سؤال بسيط أرجو من السادة الأعضاء التكرم بالمشاركة
(( حسيت إنك بقيت تعرف تسوق كويس بعد قد إيه من الوقت ؟))
مشكورين
عرض للطباعة
سؤال بسيط أرجو من السادة الأعضاء التكرم بالمشاركة
(( حسيت إنك بقيت تعرف تسوق كويس بعد قد إيه من الوقت ؟))
مشكورين
هى المشكلة مش بعد قد ايه!!لانك بعد شهر واحد ممكن تكون استاذ سواقه!!بس طبعا ظروف السواقة تختلف!يعنى من 5 سنين مكنش فيه كل العدد دة من السيارات!!طبعا الاخلاق فى السواقة بتنحدر لدرجة ان السواقة فبلدنا والحمد لله بقت تحرق الدم!!!
بس فى النهاية بعد شهر واحد تقدر تتحكم كويس فالعربية وابعادها!
ألا ترون أن الفترة قد تطول فى ظل غابة السيارات اللى احنا عايشين فيها ؟
انا حاسس ان السواقة مالهاش كبير
يعني انا مثلا بقالي سنتين بسوق
و كنت بعدي من حارة لحارة و الطريق وقف فجأة ملحقتش افرمل و لبست في اللي قدامي-حادثة صغيرة يعني بس ده دليل ان لازم الواحد ما يكونش مغرور. لأن في كل مرة بتسوق العوامل اللي حواليك متغيرة مش ثابتة.
و في النهاية ربنا يسترها معانا كلنا :)
انا شايف انك تقدر تسوق كويس بالخبره
بمعنى انك كل اما تسوق اكتر هتاخد الخبره بتاعت الطريق
وايضا قوة الملاحظه وسرعة البديهة ورد الفعل السريع بييجو مع الوقت
الموضوع فعلا خبره و كتر سواقه و تغلط و تتعلم من اخطاءك
اعرف انك يوم ما تحس انك 100%
ده اليوم الي هايكون فيه اول حادثة
اتوكل على الله و امشي جنب الحيط مصر بقت بظرميط
متهيألي صعب الواحد يحكم على نفسه
يعني انا شايفه نفسي بسوق كويس لكن لما حد بيركب معايا شايف العكس .. حتى اسألوا رنا وسندريلا :POINTI~2[2]:
وكمان انا بركب مع ناس هم معتقدين انهم كويسين لكن فعلا سواقتهم متعبه للاعصاب وبتحرق الدم
والله يا جماعة سوق من حوالى عشرين سنه وانا فى اولى ثانوى فى السويس ولما اشتريت عربية وذهبت الى القاهرةحسيت انى مابعرفش اسوق مش عارف العيب فيا ولا فى طيارين القاهرة الكبرى (اسف سواقين الميكروباصات)
طول مانت عايش فى مصر .. هتفضل تتعلم السواقه طول عمرك:rolleyes2:
انا إتغريت في سواقتي مرة واحده وكانت العاقبة سيئة للغاية.
الحمد لله انا باسوق كويس جدآ... بعد شهر او 2 من تعلم السواقه.
بس زي مابيقولوا السواقه مالهاش كبير...
وعمر التمكن من السواقه ما كان في الجري او الغرز... " دي ربنا بيسترها"
التمكن من السواقة.
في التحكم في السيارة - والركن - والوقوف للمطبات وتخطيها - ونقل الغيارات
وتقدير الابعاد .... وحاجات تانية كتير.
أنا حاسس اني بسوق كويس ...
