Help !! الرادار بتاع المحور بيهيس

ياجماعة النهاردة وانا راجع من اكتوبر ماشى 70-80 :fun_36_3_4[1]: وكنت حذر جدا وكل شوية ببص ع العدادات علشان قريبى فى مرة اتجاب وهو ماشى على 87 وقالولة ماشى 107 المهم ماشى اقل من 80 والله العظيم فلاش الرادار ضرب عليا :eee: انا خايف ليكونوا جابونى او الرادار بيهيس فعلا :K_crying[1]: اما الفلاش ضرب هديت السرعة من 70-80 نزلت على 60 علشان عقبال ما اوصل لو فية كمين الاقية بس ملقتش كماين خالص وكنت عايز انزل ادور على اى ظابط اسأله انا والله مش على دفع المخالفة لو فية بس مبحبش ابقى مظلوم :K_crying[1]: افيدونىىىىىىىى هل لو ضرب فلاش الرادار يبقى فعلا لقطنى

على حد علمي إن الرادار فترات كتير بيبقى شغال فلاش بس عشان يخوف السواقين لكن مش بيصور فعليا ً

يارب يااستاذ عبده :( اصل حرام والله اتلقط على 70-80 دة يبقى قمة الظلم اقسم بالله انا العربيات كانت كلها بتعدى صاروخ من جنبى اقل واحد فيهم 100 وانا ماشى قانونى ,,, يارب فعلا يكون فلاش ع الفاضى

مفيش مثلاَ عربية كانت معدية من جنبك يكون بيصورها هي ؟

والله مخدتش بالى انا كنت فى الحارة اللى فى النص وكانت الحارة اللى جنبى مفتوحة وكان فية قدامى واحد بنوبيرا مهدى شوية وسرعته قريبة من سرعتى ياخوفى فعلا ليكون حد جة من الحارة السريعة جنبى ودبسنى انا فى المخالفة والفلاش ضرب عندى هل فعلا ممكن يحصل كدا واتدبس انا فى المخالفة ؟ ولو كدا اعمل اية لان كدا مفيش دفع فورى هل اروح اكشف بكرة فى المرور ؟ خايف ليكون مفيش حاجة واما يلاقونى رايح اكشف يدونى كام مخالفة كدا ع الماشى

بص هو كدة غالباَ كانت بتصور حد تاني و مفيش حاجة .. و الرادار مش هيهيس لأنه مضبوط علي سرعة معينة مش هيصورك غير لو تعدتها لأنه كمان بيسجل السرعة اللي كنت ماشي عليها فا مش هتتصور رادار إلا لو تعديت السرعة أو فيه غلط في قراءة عداد عربيتك نفسه (دي حصلت مع واحد صاحبي كان مغير مقاس الكاوتش فا قراية العداد إتغيرت و كان بيقف يتخانق معاهم في اللجان لحد ما إكتشف الموضوع ده) .

و عشان أطمنك انا حصل معايا موقف مماثل .. في الإشارة المراقبة إلكترونياَ بكاميرا عند المصل و اللقاح في المهندسين .. كنت معدي و لسة فاضل في الإشارة الخضراء 3 ثواني .. و عديت و شفت في المرايا الإشارة بقت حمراء .. و لقيت الفلاش ضرب عليا .. ركنت علي جنب لأن دي فيها 500 جنيه و رحت لقيت واقف نقيب .. فا سلمت عليه و قلتله حضرتك حصل كذا كذا كذا .. و انا عديت و الإشارة خضراء .. فا وراني علي الجهاز إن مش انا اللي إتصورت و إن كان فيه عربية معدية الخط الأبيض في الإشارة فا الكاميرا صورتها و الفلاش ضرب عليا في نفس الوقت بس مفيهاش حاجة .

