أيه رأيكم في نيسان صني الشكل الجديد موديل 2009 خاصة بعد التعديلات المميزة التي لا توجد في العديد من السيارات التي في فئتها واللي كمان في نفس سعرها
ياريت تقولولي رايكم فيها
عرض للطباعة
أيه رأيكم في نيسان صني الشكل الجديد موديل 2009 خاصة بعد التعديلات المميزة التي لا توجد في العديد من السيارات التي في فئتها واللي كمان في نفس سعرها
ياريت تقولولي رايكم فيها
ليا تعقيب صغير على الشكل من الامام اللى اصبح نسخه طبق الاصل من اللانسر البوما ... وبعدين اللى يغيظ يقولك العربيه جديده كليا !!
ايه اللى فيها جديد غير تغيير شكل الفوانيس الاماميه وتعديل الخلفيه ؟؟
يعنى الابعاد والمواصفات والمحرك زى ماهما
مش عاجباني بصراحه و القديمه شكلها احلى بكتير
المهم يكون اهم مشكلة اتحلت العفشة الناشفة جدا و عزل الصوت
فين الصور ؟!
ويجعله عامر
فيه تعديل على العربيه
زى الفرامل abs+ebd+ba
airbags
التابلوه زودوا فيه كمبيوتر رحلات
تقريبا عدلوا حاجه فى المساعدين (مش متاكد من المعلومه دى )
بلتعديلات دى خلوها منافسه شويه للالنترا مثلا
مش عاجباني بصراحه و القديمه شكلها احلى بكتير
:verygood:
:k32:
:k49:
:S_thum1[1]:
الشكل القديم احلى بكتير وبعدين شكل الفانوس الامامى تقليدى جدا ذى النسر اما بالنسبا للفرامل اعتقد هى دى الاظافة الحقيقية وهل ينفع تتضاف لموديل 2008 مثلا بعد ان توافرت فى المصنع:scooter:
القديمه احلي شكلها يديك احساس بالقوي والاستقلاليه مش شبه اي شكل تاني اما بالنسبه للعفشه انا معايا 2009 العفشه ممتازه ولما سالت قالوا انهم ركبوا مساعدين السوبر صالون في كل الموضلات ال2009 بس بتهيالي لو الالنترا رخصت كمان شويه الصني حتواجه مشكله خصوصا ان الفرق بنهم بقي 3000 جنيه بس شكلها كده غبور لسه حينزل تاني
ممكن اعرف الواحد يبص عليها فين؟
انا شايف بعد التعديلات الخارجيه والجوهريه سننتظر اكتساح لهذه السياره فى السوق المصرى بعد المنافسه السعريه لها مع باقى السيارات سواء الكوريه او اليابانيه
انا موافق معاك جدا يا احمد الصنى دلوقتى احسن حاجة فى الفئة دى
انا بس ليا تعقيب بسيط على المقارانات بالنسبة للشكل , الشكل دة حاجة نسبية جدا يعنى كل واحد و ذوقة و مينفعش نقارن بشكل مطلق من حيث الشكل علشان مش حنوصل لحل حتلاقى دايما ناس عاجبها و ناس لأ
المقانة لازم تكون موضوعية يعنى الاداء , طول عمرها ,امكانيتها ... كدة يعنى لكن الشكل دة اذواق و مفيش حاجة اسمها ان فى شكل بيعجب كل الناس
بالنسبة للصنى انا شايف ان مفيش عربية بتنافسها دلوقتى
كلامك فعلا صحيح المميزات اللي في الصني مش موجودة في عربيات ب 110 الف
انا كمان موافق على الراي دهاقتباس:
انا موافق معاك جدا يا احمد الصنى دلوقتى احسن حاجة فى الفئة دى
انا بس ليا تعقيب بسيط على المقارانات بالنسبة للشكل , الشكل دة حاجة نسبية جدا يعنى كل واحد و ذوقة و مينفعش نقارن بشكل مطلق من حيث الشكل علشان مش حنوصل لحل حتلاقى دايما ناس عاجبها و ناس لأ
المقانة لازم تكون موضوعية يعنى الاداء , طول عمرها ,امكانيتها ... كدة يعنى لكن الشكل دة اذواق و مفيش حاجة اسمها ان فى شكل بيعجب كل الناس
بالنسبة للصنى انا شايف ان مفيش عربية بتنافسها دلوقتى
