عايز اجيب مكنسة صغيرة للميجان

20-02-2009 10:56 PM

المشاركة الأصلية كتبت بواسطة Hossam_Hassan

احسن حل و اضيف عليه انك تجيب مكنسة جديدة للبيت و تنزل القديمة الجراج.

في حدود 60 جنيه عند كارفور أو أقل

**megane_man** · 21-02-2009 05:01 PM

كنت جبت المكنسة البرميل من كارفور بص مش عاجباني كفائتها مش قد كده راي مدام عندك جراج هات كمبرسور هواء صغير وأستخدمه هينظف أحسن وينفع في غسيل الموتور وعمل الفوم وعسيل العربية من تحت انا أن شاء الله ناوي أجيبه

**aliabutaleb** · 21-02-2009 05:59 PM

أنا جبت البلاك آند ديكر من بي تيك بتشتغل على الولاعة بـ 200 جنيه

**Dr Ahmed** · 21-02-2009 08:34 PM

المشاركة الأصلية كتبت بواسطة elshinawy80

طيب ممكن اعرف البرميليه دى بكام ؟
انا عندى جراج خاص من رأيكوا اجيب مكنسه كبيرة فى الجراج و لها مالوش لزوم؟

مش مكنسة كبيرة ولا حاجة
نفس الموقف اتعرضت ليه وكنت فى كارفور وكل الأصناف موجودة لكن مافيش أقوى من المكانس اللى بتشتغل مباشر من الكهربا لا بطارية ولا ولاعة ، وجبت مكنسة صغيرة بعجلتين ماركة نوكيا صناعة مصرية وبرضه من كارفور و1300 وات علشان تبقى ماشية مع العربية 1300 سى سى وحتى لونها أزرق زيها ، وسايبها فى الجراج وحجمها صغير زى الفل وجبااااااااااارة

**hesham_tawfiq** · 22-02-2009 10:00 AM

انا جايب واحده بلاك اند ديكر من هايبر ب 200 جنيه وكويسه جدا
اسمها :cyclon action

**ahmed_su** · 22-02-2009 10:37 AM

اللى عنده جراج خاص بكل بساطة

يجيب مكنسة عادية زى بتاعة البيت

او حتى ينزل بتاعة البيت ساعة تنظيف العربية

واللى معندوش زى حالتى يجيب مكنسة ماركة

بلاك اند ديكر كنت جايبها بـ 199 بتشتغل على

ولاعة العربية وقوتها معقولة وكافية للتنظيف

ومعها العديد من الاكسسوارات علشان الاماكن

المختلفة واوعى تجيب لعب الاطفال اللى عند كارفور

خسار فيها الفلوس لانها مابتقدرش تشيل حتى حبات الرمال

من ضعفها - وده جزء كنت كتبه عن المكنسة فى المنتدى التعليمى

المشاركة الأصلية كتبت بواسطة ahmed_su

كل المكانس اللى فى رنج سعر من 40 الى 90 جنيه تعتبر منظر بدون اى اداء وجربتهم كلهم خسارة فيهم الفلوس.
لحد ماجبت مكنسة بلاك اند ديكر الحقيقة تحفة وشفطها قوى ومزودة بفلترين ده غير مجموعة من الاكسسوار بفرش واطوال مختلفة وتعمل على ولاعة السيارة ومزودة بسلك طويل ومتين بالاضافة لحقيبة بسوستة لحفظ المكنسة واكسسوارتها .

واشترتها بـ200 جنيه وكان هناك موديل اخر ب300 جنيه مزودة ببطاريات ويتم شحنها بس فضلت دى علشان مشاكل البطاريات اللى بتتلف بعد كام دورة شحن واكيد تمنهم مش هيكون بسيط

اسيبكم مع صور المكنسة

اه نسيت اقول ان معاها ضمان سنة