ربنا يبشرك يا استاذ motorizer يارب فعلا يكون كدا ويكون حد تانى كان فعلا كاسر السرعة ,, طيب اية رأى حضرتك انى اروح اكشف ع المخالفات بكرة بحيث لو لاقدر الله فية حاجة اقدر الحقها فى ال 3 ايام بتوع التصالح ؟؟ هل فعلا هلاقيها ولا هعرف منين ؟

ممكن كان بيصور عربية معدية سرعتها اعلى من 90
سرعة المحور دلوقتى بقت 90

حصلي نفس الموقف بالضبط بس انا كنت ماشي علي 70 km/hr و لقيت الفلاش ضارب في ضهري و انا ماشي و تقريبا مكنش في غيري

انا كنت فاكر ان المحور قبل موضوع الرادارات اللي بفلاش دية كان فية جزء السرعة فية 60 km/hr الصراحة افتكرت ان انا في الحتة دية و ان الرادار شغال في الحتة دية علي 70 او60 km/hr
فقلت خلاص انا الغلطان بس اللي عرفتة بع كدة ان كلهم شغالين علي 90 km/hr !!!
قلت حاجة من الاثنين
-يا اما الرادار بيهيس
- يا اما كان في عربية معدية جنبي و انا مش واخد بالي

حصلت معايا انا كمان وكنت مشغل مثبت السرعة وكان اقل من 90 تقريبا 88 لكن كان معايا عربية جنبى وكان ماشى برضة بحذر ولما ضرب الفلاش كان ورانا ميكروباص ضرب لنا رعاش نورفى لحظتها انا مش عارف الرادار لقط مين ؟!!!!!!!!! :eee::eee:
ربنا يوفق

-ربنا يستر يا استاذ بسام وفعلا ميكونش لقطنى انا ,,,
-هههههههههه والله يا استاذ احمد انا قولت كدا برضة قولت قلت حاجة من الاثنين
-يا اما الرادار بيهيس
- يا اما كان في عربية معدية جنبي و انا مش واخد بالي
وللاسف لسه معرفتش :( انا كنت ماشى على 75-80 معدتش ال 80 خالصصصصصص اساسا الرادار لو السرعة القصوى 90 المفروض ميلقطش اللى ماشى 90 اساسا بيلقط على 92 او 95 او 97 دايما دية الارقام اللى بنسمعها عمرنا ملقينا حد بيتلقط على 90 المصيبة الكبرى كمان اننا اما بنمشى على 80 دية مبتبقاش 80 بالظبط بيبقى فية 5 اوفر يعنى الصافى مثلا بيكون 75 ,, طيب حضرتك عملت اية اما حصل معاك كدا علما بأن الفلاش ضرب على العربية من قدام وجوه العربية مش فى الخلف !!!

انت تمشي بالراحة وسيب الباقي على ربنا ماتققلقشي تلاقيه كان بيصور حاجة تانية ولو تهييس اكيد هيبقى في ناس كتيير اوي وهيبان في المرور واكيد هيبقوا عارفين !!!
وانا برضة على فكرة اتصورت من الكاميرا بتاعة المصل واللقاح بس كانت الاشارة لسة فاتحة وان تمام ورابط الحزام والموبايل مش في ايدي والفلاش برضة جه في عيني بالظبط بس انا بصراحة قلت طالما معملتش حاجة غلط يبقى مش انا ومشيت وربنا يستر

ربنا يستر فعلا يا khpopo مشكلة ان الواحد يكون مظلوم فعلا انا لو غلطان هدفع تمن غلطى ومش هبقى زعلان لكن تبقى مظلوم دية حاجة تانية :( المشكلة ان الرادارات دية تكون لسه متخلفة وماشية ع السرعات القديمة اللى هى اماكن 60 واماكن 80 ساعتها دية تبقى المشكلة :D

المشكلة يا استاذ Amrrr ان ساعات كتيررر بيبقى فية ظلم فى الموضوع دة لان الحاجات دية فيها عوامل كتير متغيرة ربنا يستر ,,,,, وجديدة كمان اشارة المصل واللقاح دية الحمدلله انى اما برجع من طريق الجامعة برجع عجوزة وبريح دماغى ومبرجعش دقى D:

