Cover للميجان الهاتشباك

**akmal_hamdi** · 19-02-2009 10:31 PM

مصطفى فاروق مدخلش يا هانى عارف ان الكلام عليه وانت عارفو بيشبط فى اى حاجه ماعش اعذروا علشان حالته النفسيه تعبانه من الزمالك بس امبارح كان كويس علشان داخل المنطقه الدافئه فى المركز العاشر

**chato_eg** · 20-02-2009 12:22 AM

أنا ضحكت لكنى بصراحة مش فاهم حاجة من اللى قولته على مصطفى
أصلى ماليش فى الكورة خالص
لكن على كل مصطفى حبيبنا و احنا هانكسب فيه ثواب و نبيعه العربية "التعبانة " على رأى أحمد عبد المقصود
أوعى عصابة أوبل تكون زعلانة..احنا و الله بنحب نهزر مع مصطفى بس هو هزارنا تقيل معاه حبتين.....فى آخر مرة اتقابلنا مصطفى كلم أحمد عبد المقصود فى التليفون بيسأله احنا قاعدين فين...قام أحمد قايله انت مين ؟؟؟.....و مصطفى مين..؟؟...أنا كنت قاعد جنبه و مش عارف طبعا إنه مصطفى لكن لما قاله "آآه صاحب العربية التعبانة دى " موت على نفسى من الضحك...
طبعا هى مش تعبانة و لا حاجة بس هو مصطفى لازم نقوم معاه بالواجب....
و على كل أنا عملت لأوبل كورسا السيدان غطاء كان مظهره حلو ( لونه أصفر و عليه اللوجو من الأمام و الخلف باللون الأسود و كانت له سوستة واحدة و كان فيه خياطات بارزة بالأسود...و كان شكله تحفة )..كنت عامله لصديق عزيز عليا جدا كهدية زواجه و والدته مارضيتش الغطاء يتحط على العربية لإن شكله كان ملفت أوى و فى توقيت جواز صاحبى كمان لكن بعد كام شهر اضطروا يجيبوا غطاء فطبعا بدل ما يشتروا واحد حطوا إللى أنا عملته...
بس بينى و بين الوحوش....لا يقارن إطلاقا بما يحمله غطاء الميجان الأخير من إمكانيات و أفكار جديدة.....
سيارة تستحق الاحترام و تستحق الوحوش

**tamer_samy** · 20-02-2009 10:37 AM

هاني باشا اف مبروك علي الغطاء
تصميم رائع احييك علي التصميم و الدماغ الجميله
ادي العيش لخبازه حتي لو اكل نصه
بالهنا و الشفا يا فناااااااااان
و دايما الوحوش في تقدم

**chato_eg** · 20-02-2009 10:38 AM

أشكرك على كلامك الجميل يا أستاذ تامر

**tamer_samy** · 20-02-2009 11:05 AM

لا شكر علي واجب
و بعدين دا واقع احنا لامسينه و شايفينه

**عمرو عمارة** · 22-02-2009 11:14 AM

جميل ما شاء الله يا هاني.....أنا كنت بادور على النوعية دي من زماااااااان عشان عربيتي الجميلة بالطعها بالتسع ساعات في المطار تاخد Sun Tane :k52:

هل ممكن يبقى فيه للكليو؟؟؟؟؟؟:K_crying[1]::K_crying[1]:

**ecybrarian** · 22-02-2009 11:48 AM

10/10
بس مش يبقى افضل موقع لفتحة التهوية يكون من فوق لأن الهوا السخن بيطلع لفوق طبيعي!!!

**chato_eg** · 22-02-2009 07:40 PM

المشاركة الأصلية كتبت بواسطة ecybrarian

10/10
بس مش يبقى افضل موقع لفتحة التهوية يكون من فوق لأن الهوا السخن بيطلع لفوق طبيعي!!!

الهواء الساخن يتحرك من داخل الغطاء المحكم عندما يقابل أول فتحة يخرج منها و خصوصا لو هى موجودة مباشرة أمام مصدر الهواء الساخن.....
بالإضافة إلى أنه عنصر تصميمى يتبع خطوط تصميم مقدمة السيارة.....
لو اتعملت فتحات فوق السقف ستكون صغيرة و ليست ذات أى طابع جمالى

**chato_eg** · 22-02-2009 07:49 PM

المشاركة الأصلية كتبت بواسطة عمرو عمارة

جميل ما شاء الله يا هاني.....أنا كنت بادور على النوعية دي من زماااااااان عشان عربيتي الجميلة بالطعها بالتسع ساعات في المطار تاخد Sun Tane :k52:

هل ممكن يبقى فيه للكليو؟؟؟؟؟؟:K_crying[1]::K_crying[1]:

طبعا يا عمرو فيه....و لو مافيش نعمله مخصوص....
بس هو مش نفس التصميم زى بتاعى
هو الخامة المعتادة لكافة الأغطية بتاعت الشركة و هو على نفس مقاس العربية بالظبط...وله حزام أمان من الداخل علشان مايتسرقش و علشان الرياح الشديدة... وله أساتك من الأسفل لضمان إحكامه على العربية بالإضافة إلى لوجو رينو المطبوع على الزجاج الأمامىو سوستة عند باب السائق

لكن لا يوجد فتحة التهوية الأمامية و لا إمكانية فتح الأبواب كلها و الشنطة و هو على العربية

بالمناسبة هو بيبقى خفيف جدا لا يزيد عن 3 كيلو بأى حال....و من السهل غسيله فى غسالة البيت و بيجى فى حقيبة من خامة قوية و شكلها محترم جدا مطبوعة باللوجو

**chato_eg** · 23-02-2009 06:09 PM

بعد استخدام بسيط للغطاء أحب أوضح بعض الملاحظات عليه
و إن كان الوزن ليس أثقل بكثير مما كان متوقع
لكن الحجم تضخم بشكل مفزع صراحة
لو شايله بأكون حاسس إنى شايل كرتونة تليفيزيون 100 بوصة بس مليانة فوم
يعنى مش تقيل جدا لكن كبير جدا
واخد مكان معتبر من الشنطة
الوزن الأثقل أكسبه ميزة الثبات الأعلى أثناء الفرد و التلبيس مقارنة بالخامة الأولى لكن بشكل عام أصبح أقل ليونة بكثير

الجزء الخاص بالتهوية ضعيف حبتين لإنه معمول من قماش شبكى خفيف..لكن الحمد لله مش سهل يتقطع نظرا لعدم وجود أجزاء معدنية أو حادة على السيارة... و بفرض إنه اتقطع فده لا يمثل مشكلة فى الأداء الوظيفى للغطاء و لا منظرا جماليا مشوها لأنه محمى بطبقة أخرى من الخامة الخارجية للغطاء

حتى الآن أختى مش عايزه تستعمله... مش عارف ليه رافضة...و لسه ما جربتش أغسله....
سوف أبقيكم على إطلاع بالمستجدات

الموضوع: Cover للميجان الهاتشباك

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

cover للدركسيون

cover التابلوه

cover يدعصاية الفتيس

Cover, Headphone for IPhone

Farsh we Cover for Civic

الكلمات الدلالية لهذا الموضوع

المفضلات

المفضلات

ضوابط المشاركة