عاااااااااااااااااااااااا اااااااااااااار على نيسان التصميم بتاع الواجهة الامامية
معتقدتش انها توصل ل عار يعني
ممكن يكون زوقك مش متوافق معاها
لكن الحقيقه اكيد مش هتبقي عار
العربيه بقي شكلها وحش اوي و بقت شبه البوما من قدام و تحس انها عربيه متركبه ده غير التابلوه السيء اللي ماغيروش فيه اي حاجه انا شايف ان شكل القديمه احسن و اشيك بكتير
انا برضه شايف ان الشكل القديم كان احسن والعربيه بشكل عام جميله جداً علي سعرها
طيب انا متابع الكلام كله عن الصني
وانا مسافر بالخارج
مفيش حد حط صورة لها وعاوز اعرف سعرها لو تقدرو تفيدوني
وشكرا
الفوانيس شبة فوانيس الاسبرانزا516 وكان فى شكل نزل عند الطارق كان خليجى من حوالى سنة او اكثر كان احلى كانو بيقولو انة كورى وبصراحة الشكل الجديد مش حلو
http://www.postimage.org/Pq2RF5K0.jpg
http://www.postimage.org/Pq2RFkHS.jpg:U_thin1[1]:
فين الشكل دة الى فى الصورة الى فوق احلى بكتير
بصراحة يا جماعة انا اول ما شوفت الشكل الجديد في الجرنال يوم الجمعه افتكرتها لانسر . المهم اتصلت بمهندس اعرفه في التوكيل قال لي ان العربية الشكل الجديد هي هي العربية القديمة بس تغيير في الفوانيس و الفرامل بقت Abs و الكاسيت بقي Cd بس قال لي في الآخر الشكل القديم يكسب كتير جدا جدا خاصة انك من بعيد تعرف انها نيسان صني علي طول انما الشكل الجديد بقت لانسر بومه 100 % و علي فكره الناس هتدور علي الشكل القديم عن الجديد .....
علي فكرة يا جماعة انا معايا صني 2009 العربيه عفشتها ما شاء الله زي الفل و جبت كمان كاسيت سي دي بايونير بال Usb فرق معايا قوي مع السماعات بتاعة العربية عن الكاسيت الشريط بتاع العربية و مليت كاوتش العربية كمان بالنيتروجين بدل الهواء عشان الواحد يسوء و هو مستريح و ربنا يبعد فرقعة العجل عننا .....
يريت حد يرد ويقول اية الى فى الصور دية موديل اية
دي نيسان الجديدة اللي في مصر
http://www.nissan.co.th/eng/sunny_ne...pic_gal/01.jpg
ودي صورة تانية
http://www.nissan.co.th/eng/sunny_ne...pic_gal/05.jpg
مع ان معايا صنى 2009 الشكل القديم بس انا معجب بالشكل الجديد بتاع العربيه
وانا شايف ان الأضافات الجديده الى فيها زى الفرامل والعفشه والحاجات التانيه دى هاتخلى العربيه تكتسح السوق
لأن تخيل عربيه يابانى فيها air bag + abs +ebd
وكل الحبشتكانات دى وسعرها اقل من 100,000جم
بصراحه صفقة العمر:coool:
بس ربنا يسترها والوكيل بتاعها مايفترييش ويغلى سعرها:eee:
والله يرحم الانسر البومه فاكرين كانت بكام ودلوقتى بقت بكام رغم انها نفس العربيه ماتغيرتش بس تقول ايه على الجشع والطمع:U_thin1[1]:
حضرتك بالنسبة لضغط النيتروجين :
العجلات الامامية : 32
العجلات الخلفية : 29
و هو ده الضغط اللي الوكيل كاتبه عند مفصلات الباب الامامي للسائق لأن الحمل في العربية من الامام اكثر من الخلف .
و اي خدمة ....
يا جماعة يا ريت حد يسال فى التوكيل لو رايح يعمل صيانة ولا حاجة هل ممكن ينفع تركيب ال abs .ebd فى الصنى 2008 بعد ما بقت موجودة فى الجديدة
معتقدش لان الabs بتكون متصلة بكمبيوتر العربية ودي مسالة معقدة صعب اضافتها