راي عشاق البيجو في 605 و 604

**زهير فكري** · 18-02-2009 08:33 PM

السلام عليكم يا جماعه

كنت عايز آخد راي عشاق البيجو في موديلين يعتبروا من الموديلات القديمه نسبيا و هما 604 و 605 لماذا لم يلقوا نجاحا في الاسواق ؟ هل هي عيوب تصميم ؟ عيوب في الشكل الظاهري ؟ ام ماذا ؟ يا ريت تشاركونا برأيكم .

**the-hero** · 19-02-2009 01:50 PM

بالنسبة لل 604 فديه عربيه قديمة ونادرة فى مصر وكمان ال 504 غطت عليها هي وال 505
أما ال 605 فهيا عربيه فخمة جدا جدا وبرستيجها على اوى موجوده فى مصر أينعم مش كتير بس عدد كويس برضة مش نادرة ولغلو موديلاتها وقطع غيارها فال 405 شبيها ليها وأكلت منها الجوا برضه هى وال 406

**زهير فكري** · 20-02-2009 10:23 AM

المشاركة الأصلية كتبت بواسطة the-hero

بالنسبة لل 604 فديه عربيه قديمة ونادرة فى مصر وكمان ال 504 غطت عليها هي وال 505
أما ال 605 فهيا عربيه فخمة جدا جدا وبرستيجها على اوى موجوده فى مصر أينعم مش كتير بس عدد كويس برضة مش نادرة ولغلو موديلاتها وقطع غيارها فال 405 شبيها ليها وأكلت منها الجوا برضه هى وال 406

اتفق معك يا هيرو فانا شايف ان 604 مستوحاه من 504 بس شكلها ظلمها و 605 به مميزات تكنولوجيه عديده و سياره فخمه فعلا .

**Nour_Peugeot** · 20-02-2009 09:52 PM

البيجو 605 عربيه فعلا قمه الفخامه و الجوده في التقفيل و الموتور بتاعه كويس جدا و الصالون خرافه واسع بشكل غير طبيعي و هي فيها قطع غيار شبيها ب ال 405

و ليها هيبه جامده جدا في الشرطه و الجيش

**nabaster** · 20-02-2009 10:58 PM

المشاركة الأصلية كتبت بواسطة ZOZODERAZ

اتفق معك يا هيرو فانا شايف ان 604 مستوحاه من 504 بس شكلها ظلمها و 605 به مميزات تكنولوجيه عديده و سياره فخمه فعلا .

بصراحه الشكل فعلا كان عامل اساسي في ان ال 604 ملهاش وجود تقريبا في مصر ونادرا اما بشوف عربيه زيها وبيبقي كمان معدل الوش كله بشبكة وفوانيس ال 505

المشاركة الأصلية كتبت بواسطة Nour_Peugeot

البيجو 605 عربيه فعلا قمه الفخامه و الجوده في التقفيل و الموتور بتاعه كويس جدا و الصالون خرافه واسع بشكل غير طبيعي و هي فيها قطع غيار شبيها ب ال 405

و ليها هيبه جامده جدا في الشرطه و الجيش

العربيه دي انا ركبتها مره واحده في حياتي وبصراحه انا فضلت اطلع الكرسي لقدام اكتر من تلات مرات علشان اطول الدوسات بس والله انا مش قصير اوي انا 171 العربيه هيا الي كبيره

المهم انا اديت وسع الي ورايا انه مش يقعد بس لا انه كمان ممكن ينام ويتغطي :POINTI~2[2]:

بصراحه العربيه اقل ما يقال انها روعه

**Mahmoud_405** · 30-08-2009 03:18 AM

high equipment levels, a luxurious interior, a smooth ride, and exceptional handling were strong points for the 605. But peugeot has always struggled to succeed with large cars outside france, and the 605 was no different. It was too similar in design and appearance to the smaller peugeot 405 to command a price premium, while its dashboard also drew criticism for its uninspired design.

الكلام ده من ويكيبديا ومعناه ان الصالون واسع والعربيه ناعمه جدا وثبات منقطع النظير بس بيقول ان بيجو بتواجه مشاكل في بيع العربيات الفخمه بره فرنسا و برده ال 607 مش منتشره قوي. و 605 شبه ال 405 بس اغلي بكتير فكده ال 405 غطت عليه وكمان يعبها طابلوها شكله مايلئشي بالفئه بتاعتها