الموضوع: بتقسط ليه

الواضح انك قليل التجربه او صغير السن ومعتقد ان الدنيا كلها هزار انما الكلام ده علشان اللي مر بالتجربه يفييد الاخروبرضه راح اوضح لك.....التاجر لما بيروح يشتري كمية من السلعة لازم ياخذ كل الالوان مينفعش يختار الوان معينه وغالبا بيبقي فيه لون غير مرغوب فيه فبيتباع بسعر اقل اوتقسيط اما اذا كان جهاز وحصل فيه عطل فبيتصلح وهو ده بتاع التقسيط...اما اذا كان التاجر راح يستعمله لنفسه سواء سيارة اوجهاز اوملابس فهو ده بتاع التقسيط يعني مش ناقص ايد ولارجل

هو عشان انا هزرت معاك ابقى قليل التجربه او صغير السن
انسى حوار عضو جديد و فعال و الكلام دا
اول حاجة انا واحد من اقدم الناس اللى هنا من ايام ما كنا بنكتب على contactcars و ركبت عربيات كتير من اول المازدا ال323 موديل 81 لغاية الاسترا 2007
تانى حاجة احنا بنتكلم فالعربيات تحديدا مش اجهزة و لا ملابس
هو انا النهاردة لو رايح اشترى بالقسط الراجل هايجبرنى على لون معين او كماليات معينة؟ . لا طبعا.
انا حر طبعا.فى الاخر البنك بيدفعلوا فلوسوه كاش و انا بادفع القسط للبنك.وصلت؟

المشاركة الأصلية كتبت بواسطة MMamdouh

مهو دة فى مقابل انك صحيت الصبح لقيت نفسك راكب عربية انت مش داغع فلوسها من جيبك و حتسدد المبلغ على دفعات تمتد الى 5 سنين... كل شىء و له تمنة



ما انت لو اشتريتها كاش و بعتها حتخسر فيها برضة يبقى هى هى... صحيح حتخسر اكتر فى العربية القسط بس الخسارة الزيادة جت لانك ركبت العربية 5 سنوات قبل ما يبقى معاك تمنها


يعنى مش حتحس بطعم العربية و انت راكبها و بتقضى بيها مشاويرك و اترحمت من بهدلة المواصلات او سرفة التكسجية؟؟

و حتحس بطعمها لما تتبهدل 5 سنين و انت بتحوش فى تمنها على امل اليوم اللى يبقى معاك فلوس تشترى بيها عربية؟؟

و انت كدة كدة حتستقطع مبلغ كل شهر اما للقسط و اما للتحويش... الفرق انك فى القسط بتستقطع بعد ما اشتريت العربية مش قبل




الركوبة الزيرو حاجة تانية خالص غير المستعمل... و متفتكرش انك حتوفر ال 900 جنية كلهم... العربية المستعملة ليها مصاريفها برضة و اكيد انت مجرب



طيب حيبقى معاك تمن العربية الجديدة ازاى من غير ما تستقطع مبلغ كل شهر؟؟؟؟؟

MMamdouh

والله كلام حضرتك مقنع بس في حاجة .
انا لما اجيب عربية كاش ب 67000 مثلا واخسر فيها 15000 بعد 3 سنين غير لما اجيبها قسط وتقف عليا ب 85000 ولما ابيعها اخسر فيها 35000 صح ولا اية .
لكن لو انا مش معايا فلوسها كاش لو جبت مستعمل نضيف
1 - مش هتخسر كتير في اعادة البيع
2 - عمرها ما هتصرف زي القسط ابداً يعني عمري ما هجيب مثلا اوبل كورسا واصرف عليها كل شهر 1000 جنية ولو صرفت شهر هتوفر باقي الشهور .
3 - هتبقى العربية بأسمي وانا حر فيها ولو جالي فلوس بعد سنة وحبيت اغير هبيع براحتي و أغير ومش هدخل في قصص بنوك وفوايد و أقساط .

يغور القسط وارفه يكفى ان الواحد يبقى شايل هم ميعاد القسط ده