشتغلك ويقولك لا يحبيبي انا باعت الرخص في النيابة خلاص طبعا تنح معه وقوله القانون سامح خلال ثلاثة ايام اني أتصالح طبقا للمادة 80 ) أو في حال ثاني تروح تدفعهم في ( أحد مكاتب هيئة البريد ) غير كدة لازم تروح النيابة وتدفع الحد الادنى للمخالفة لومتصلحتش.
السرعة في التصالح هتدفع 150 جنية وملصقات 50 جنية يعني الليلة كلاها 200 جنية
السرعة في النيابة هتدفع 300 جنية وملصقات 100 جنية يعني 400 جنية
وربنا معاك

شكرا اوي ياباشا وان شاء الله الي فيه الخير قدمه ربنا

**THETOP** · 18-02-2009 09:01 PM

حسبى الله ونعم الوكيل

**Fadi Ezzat** · 18-02-2009 09:07 PM

البلد دلوقتى محتاجة فلوس احزرو انكم تعملو اى حاجة كل الرتب دلوقتى نزلت الشوارع وبتلم فلوس

**dr_timo** · 19-02-2009 12:30 AM

ياعم ابقي خلي بالك بعد كدة يعني جاي فوسط البلد وبتسررع طيب عالصحراوي ولا الدائري ماشي لكن وسط البلد دة الواحد لما بيزود عن ستين بيحس انه هيلبس في اللي قدامه

-

الموضوع: الملصقات والسرعة القصوي

LinkBack

أدوات الموضوع

عرض

-

-

-

المواضيع المتشابهه

منين اجيب مقص (كتر بلوتر) لتقطيع الملصقات والاستيكرات

الملصقات الفسفورية

السرعة القصوي الاكثر ثباتا والسرعة المثاليه لاستهلاك الوقود

قانون الملصقات و المتعلقات

قانون الملصقات و المتعلقات

الكلمات الدلالية لهذا الموضوع

المفضلات

المفضلات

ضوابط المشاركة