الموضوع: الحقو الاوبل يا عصابه

الموضوع موجود يابوحميد

بس أنا فى حاجة عاوز أقولها للأخ فينوس

الموضوع مش مستاهل......واحد و قال رأيه....و ياما ناس بتقول حاجات هى مش على دراية كاملة بيها.......و قد يكون صحيح برضه.........بس مش معنى كده أن العربية كلها وحشة.....يمكن الراجل جه حظه فى عربية فيها عيب صناعة.....حاجة واردة طبعاً.

و عندك أنا أهو يا سيدى....ياما سمعت كلام عن الميجان أشى الكارت بيملح والعربية بتهنج والكاوتش بيتعمله سيت أب و حاجات مضحكة كتير.......و ناس معتبرة العربية كائن فضائى جاى من زحل.....و علاوى كان شاهد على بعض الحاجات دى.

كبر دماغك يا باشا

المشاركة الأصلية كتبت بواسطة tamertamer

بصراحة ياستاز احمد انا لية واحد صحبى معاة 2 سى فور 2 ميجان هتش باك ووحدة بيكسو ووحدة بيجو 307 استيشن طالع عين اهلة فى الفرنساوى دة سدقنى بيكلم نفسة والله عربيات عالية جدا لكن بتوظ بسرعة غريبة وكل حاجة بتنور لما حاجة بتبوظ غير كدة فى حجات مش موجودة فى التوكيل ومحلات الستيراد ياخرابى على السعار حرام بصراحة بس الصراحة تتقال انا بحب البيكسو دية جدا ولو سعرها رخيص شوية كنت بردة هشتريها اعدتها اكنى اعد على الكنبة بظبط افضل فى الراحة من البى ام والمرسيدس رائعة عائلية وجميلة وسواقة مريحة بس غلية اوى بس الصراحة قطع الغيار الفرنساوى صعبة جدا غير بصراحة فى فى الميجان حاجة تموت من الضحك اولا اول مرة اشوف عربية تعدى من قدام وانت من وراء تشيل الكسدام عشان هى من وراء اعرد عشان الكسدام بزمتك دة تصميم ناجح جة صحبى يعدى من باب المظرعة بعد معدة من ادام الكسدام بيباى ومرة بتعدى جنبة لانسر عدت من قدام وخدت معاها الكسدام على العموم كل عربية بيها عيوب بس قطع الغيار مصيبة بجميع المقيس وربنا يكون فى عونة بقالة سنتين بيتعزب حرام بيصعب علية والله

أعذرنى أنا مش فاهم كل الكلام بس هحاول أرد على قد ما أقدر

أسعار قطع الغيار فى منها رخيص و فى منها غالى يا باشا يعنى حاجات و حاجات.

وبعدين لو صاحبك بيصلح فى التوكيل يبقى أكيد لازم تلاقى الأسعار عالية...........قارنها بأسعار الفيكترا فى التوكيل.....و الأسترا كمان
حساس كامة فى الميجان كان ب 500 وشوية و فى أسترا الجديدة ب 540 تقريباً......الكلام ده فى التوكيل.

و بعدين موضوع عربية أعرض ورا من قدام دى غريبة شويتين......مش ممكن صاحبك وهو داخل من باب المزرعة كان لافف الدركسيون شوية ؟؟؟