أنا كان معايا نوبيرا لاما كنت بادور العربيه بيبقي الماتور ثابت مش بيهز العربيه أنما أنا دلوقتي معايا أوبل فيكترا 2001 بدور بحس أن العربيه فيها فيبريشن بتتهز الماتور بيرجرج العربيه في الصلانصيه كل الاوبل كده ولا أيه
عرض للطباعة
أنا كان معايا نوبيرا لاما كنت بادور العربيه بيبقي الماتور ثابت مش بيهز العربيه أنما أنا دلوقتي معايا أوبل فيكترا 2001 بدور بحس أن العربيه فيها فيبريشن بتتهز الماتور بيرجرج العربيه في الصلانصيه كل الاوبل كده ولا أيه
نفس المشكلة عندي..يا ريت حد يفهمنا ده إيه.أنا عربيتي فيكترا 97 لما أدورها العربية تترج جامد في الدوارة و بعد ما تدور الدريكسيون يرعش جامد و العربية تترعش كده.لما أمشي الرعشة تروح..مش فاهم ده إيه؟؟؟؟؟؟؟؟؟؟؟؟؟؟
ممكن يكون الـ Idle Controller وده اللي بيسموه حساس السلانسيه.. فيه حاجة..
ممكن يكون بيودع و محتاج يتغير.. او علي الاقل محتاج تنضيف بس..
تسلم يا حبيبي ربنا يخليك..
ادينا بنتعلم منكم والله..
ممكن يكون قواعد المتور بردة بس على السرعات العلية اة اخبار الدركسيون بيرعش وللا شوف وقلى
لو انت على السلانسيه العربيه كلها بترعش يعنى حاسس ان الموتور مزمد فى جسم العربيه واما بتلمس البنزين بتروح
ولو زودت شويه تانى تحس بخشونه كده فى رجلك وفى الدريكسيون يبقى طقم قواعد موتور
و لاحظ بقولك طقم يعنى غير كله مع بعضه لان كله هايقولك قاعده فتيس خلفيه بس
بص قواعد المتور فى الفكترا كالاتى فى ثلاث قواعد وشداد واحد
يعنى ممكن نقول اربعة وحدة قدام عند الفتيس ووحدة على الجنب الشمال اوى لو كسرت جامد يمين وبصيت تحت العجل هتلقيهاء والثلثة على الجنب اليمين تحت البطرية شوية وطبعا الشداد اول العربية خالص من نحيت الشمال بص لو لقيت فراغ ما بين القواعد يبقا عيزة تتغير وربنا معاك عشان بتاخد وقت فى الفك والتركيب بس بتحس فرق كبير بعد التغير
يعني الفيلم ده هايتكلف كام واروح لمين في ناس كويسه في الاسكندريه
هيتكلف حوالى 650 جنيه و عرفش حد فى اسكندريه
من غير تفكير المشكلة دي سببها قواعد الموتور
اكشف عليها وغالباً هاتحتاج تغيير ..بس بعد ماتغيرها هاتلاقي الوضع حاجة تانية خالص..وابقى طمنا
والله يا باشا انا كنت اسمع من اخوة معانا هنا اسكندرانية عن واحد في طريق المطار.. و كان شغال فترة طويلة ف التوكيل.. بس للأسف مش عارف مكانه بالظبط..
و اخيرا عرفت اوصل للوصفه بتاعته.. بس للأسف مش عارف اسمه لسة..
و لو عايز اي حاجة.. ممكن تبعت للأخ الفاضل احمد كفراوي و تسأله علي التفاصيل..
و الراجل ما شاء الله عليه قمة ف الادب و التعاون و الذوق.. و هيساعدك باذن الله..
أسمحولى برضه أن أضيف للأخ السائل...........................-ياريت برضه الأول تطمن على حالة البوجيهات وحالة الفلاتر(وخصوصا فلتر البنزين)....................-أيضا أطمن على أنه لايوجد تسريب الى مانيفولد دخول الهواء بالاطمئنان على جوان الأيدل كنترولر....وأحكام رباط القفزان بتاعة الخرطوم الواصل من فلتر الهواء الى أول المانيفولد.....وكمان حالة الخرطوم اللى مربوط عليه القفزان دى مهمه للغايه(يعنى ميكونش فيه شقوق أو تلف )
أشكرك أخى العزيز أحمد بك علاوى......على ذوقك الى مش غريب عليك بالفعل.......ومساء الفل ياريس.......وبرضه مفيش توقيع دلوقتى.......:satelite:
يا أخى أحنا كلنا أخوات ....والهدف الأساس أن ندرك بعض بالأفكار اللى بتحتمل الصواب......ويجب أن لايبخل أى أنسان مؤمن فى تقديم يد العون لأخيه المؤمن......يمكن يكون كلامه وتحليله بمثابه توفير لأخيه اللى طالب العون...(ماديا ومعنويا)..............:ask:
طيب لو عايز ايدل كنترول عشان الفيبرشن اللى عندى فى العربية مارحش بعد ما كنت مغير قواعد الموتور لدرجة انى اقتنعت ان الفيكترا لو ما اترجتش تبقى بايظة يعمل كام و منين و انضفة ازاى قبل ما اغيرة عشان اتأكد انه تعيش انت يا حاج
والله يا باشا في عربيتي انا.. هو تحت العمة اللي فوق الرشاش كده علي طول..
و بيتفك ب alan key اللي بيسموه الانكيه.. و بيتنضف بال WD40 و بيتهيألي ممكن تنضفه وهو راكب..
بس مش عارف بقي مكانه عندك في نفس الوصف ولا مختلف..
انا معايا فيكترا 2000 سى سى
الأيديال يا أحمد باشا اللى هو ورا المانفو و لا ده التى بى اس
و لا اللى عندى عبارة عن اسطوانة دائرية طالع منها خرطوم و داخل فيها خرطوم و فيشة و متوصلة بالمانفو و هدور على صورته و ابعتها
http://www.postimage.org/Pq2KnMmi.jpg
بص محدش يضحك ده مش موتورى دى صورة لاقتيها على النت هو المدور اللى فوق ده لونه فضى ايه
http://www.postimage.org/Pq2KoOd0.jpg
الايدل كنترول في الفكترا تحت العمة مباشره
عباره عن فبرة سودا كدا زي المسدس
والصوره اهيه
http://img156.imageshack.us/img156/2945/opel02.jpg
بس انا عربيتي 1600 سي سي... وبيتهيألي مفيش فرق فالمكان بينه وبين المكنه ال 2000 :satelite::satelite:
والله عندى مش موجوده قدام هى ورا عند بوابه المانفو بس اللى بأسأل عليه الحاجات اللى معلم عليها فى الصورة دى ايه طالع منها خراطيم و فيش و بلاوى
Bosch Idle Control Valve
http://www.postimage.org/aV2vuerr.jpg
ده شبة اللى عندى قوى
ده يتنضف و لا يتصلح و لا يتغير بكام
ده واحد من اربع انواع فى الفكترا
والتانى زى بتاع احمد علاوى
والتالت فى الفكترا B 2000 20nej اسود وعلى البوابه من فوق
والرابع فى فكترا B 2000 C20sel و ده بيبقلى جنب البوابه
طيب يا باشا ده بيضبط السلانسية بتاع العربية و بتكلف كام استيراد
بيتهيألي والله اعلم.. انه الجديد مش غالي اصلا..
انا اللي بيركب في عربيتي كنت شاريه ب 200 جنيه تقريبا جديد..