الموضوع: نور الكشافات الاماميه للاكسل 97

الكتاوت relay هو وحدة بسيطة جدا عبارة عن مفتاح مغناطيسى، بمعنى انه مفتاح نور زى مفتاح النور اللى انت بتدوس عليه بإيدك لكن بدل ما انت تدوس بإيدك على المفتاح علشان ينور النور بيكون فيه مغناطيس كهربى بجورا مفتاح النور ده، لما المغناطيس يتوصل بالكهرباء يروح شادد المفتاح دة والنور ينور، وظيفته هى توصيل الكهرباء مباشرة من البطارية للنور بعيدا عن دوائر السيارة المعقدة، ويتم تصميم دائرة الكتاوت بحيث انك لما تشغل مفتاح النور اللى جوة العربية المفتاح مش بيشغل النور مباشرة لكن بيشغل الكتاوت ، وهذا يقوم بدوره بغلق الدائرة (يعنى توصيل الكهرباء) وتشغيل اضاءة السيارة

ثمن الكتاوت لا يتجاوز 30 جنيه ، وهتحتاج سلك فى حدود 5 جنيه ومصنعيات 15 -20 جيهن وهو حل ممتاز لتقوية الإضائة