الموضوع: حد يعرف اسعار قطع غيار الفيكترا ٢٠٠٨ ?

الموضوع دا حيفيدك

http://www.nilemotors.net/Nile/showthread.php?t=60162

لان الفانوس الصلى معدى ال ١٢٠٠ ودا كتير اوى.

دا اقل سعر فانوس ممكن تلاقيه فعربيه زيرو في فئة الـ 160 الف !!

المشاركة الأصلية كتبت بواسطة zoz123

يا جماعه انا تقريبا نويت اتوكل على الله و اجيبها بس حاسس ان قطع الغيار غاليه عليا شويتين. انا ان شاء الله هامن اول سنه لكن كنت احب اعرف اسعار قطع الغيار بره التوكيل عامله ايه. كمان ياريت لو ح عرف فيه فوانيس غير اصليه تكون رخيصه شويه ولا لا لان الفانوس الصلى معدى ال ١٢٠٠ ودا كتير اوى.

برجاء المساعده من اهل الخبره فى المنتدى.

كمان فيه سوءال بخصوص الفتيس اللا يزىترونك هل هو عملى ويعيش ول حد صادفه مشاكل فيه? اللى فهمته انو مبنى على اساس مانيوال فممكن اعطاله يبقى مقدور عليها عن الا توماتك العادى وللا ايه?

انا الحمد لله معايا فلوس العربيه والتامين بس قلقان بعد كدا ان قطع الغيار تكون مكلفه اكتر من امكانياتي.

وشكرا جزيلا

الف مبروك مقدما يا اخ zoz123 بص حضرتك طالما ناويت تشتري عربيه الماني فمعلش دي ضريبه ركوب عربيه محترمه معتقدش ان الاسعار قطع الغيار غاليه اوي يعني مش كل يوم هتغير فيها حاجه يعني فين وفين لما تغير حاجه فيها وكمان من كلام حضرتك انك ناويت تأمن عليها ودي كويس جدا فتوكل علي الله ومتقلقش خالص بخصوص قطع الغيار احنا معنا الاخ تامر لو انته محتاج حاجه هو مش هيبخل عليك خالص يعرف يجبهالك من بورسعيد
بخصوص الفانوس احنا لسه مكلم معاه امبارح في حكايه الفانوس هو عارف راجل في بورسعيد عرض عليه
عدد2 فانوس خلفي للعربيه الاسترا 2008 الاصلي 1200ج فقط (يعني 2 فانوس مش واحد)
فتوكل علي الله ومتقلقش خالص
الفتيس محترم جدا ومفهوش اي مشاكل هو مع اخونا مصطفي فاروق وعمال حوالي 50 الف كيلو ومشتكاش خالص من الفتيس وانا معايا عمال 12 الف كيلو ومفهوش اي حاجه خالص .... توكل علي الله واحنا في خدمتك في اي طلب

الف شكر يا جماعه على النصاءح الغاليه. انا قريت الموضوع بتاع الصيانات وقطع الغيار الاصليه. بس انا كان قصدى اعرف اذا كان في قطع غيار بره الوكيل بسعر افضل ولا لا?

انا عارف ان الصناعه الا لمانيه تمتاز بالدقه و قطع الغيار معمره. لكن انا كنت محتاج اعرف اذا كان هناك بدائل ارخص للقطع سريعه التلف زى الفوانيس الا ماميه والخلفيه و الا كسدامات? مثلا فى النيسان صنى فى بدائل غير اصليه بسعر رخيص يعنى الفانوس التايوانى ب 250 جنيه فقط. فارجوا الا فاده فى هذه النقطه.

صراحه يا جماعه انا مقتنع اوى بالعربيه اكتر من الاوكتافيا بسبب الشكل اخارجى و الداخلى للفيكترا اللى فى رايي اشيك كتير وكمان بتدى احساس بالتميز عكس الاوكتافيا اللى ماليا الدنيا بس كل قلقى من عدم توافر بدائل رخيصه لعدم اتشار العربيه الكبير.