ربنا ييسرلك الاحوال وتطلع على مفيش

ححسب معلوماتى و كانت بتحصل فى دبى لو انت ماشى مثلا 70 و عدى جنبك واحد 120 انت بتحس انو صورك انت بس البيحصل ان فى اكتر من شعاع ليزر عشان يشوف كل حارة لوحدها مش زى رادارات زمان فبيعمل علامة فى الصورة على الحارة الموجود فيها سرعة اعلى من المفروض متقلقش انا كل يوم على المحور و ممكن تشوف المخلفات من موقع الحكومة www.egypt.gov.eg
وهو مضبوط لان كان عليا 50 جنية ساعت التجديد زى الموقع مقال :)

انا بكره رايحه اكتوبر امشي بقي علي كام اول المحور كاتبن 60 وبعدها 80 امشي علي ايه ؟؟؟؟؟؟؟؟؟وربنا يسلم طريقنا كلنا

لا ان شاء الله ياهيكون الرادار بيهيس ياهما بيعملوه تحزيري بس يااما صور عربية غيرك بس ان شاء الله مش هتكون انت

رادار بطاطا

# يارب ربنا يكرمك يا zazw .
## ياريت فعلا يكون الرادار مجرد بيقيس مش اتاخدت المخالفة وربنا يستر علينا جميعا يا استاذ ahraah .
# والله يا اخت دينا انا نفسى مبقتش عارف D: احسن لو السرعة 90 القصوى انك تقللى 20 يعنى تمشى 70 وربنا برضة يستر مفيش حاجة مضمونة فى الزمن دة :(
# يارب فعلا يكون كدا يا تيمو وربنا يكفى الجميع شر المخالفات .
# يااستاذ مايكل ماهو لو بطاطا يبقى انا كدا خلاص اكيد ومؤكد اتلقطت D: لكن لو تكنولوجيا متقدمة او تحذيرى مثلا يبقى انا كدا باذن الله فى السليم انا هعمل كشف ع المخالفات كمان يوم كدا علشان لو لقيت الحق اعمل تصالح فى خلال ال 3 ايام بدل ما ادفع ساعة التجديد الحد الاقصى .
ربنا يكرمكم ياجماعة على ردودكم ومواساتكم ليا وربنا يكفيكم شر الطريق ويبعد عنكم رادارات المحور وفواصل الدائرى يارررررب

توضيح بس انا قصدى انو بيعرف يحدد سرعة كل حارة فى الطريق و بيعلم فى الصورة على العربية المخالفة السرعة و دة عن طريق شعاع ليزر فى لكل حارة

اقتباس:

---

المشاركة الأصلية كتبت بواسطة sameh.acc

[B
ربنا يكرمكم ياجماعة على ردودكم ومواساتكم ليا وربنا يكفيكم شر الطريق ويبعد عنكم رادارات المحور وفواصل الدائرى يارررررب
[/B]

---

thank u ya basha

شكرا يا استاذ ahraah على التوضيح ربنا يستر هو لحد الأن عملت كشف للمخالفات ع النت مفيش حاجة ظهرت يارب ميكونش فية حاجة

اقتباس:

---

المشاركة الأصلية كتبت بواسطة sameh.acc

شكرا يا استاذ ahraah على التوضيح ربنا يستر هو لحد الأن عملت كشف للمخالفات ع النت مفيش حاجة ظهرت يارب ميكونش فية حاجة

---

على فكرة يا شباب
الرادار على المحور مش بطاطا و لا بيهيس ابداااااا
الى سيادتكم هذة المعلومات
اولا انا سمعت ان السرعة المسموح بها هى 80 و ليس 90 و الله اعلم
ثانيا هو مش رادار واحد يا جماعة و بيكون فى عربية و الكلام دة
دة كل 2 كم يوجد رادار و هو مثبت بصورة دائمة و ممكن تشوفة لانة عبارة عن صندوق لونة ابيض مائل الى الرصاصى كدة و بزاوية ميل جهة خلفية السيارة
و فى كل اتجاة اعداد مختلفة عن الاتجاة المعاكس
و للعلم و الاهمية
لو عربية مسرعة و تخطتت اكتر من رادار و تصورت اكتر من مرة
بتحسب برضة عدد مخالفات

يعنى مثلا لو عربية عدت على 4 رادارات خلال ال 8 كم و هى مسرعة سوف تصور 4 مرات
و بكدة تبقة خدت 4 مخالفات فى نفس الوقت
و يجعلة عامر