ازاى اعرف ان الكبالن تلفت ؟؟

**Lion_Heart** · 19-02-2009 10:49 PM

يا ريت حد من الاخوة اصحاب الخبرة يعرفنا ازاى نعرف ان الكبالن تلفت ؟

و هل صحيح مع زيادة السرعات لو سمعت ورة دى تكون من الاعراض دى
و يعنى ايه كوبلن داخلى و كوبلن خارجى و هل كل و احد فيهم بيتباع لوحده ؟؟؟ ولا الاتنين مع بعض ؟؟

و هل التشحيم مجرد مسكنات و التغير هو الحل ..؟

**khater87** · 19-02-2009 11:57 PM

اعراض تلف الكبالن هي سماع طقطقه شديده اثناء الملفات او المطبات ...وده غالبا بيكون نتيجه تلف الصليبه داخل الكوبلن ..
الكوبلن متكون من راس وبيسموه الجزء الخارجي وعمود (شافت )والكوبلن الداخلي الي واخد من الفتيس
غالبا القطعه الخارجيه دي هي الي بيتعمل ليها صيانه او بتتغير ..
التشحيم لابد منه علشان الاحتكاك وهو ميعتبرش مسكن خالص لانه لابد منه ..
هو بيتعمل للكوبلن احيانا صيانه .. ممكن يفوروه ويركبوه بعد مايعملو صيانه .. عن طريق تظبيط الصليبه دي الي جوه راس الكوبلن ...

**zeyad1810** · 20-02-2009 01:59 AM

المشاركة الأصلية كتبت بواسطة khater87

اعراض تلف الكبالن هي سماع طقطقه شديده اثناء الملفات
...

كلام سليم الله ينور عليك

**aYaBooY** · 20-02-2009 02:41 PM

لما حضرتك تاخد ملف على اخر الدركسيون و تدوس سنة بنزين و تسمع صوت طقطقة يبقي كدة الكوبلن الخارجي او الكوبلن خلاص عاوز يتغير و فيه كذا طريقة لتصليحة او مليه بس ديه تستخدم مع عربية الكبالن بتاعتها غالية اوي علشان مش حاجة معمرة بس الكوبلن الداخلي او الصليبة ديه عادتا عمرها طويل اوي علشان هيا معشقة في محور ثابت مش متغير زي الخارجي تعملك صوت رجة او تخبيطة بسيطة لما تيجي تطلع بالعربية مش صوت ونه صوت الونه ممكن يكون من بلي العجل و اسف للاطالة

**Badrowi** · 20-02-2009 04:09 PM

شكرا aYaBooY

**Lion_Heart** · 21-02-2009 06:37 PM

هل ممكن عدم التشحيم او صيانة الكوبلن اسمع تكه واحدة بسيطة كل ما كسرت للاخر يمين او شمال , يعنى عندى بسمع التكه ال يعنى فى الاتنين كوبلن فهل ده من قله الشحم ولا دى علامة تلف الكوبلن؟
فهل كده اغير الكبالن ولا اشحمها بس ؟؟ ؟

**khater87** · 01-03-2009 12:34 AM

انا زي ماقولت لحضرتك
انت ممكن ترووح لعفشجي يطلع ليك الكبالن ويعمل ليها صيانه ممكن يوديها مخرطه تتخرط لو عاوزه صيانه
وبيشحمها وبيركب كاوتش جديد للكبالن
لو العمليه بايظه خاااااااااااااالص والطقطقه شديده جدا ممكن يغير ليك الصليبه بتاع الكويلن ..
وممكن يغير لك راس الكوبلن فقط ..
بس الافضل حاليا وزي مابتقووول ان طقه واحده بس
اعمل صيانه ليهم بس