ماتريا

**hassan_ali296** · 28-08-2007 11:20 AM

السلام عليكم ورحمة الله وبركاته

انا باذن الله بافكر اشتري ديهاتسوا ماتيريا اوتوماتيك كاملة وبخصوص ظروفي انا معايا لانسر 2000 اتوماتيك 1300 cc واسرتي صغيرة كلنا 3 افراد ومكان العمل يبعد عن السكن حوالي 85 كم ذهابا وعودة
السؤال المهم اولا: هل هي فعلا تستحق 106000.00 جنيه ام ان السعر مبالغ فية
ثانيا موضوع اعادة البيع دة قالقني جدا جدا لو فكرت ابيع او اضطررت ان ابيع فهل ستحافظ علي سعر معقول ام اني ساخسر كثير
ثالثا : هل العفشة الخاصة بها مناسبة لمصر
رابعا : ما نوع البنزين الذي تستخدمه

الرجاء الافادة جعله الله في ميزان حسناتكم

**أبو عبدالله** · 28-08-2007 12:57 PM

أولا اهلا بك في المنتدى

ثانيا العربيه طبعا تستحق كل فلوسها لأنك لو قارنتها بأي عربيه ياباني يعني مصنعه في اليابان فيها الامكانيات دي اللي فيها زي ABS , EBS والأيرباج والجنوط الــ 15 الرجاج الملون الخلفي
والوسع الداخلي والسي دي الـ MP3 , WMA و6 سماعات داخلية وانوار خفية زرقاء وفوانيس شبورة
وبصراحه اللي أخدت بالي منه من كام يوم نوعية وخامة الفرش تحفة والله بجد جميلة جدا

اما موضوع اعادة البيع فطبعا مش هيبقى زي باقي العربيات التانيه لأنها عربيه جديدة ومش اي حد بيحب يركب ميني فان

اما عن العفشة فؤكد لك ان عافشة الدايهاتسو كلها اثبتت قدارتها من زمان وقوة استحمالها لشورعنا اللي مفييش حاجه تقدر عليه بس اهي يعني بتعافر معاها
بس بامانة والله العربيه تحفة وعفشتها جميلة جدا

نوع البنزين 90 او 92 ولكن مش هتفرق في العشرة قروش الفرق فطبعا يبقى 92 أحسن

وربنا يباركلك فيها ان شاء الله ويقدرلك الخير حيث كان وانصحك بالأستخارة ان شاء الله

**hassan_ali296** · 28-08-2007 05:13 PM

بارك الله فيك يا استاذ ابو عبد الله وانا متابع لموضوعاتك كلها من ايام كونتكت كار والف شكر ليك
والسلام عليكم ورحمة الله وبركاته

**معاذ الشرباصى** · 28-08-2007 05:15 PM

الموضوع ده حاولنا فيه اننا نقيم الماتيريا و ندور على تقييمات لها على النت

حضرتك ممكن تتصفخه

http://www.nilemotors.net/Forum/viewtopic.php?t=4895

و ان شاء الله مستنين نسمع اخبار حلوة و حضرتك تقييم لنا العربية عملى

**ecybrarian** · 29-08-2007 07:48 AM

على فكرة العربية تحفة. ولازم تقراء قرآن كل ماتطلع بيها لأن شكلها تحفة ويسر الناظرين. يعني من الآخر بتخطف العين في الشارع

**PAYOO** · 29-08-2007 08:02 AM

كلام أبو عبدالله صحيح إلى حد كبير جدا وفعلا العربية ممتازه وإن كان شكلها مختلف عليه بين الناس (ودي مسألة أزواق) لكن في نقطه واحده في كلام أبو عبدالله جانبه الصواب فيها وهي أن العربية مصنفة ميني فان
على أية حال أنت كل ما يهمك هو أن تكون العربية بها ماتريد من مواصفات وهذه السياره فيها اكثر مما تريد

وربنا يوفقك

**معاذ الشرباصى** · 29-08-2007 05:01 PM

لكن في نقطه واحده في كلام أبو عبدالله جانبه الصواب فيها وهي أن العربية مصنفة ميني فان

انا سألت مسئول المبيعات فى دايهاتسو العربية تصنيفها ايه, قالى كلمة غريبة جدا: sweet box!!!

فمش عارف ده ايه؟!

**وائل عطية** · 29-08-2007 05:41 PM

العربية فعلاً ممتازة ومميزاتها كتيرة جداً، وواسعة جداً
ولكن الشكل عليه اختلاف كبير، أنا شخصياً لا أقبل هذا الشكل إطلاقاً ولا يُعجبني بالمرة ولكن أولا وأخيرأ موضوع الشكل دا أذواق، ولولا اختلاف الأذواق لبارت السلع
لو بتفكر في إعادة البيع يبقى تبعد عنها تماماً لأنها جديدة وبتصميم غير مقبول على نطاق واسع
أنا شايف إن أسرة حضرتك مش كبيرة يعني مش محتاج الوسع اللي فيها قوي (ودي الميزة اللي فيها) يبقى تخليك في عربية سيدان متوسطة، وبلاش المجازفة .

**أبو عبدالله** · 30-08-2007 12:15 AM

انا سألت مسئول المبيعات فى دايهاتسو العربية تصنيفها ايه, قالى كلمة غريبة جدا: sweet box!!!

ماشي ده مسمى للشركة ولكن عالميا هيا من فئة الميني فان

**mtema99** · 30-08-2007 12:21 AM

انا سألت مسئول المبيعات فى دايهاتسو العربية تصنيفها ايه, قالى كلمة غريبة جدا: sweet box!!!

فمش عارف ده ايه؟!

في فاليابان 4 او 5 فئاه صغيره
sweet box
soft box
k-cars
city-cars
micro cars

الموضوع: ماتريا

LinkBack

أدوات الموضوع

عرض

-

-

-

-

-

-

-

المواضيع المتشابهه

ماتريا وميجان

كراسي ماتريا

ماتريا ....................ما تريا................ ماتريا

أريد ماتريا لو سمحتم

تريوس ولا ماتريا ؟

الكلمات الدلالية لهذا الموضوع

المفضلات

المفضلات

ضوابط المشاركة