معاك برضه الأفيو 5 زي ما عضو تفضل و قال .
و أرشحلك السيريون أو البونتو .
عرض للطباعة
معاك برضه الأفيو 5 زي ما عضو تفضل و قال .
و أرشحلك السيريون أو البونتو .
انا من رايىء السيريون يابانيه 100*100 دايهاتسو معروفه طول عمرها بالعتماديه والتحمل والعمر الطويل لمحركاتها وكماليات مش موجوده فى السعر ده واقتصاديه فى استهلاك البنزين بصوره فظيعه
بالنسبه للموتور 1000 ماعتقدش انه هياثر معاك اوى معظم استخدامك داخل المدينه وهيسد معاك فى السفر برضه دى دايهاتسو مش تاتا وبص مثلا على التويوتا طول عمرها بتنزل الكورولا والياريس 1300 ومفيش مشكله ان الموتوربيتقل العربيه ...توكل على الله
ياجماعة فى حاجة تانية أحب أن أضيفها أسعار قطع غيار السريون أغلى بدرجة كبيرة عن مثيلتها بالبونتو بالرغم أن قطع غيارالسريون معمرة الا أننى غير واثق الأن أى من السيارتين أفضل من الناحية الأقتصادية مع خالص تحياتى
في فئة السعر دي انا أختار جيتز
سيريون طبعا
السيارات محل المقارنة يوجد فروقات واضحة ما بينهم من عدة نواحى ( بلد المنشأ...مصاريف التشغيل...أحجام المواتير..)
لازم تدرس إللى تناسب احتياجاتك....
الجيتز أكبر موتور و بالتالى أعلى فى استهلاك البنزين ...خاماتها مش بجودة السيريون لكن قطع غيارها أرخص من السيريون
السيريون علشان تبقى عارف....هى 1000 سى سى و 3 سلندر مش 4 ...أقل استهلاكا للبنزين لكن قطع غيارها مش رخيصة....تغيير البوجيهات سمعت إنه بمئات الجنيهات مش عشرات...و الباب ثمنه يتجاوز ال 3000 آلاف جنيه...راجع التوكيل و قسم الدايهاتسو لمعلومات أوسع و أدق....بلا شكل هى الأفضل فى الخامات و أيضا المساحة الداخلية للصالون كبيرة...
البونتو كلاسيك ...أنا مرة أسمع إنها تركى و مرة أسمع إنها صينى...و لم أرها كثيرا بالشوارع...توكيلها "Omatra " لسه جديد لم يكون سمعة موثوق بها سواءا كانت جيدة أم لا...لكن لا أعتقد إنها معقدة لدرجة إنها تحتاج إلى رعاية خاصة و واجبة من التوكيل...انتشارها المحدود قد لا يعطيها سعر إعادة بيع عالى نسبيا مثل سيارات هيونداى
فلازم ترتب أولوياتك و تشوف على الطبيعة الثلاثة و بتأنى و بالتوفيق
السلام عليكم ورحمه الله
اخىالكريم
مع احترامى لكل اللى اتكلمه عن الجيتز فهما اتكلموا بدون تجربه(ورأيهم يحترم طبعا)
انا عن نفسى منحاز للجيتز جدا لتجربتى الشخصيه
العربيه ماتورها DOHC16V
نفس ماتور الماتركس والالنترا القديم
وده معناه 105 حصان واداء عالى للمناوره و سحب ممتاز و كمان تكييف ممتاز
ومعرفش ليه الناس شايفه ان الماتور بالحجم ده عيب عليها !
ثباتها كويس جدا بعكس الناس ما بتقول
عاليه عن الارض و ماتحكش فى اى مطب
قطع غيارها تعتبر الارخص و الاوفر (اكيد)
الموديل اللى معاه فتحه سقف قمه فى الشياكه جوه وبره
كماليتها اكتر
وانصحك طبعا اول شىء صلاه الاستخاره
وبعدين اتفرج على التلات عربيات بنفسك و حدد اولوياتك وميزانيتك وقرر
اهم شئ تكون انت مقتع بالعربيه
وان شاء الله ربنا يوفقك للخير
احب حضرتك (وحضراتكم كلكم )تشرفونى بزياره تقريرى المصور عن الجيتز وتضيفوا تعليقاتكم ومقترحاتكم اللى تسعدنى جدا
http://www.nilemotors.net/Nile/showthread.php?t=69098
انا مبدئيا لو هشترى هشييييييييييييييييييييييي ييييييييييييييييييييييل البونتو من الموضوع. ده موتورها اضعف من السيريون ال 1000cc و كمان تسارعه اقل او زيها.
و المقارنة هتبقى بين الجيتز و السيريون.. و انا شايف اللى بيحب الجرى و عايز موتور يريحه اوى حتى مع التحميل و التكييف يجيب جيتز (((اسرع عربية 1600cc غير مشحنة فى مصر :biggrin2: ))) بجد موتورها جبااااااااااااااااااااااا اااااار و كمان من جوا حلوه و شيك و ثباتها اعتقد هيكون كويس (بدون تجربة).
اما السيريون فهى جميله جدااااااااا بدون كلام,, لكن المشكلة الوحيدة هتكون فى استجابة الموتور مع التحميل.. انا معايا i10 موتورها 1100cc و اعتقد السيريون هتبقى مقاربة لها فى الأداء و بصراحه لو زيها تبقى كويسه جدااااا لان ال i10 بتسحب حلو جدااااا و بتجيب ال 100 كم/س مع التكييف عادى لكن مع التحميل(full load) و التكييف معرفش ايه نظامها.
لكن السيريون قعدتها من جوا محترمة جدااااااااااا.
و ربنا يوفقك فى الاختيار
متشكر يا جماعة جدا علي ردودكم وأسف جدا علي التأخير. أنا للأسف إستفريت علي بولو 2001 نظرأ للظروف المالية .
ياريت لو فيه حد عندو بولو 2001 للبيع بشرط الحالة الممتازة وتكون عاملة كم قليل ؟
وجازاكم الله خيرا ..