Help !! الرادار بتاع المحور بيهيس

**sameh.acc** · 21-02-2009 01:16 AM

ياجماعة النهاردة وانا راجع من اكتوبر ماشى 70-80 وكنت حذر جدا وكل شوية ببص ع العدادات علشان قريبى فى مرة اتجاب وهو ماشى على 87 وقالولة ماشى 107 المهم ماشى اقل من 80 والله العظيم فلاش الرادار ضرب عليا انا خايف ليكونوا جابونى او الرادار بيهيس فعلا :K_crying[1]: اما الفلاش ضرب هديت السرعة من 70-80 نزلت على 60 علشان عقبال ما اوصل لو فية كمين الاقية بس ملقتش كماين خالص وكنت عايز انزل ادور على اى ظابط اسأله انا والله مش على دفع المخالفة لو فية بس مبحبش ابقى مظلوم :K_crying[1]: افيدونىىىىىىىى هل لو ضرب فلاش الرادار يبقى فعلا لقطنى

**Abdo_Eldesokey** · 21-02-2009 02:06 AM

على حد علمي إن الرادار فترات كتير بيبقى شغال فلاش بس عشان يخوف السواقين لكن مش بيصور فعليا ً

**sameh.acc** · 21-02-2009 02:27 AM

يارب يااستاذ عبده :( اصل حرام والله اتلقط على 70-80 دة يبقى قمة الظلم اقسم بالله انا العربيات كانت كلها بتعدى صاروخ من جنبى اقل واحد فيهم 100 وانا ماشى قانونى ,,, يارب فعلا يكون فلاش ع الفاضى

**MoToRiZeR** · 21-02-2009 03:18 AM

مفيش مثلاَ عربية كانت معدية من جنبك يكون بيصورها هي ؟

**sameh.acc** · 21-02-2009 03:51 AM

والله مخدتش بالى انا كنت فى الحارة اللى فى النص وكانت الحارة اللى جنبى مفتوحة وكان فية قدامى واحد بنوبيرا مهدى شوية وسرعته قريبة من سرعتى ياخوفى فعلا ليكون حد جة من الحارة السريعة جنبى ودبسنى انا فى المخالفة والفلاش ضرب عندى هل فعلا ممكن يحصل كدا واتدبس انا فى المخالفة ؟ ولو كدا اعمل اية لان كدا مفيش دفع فورى هل اروح اكشف بكرة فى المرور ؟ خايف ليكون مفيش حاجة واما يلاقونى رايح اكشف يدونى كام مخالفة كدا ع الماشى

**MoToRiZeR** · 21-02-2009 04:19 AM

بص هو كدة غالباَ كانت بتصور حد تاني و مفيش حاجة .. و الرادار مش هيهيس لأنه مضبوط علي سرعة معينة مش هيصورك غير لو تعدتها لأنه كمان بيسجل السرعة اللي كنت ماشي عليها فا مش هتتصور رادار إلا لو تعديت السرعة أو فيه غلط في قراءة عداد عربيتك نفسه (دي حصلت مع واحد صاحبي كان مغير مقاس الكاوتش فا قراية العداد إتغيرت و كان بيقف يتخانق معاهم في اللجان لحد ما إكتشف الموضوع ده) .

و عشان أطمنك انا حصل معايا موقف مماثل .. في الإشارة المراقبة إلكترونياَ بكاميرا عند المصل و اللقاح في المهندسين .. كنت معدي و لسة فاضل في الإشارة الخضراء 3 ثواني .. و عديت و شفت في المرايا الإشارة بقت حمراء .. و لقيت الفلاش ضرب عليا .. ركنت علي جنب لأن دي فيها 500 جنيه و رحت لقيت واقف نقيب .. فا سلمت عليه و قلتله حضرتك حصل كذا كذا كذا .. و انا عديت و الإشارة خضراء .. فا وراني علي الجهاز إن مش انا اللي إتصورت و إن كان فيه عربية معدية الخط الأبيض في الإشارة فا الكاميرا صورتها و الفلاش ضرب عليا في نفس الوقت بس مفيهاش حاجة .

**sameh.acc** · 21-02-2009 09:32 AM

ربنا يبشرك يا استاذ motorizer يارب فعلا يكون كدا ويكون حد تانى كان فعلا كاسر السرعة ,, طيب اية رأى حضرتك انى اروح اكشف ع المخالفات بكرة بحيث لو لاقدر الله فية حاجة اقدر الحقها فى ال 3 ايام بتوع التصالح ؟؟ هل فعلا هلاقيها ولا هعرف منين ؟

**bassam nagy** · 21-02-2009 10:39 AM

ممكن كان بيصور عربية معدية سرعتها اعلى من 90
سرعة المحور دلوقتى بقت 90

**Ahmed REDA** · 21-02-2009 10:58 AM

حصلي نفس الموقف بالضبط بس انا كنت ماشي علي 70 km/hr و لقيت الفلاش ضارب في ضهري و انا ماشي و تقريبا مكنش في غيري

انا كنت فاكر ان المحور قبل موضوع الرادارات اللي بفلاش دية كان فية جزء السرعة فية 60 km/hr الصراحة افتكرت ان انا في الحتة دية و ان الرادار شغال في الحتة دية علي 70 او60 km/hr
فقلت خلاص انا الغلطان بس اللي عرفتة بع كدة ان كلهم شغالين علي 90 km/hr !!!
قلت حاجة من الاثنين
-يا اما الرادار بيهيس
- يا اما كان في عربية معدية جنبي و انا مش واخد بالي

**khpopo** · 21-02-2009 11:13 AM

حصلت معايا انا كمان وكنت مشغل مثبت السرعة وكان اقل من 90 تقريبا 88 لكن كان معايا عربية جنبى وكان ماشى برضة بحذر ولما ضرب الفلاش كان ورانا ميكروباص ضرب لنا رعاش نورفى لحظتها انا مش عارف الرادار لقط مين ؟!!!!!!!!!
ربنا يوفق

الموضوع: Help !! الرادار بتاع المحور بيهيس

LinkBack

أدوات الموضوع

عرض

-

-

-

-

المواضيع المتشابهه

المخالفات ؟!!! الردار بتاع الصحراوي و المحور و انا ماشي 200

عاجل / الرادار على المحور اشتغل يا رجالة

المارش بيهيس في الابيزا 98

الكمبيوتر بيهيس

هربت من كمين الردار بتاع المحور ..... عايز اعرف لو خدو النمره هايعملو بيها ايه ؟؟

الكلمات الدلالية لهذا الموضوع

المفضلات

المفضلات

ضوابط المشاركة