منين اجيب كبالن استيراد

**KIA_SEPHIA_2001_K** · 21-02-2009 12:14 AM

السلام عليكم

دلوقتى انا عندى بوش فى الكبالن زى مقلت قبل كده ولما رحت اشتريت كبالن داخليه اضحك عليه باتنين طالع عنهم استيراد والجديد عامل 700 واعلى النظيف تمام

وفى نفس الوقت لقيت واحد اسموا ابو ادهم متخصص فى الاستيراد للكيا ولما رحت هناك الرجال محترم وامين وعندوا الكبالن كامله بالاكسات عامله 400 جنيه وقلى خدهم ولو فيهم اى حاجة رجعهم

فهل السعر ده تمام

او لو حد يعرف حد سبق اتعامل معاه فى الاستيراد وجاب كبالن كويسه يقولى

انا ماكس صحبى هنا برضوا قلى انوا يعرف ناس تمنام فى الاسماعليه فياريت اسمع الاراء بتعتكوا

**tmedhat** · 21-02-2009 12:17 AM

خدهم منو على تجربة لو فيهم عيب حيبانو على طوول رجعهم لة

السعر مناسب قوى

**KIA_SEPHIA_2001_K** · 21-02-2009 12:43 AM

شكرا على سرعه ردك انا برضوا مرتاح للراجل حتى لو سعروا عالى شوية بس الرجال بصراحه امين اوى واتكلمت معاه وارتحتلوا وقلى برضوا ركبهم وجرب ويوم متحب ترجعهم هتهم

**max_ziro** · 21-02-2009 02:06 AM

لو دة سعر الفاردة الواحدة ف دة كتير جدا اناقولتلك هندى هنا ب 170 على تجربة بردو و بعدين الناس الى بشترى منهم متعامل معاهم كتير جدا انما لو دة سعر الفردتين يعنى الكوبلن اليمين و الكوبلن الشمال و حالتهم نضيفة يبقى تمام انما لو سعر الناحية الواحدة ف دة كتير قوى دة تقريبا ضعف السعر و بعدين انا قولتلك تعالى و انا اجيبهوملك و اراكبهولك و نقضى اليوم و ترجع مبسوط يعنى عشان مكسل تدفع ضعف الثمن طب بلاش تيجى عشان الكبالن تعالى زورنى يا اخى متقلقش هغديك هههههههه ...
ربنا معاك

**zeyad1810** · 21-02-2009 02:19 AM

مابلاش استيراد احسن فى حاجة زى دى لانة مش هيكون مضمون يعنى ممكن يشتغل معاك شهر او اكتر وبعدين يبوظ لانك ماتعرفش هو اشتغل قبل كدة قد اية انما الجديد اضمن مية مرة وبعدين انت جربت الاستيراد وطلع كان طالع عينة

**aYaBooY** · 21-02-2009 03:38 PM

المشاركة الأصلية كتبت بواسطة zeyad1810

مابلاش استيراد احسن فى حاجة زى دى لانة مش هيكون مضمون يعنى ممكن يشتغل معاك شهر او اكتر وبعدين يبوظ لانك ماتعرفش هو اشتغل قبل كدة قد اية انما الجديد اضمن مية مرة وبعدين انت جربت الاستيراد وطلع كان طالع عينة

بلاش الاستيراد احسن جرب تنزل شارع شمبليون في وسط البلد و املا الموجودين هاتتكلف في حدود 100 جنيه بس موضوع الكبالن بالاكس حرام الاكس ده من عمر العربية كلها جرب تملاهم الاول

**badawy66** · 22-02-2009 12:46 PM

مدام هتدفع كدة كدة فلوس هاتك الكبالن الصيني رخيصة وممتازة هتعدمعاك لو استعمالك كويس على الاقل سنة وريح دماغك على الاقل هتبقى حاجة جديدة

**mohmoh61** · 23-02-2009 09:55 PM

السلام عليكم بص يا سيدي لا استيراد ولا مستعمل هات جوز يبانى من شارع دمشق ب500 جنيه انا جبتهم وشغالين معايا بقلهم سنه وزي الفل وابعد عن الاستيراد مهما كان ليهم عمر افتراضى وقرب يخلص فهات جديد يعيش معاك