الموضوع: استطلاع: سيريون 1.0 أم بونتو كلاسيك أم جيتز

التانك بتاع السريون 1000 اللى أعرفو أنه 29 لتر بس زى الشاريد 1000 وحتى لو مش كده لو مونت 29 لتر ب 92 هيبقى حوالى 54 جنيه وحتى لو كده 29 لتر يمشيك حوالى 600 كم

أنت بتتكلم فب توفير البنزين ...... يبقى الجيتز ملهاش لزمة بما أنك أستخدامك كله داخل البلد .

الأفضل هنا في أستخدام البنزين هي السيريون ذات الثلاثة سلندرات .
و لكن يعيبها عيب فظيع .
لو مركب ناس معاك في العربية ..... السحب هايموت .

و البونتو هنا أفضل كثير لأنها موفرة بطريقة بشعة في البنزين و أقوى قليلا من السيريون
يبقى أنت مشكت العصايا من النص
بونتو اللي ممكن تصلحها عند أي ميكانيكي و قطع غيارها ببلاش .
و على فكرة العربية مش جديدة و مين اللي بيقول أن العربية مش منتشرة ؟؟؟؟؟؟؟؟
العربية دي موجودة من التسعينيات و لكن الشكل الجديد أبتدى يتغير مع الموتور من سنة 2000 و سنة 2007
إنما الموتور واحد
لذلك هاتركب عربية موتورها موجود من زمان و بالتالي قطع غيارها مرطرطة في السوق .
العربية لهواة أسماء بلاد المنشأ ....... أيطالي و لا يتم تجميع البونتو في أيد بلد خاج أيطاليا و لو أن أنا شايف أن دي مش ميزة أو عيب أن العربية تطلع أيطالي أو ياباني !!!!!!!!!!!!!!!!!!!!

هو أنا بشتري عربية ........ و لا بلد منشأ ؟؟؟؟

المهم البونتو هي الخيار الوسط .
قوة متوسطة ما بين الجيتز و السيريون .
توفير بنزين يكاد يصل لتوفير السيريون و بتعمل فوق 17 كم لكل لتر بنزين .
توفر قطع غيار ........ و رخيصة
أمثلة :
تيل فرامل 60 جنيه ..... طقم أسطوانة الدبرياج 450 أو 500 جنيه .
سير الكاتينة ب 60 جنيه لو أشتريت من خارج التوكيل أو المراكز المعتمدة
.... و الطقم كله بيتغير في مركز صيانة النيل الهندسية ب 170 جنيه
الحاجة الوحيدة فيها اللي غالية هي الكمبيوتر أو ECU
و ده ثمنه حوالي 1700 جنيه ......... و ده مش من الحاجات اللي بتبوظ ........ بس برضه أنا قلت أقول على ثمنه علشان أنقل الصورة مظبوط .
فانوس أمامي للشكل لغاية 2006 بيعمل 200 خارج التوكيل و صناعة تايواني و في منه تركي بيعمل 250 و الأيطالي الأصلي بيعمل 700 جنيه .
العربية ثابتة جدا لغاية 130 كم -س ما تشعرش بأي حاجة . و أثبت من الجيتز .

طبقا لكلامك يعني أستخدام داخل البلد .... في زحام مستمر .
لا يمكن تضع سيارة 1600 في المقارنة .... و الجيتز ملهاش رجل في المقارنة دي للسبب ده .

يبقى تفكر جديا في حاجة من الموفرين للبنزين
و البونتو في نص الأختيار علشان المميزات اللي أنا شرحتها عليها .
و الله الموفق إن شاء الله .

البونتو صحيح بتشتغل ببنزين 90 و مش بتسقف ......... و المفضل بنزين 92

السيريون نسبة أنضغاطها أعلى و الكتالوج بتاعها بيقول محتاجه بنزين 95 .
و بالتالي لو مش بتستخدم بنزين 95 ....... عمر الموتور هايقل ....... و التسقيف هايزيد ..... و السحب طبعا هايقل و أحتمال يزيد إستهلاك البنزين قليلا .

و دي نقطة تاني لصلح البونتو .

اعادة البيع
أفضل كثيرا من السيريون .

أنا آسف أفتكرتها بعد ما أرسلت الرد الأول

تصحيح لمعلومة قلتها غلط
البونت الشكل القديم وقف إنتاجها سنة 2003
و بعدين قدموها تاني سنة 2007 تحت أسم بونتو كلاسيك و تم تغيير الشكل الأمامي فقط لا غير .
المحرك هو هو .
الكابينة من الداخل هي هي .

ده الشكل القديم اللي هو أحلى شكل نزل ليها


و دي البونتو كلاسيك اللي غيروه فيها الفوانيس .

المشاركة الأصلية كتبت بواسطة Relentless_mayhem

طب يا أستاذ توت ...

حضرتك الECU ده بتاع إيه ولا لزمته إيه؟؟؟

العربيات اللي فيها نظام حقن الوقود بالرشاشات كلها فيها حاجة اسمها
وحدة التحكم الآلي ....... و العامة بيسموها المشط ...... و بعض الناس بتقول عليها كمبيوتر .

و دي مسؤليتها التحكم في الكهرباء الخاصة بالسيارة و توزيع البنزين داخل المحرك حسب السرعة و حسب الحاجة . و تشغيل الرشاشات .

كمان العربيات اللي فيها نظام المفتاح المتكود .....لا يمكن العريبة تشتغل بمفتاح تقليد أو نسخة
علشان المفتاح بيعمل ارسال للكود الخاص به لوحدة التحكم الآلي و بعدين الوحدة بتقارن الكود مع كود السيارة و لو طلع هناك توافق المحرك يشتغل .
لو المفتاح نسخة ....... أقصى حاجة يعملها يفتح الباب فقط دون تشغيل السيارة .
دي بعض الخصائص اللي بتعملها وحدة التحكم الألي .