أنا بسوق من تانية اعدادي و اتعلمت على عربية بونيفيل (مركبة)
و سوقت بعدها مازدا 929 ستيشن لفترة طويلة
بس حكم الأخرين على السواقة مختلف
العض يرى القيادة الهادية هي السواقة الكويسة
و البعض يرى السرعة و التحكم
و أخرين يرون السواقه الجيدة في الركنة البسيطة
و ناس بتقول الحركات و التخميس و كده
انا من رأيي ان السواقه الكويسة هي انك تقدر تعمل اللي عايزه بالعربية "أيا كان" بالشكل اللي تقدره من خبرتك و مستوى عربيتك
سرعة التكيف على السيارات الجديدة عليك مهم
معرفة امكانيات و حدود السيارة مهم
مراعاة ملكيات الغير و أرواحهم أهم
مراعاة خطأ الغير هو قمة القيادة السليمة
و اوعى تنسى انك كل يوم بتتعلم
و السواقه ملهاش كبير
انا بقي الي بيركب معايا بيقول بعرف اسوق واتحكم في العربية حتي لو بجري بسرعة
بس انا شايف العكس اني لسه بتعلم انا بقالي سنة
بس فعلا السواقة في بلدنا تعلم الواحد يبقي بهلوان في السواقة
:B4_048: ملهاش كبير
ربنا يسترها:ask:
حسب الشخص يعني في ناس بتتعلم بسرعة وناس ببطء فمش ثابتة يعني بس تقريبا فترة شهر كفيلة انها تخلي الواحد معقول في السواقة
حاسس اني زي الاطرش في الزفة
انا اتعلمت السواقه من فتره قصيره من سنه ونص تقريبا
وسقت عربيات كتير لدرجة اني سقت نص نقل وكمان على طرق سريعه
لكن في فترات كبيره مبسوقش فيها وممكن اعد شهور ممسكش طاره
وفي كل مره اسوق فيها بحس اني اول مره اتعلم السواقه
التوتر & العربيه ممكن تطفي مني & مفيش تحكم في العربيه بشكل اقدر اخد منو ثقه في نفسي & لكن احسن حاجه اني متمكن من الفرامل مش عارف ليه !!!!
انا شايف ان طول ما الإنسان بيسوق يبقى لسه بيتعلم
انا بأسوق من 15 سنه تقريبا وأحيانا الواحد بيحس انه خلاص بقه محترف بس يحصل موقف يخللى الواحد يقول انا لسه بأتعلم لأن كل يوم الواحد بيسوق عربيته بيقابله مواقف جديده طبعا بيتعلم منها حاجات جديده
وفى مقوله أنا بأحبها جدا ......يظل العالم عالماً .. حتى يظن انه قد علم
هى الخبرة مهمة جدا بعدد الكيلومترات اللى عملتها
وكل يوم يعدى هاتكتشف انك بتتحسن كتير والحوادث البسيطة اللى كانت بتحصلك اول سنة واللى انت بتبقى فاكر انك مش غلطان فيها بتكتشف بعد كدة انك بخبرتك ممكن تلافيها وسيطرتك على العربية بتبقى افضل بكتير مع مرور 3 سنين تقريبا
وفى الاخر فعلا مفيش حد كبير على السواقة وربنا يستر طريقنا
و الواحد بيتعلم بيعمل حوادث خفيفه
لما الواحد بيبقي كويس شوية بيمشي كويس و مفيش حوادث
لما الواحد بيحس انه بقي محترف بيعمل الحادذه الكبيرة ربنا يعافينا كلنا
هو احنا كلنا بنسوق ببركه ربنا يعني اللي بيشوف اللي بيحصل في الشارع المصري فعلا ملوش اي علاقه بالسواقه ربنا اللي ممشيها
لانك لما بتسوق خسب قواعد السواقه الصحيحة الناس بتتضايق في الشارع
و لما بتبلطج برضة الناس بتتضايق
و لما تمشي براحه برضة الناس بتتضايق
لكن اللي بيركب معايا بيقول اني بسوق بسرعه معنه لما بيبقي معاه حاجة بيشربها مبتتهزش في ايدة يعني الحمد لله مفيش فرامل مفاجأة و لا انحرفات مفاجئة الا لو حد بقي من اللي بيقفوا فجأة و بيكسروا فجأة و كدة
باقرا الموضوع باستمتاع.. باتعلم و باستفيد :original:
بعد أول حادثة والحمد لله
بصراحة مقراتش كل الردود لان اجابتى معروفة
السواقة ملهاش كبير!
واحد صاحبى ملوش حل فى السواقة (عمل كل حاجة فى الدنيا)
فى الاخر بيرجع بالعربيه قام خابط اللى وراه كان راجل كبير معاه بولو ومقولكمش الراجل الكبير عمل ايه
السواقة مالهاش كبير حتى ابطال العالم بيعملو حوادث
بس في المقام الاول خبرة وممارسة
وانا عن نفسي بعد خمس سنين سواقة مش شايف نفسي جامد
ولسه كتير معرفوش
بقيت اسوق كويس بصراحه بعد سنة ونص تقريباً
انا بقالى 19 سنه بسوق و سوقت اكتر من 500 الف كيلو ب 5 عربيات ولسه بتعلم من أخطائى و اخطاء الغير
لكن مش هتحس انك عندك القدر الكافى من الخبره اللى تمكنك انك تتصرف و تتحكم فى اعصابك والعربيه الا بعد 5 سنوات فما فوق
السواقة مالهاش كبيررررررررررر وكفاية علينا الحناطير
لما تعرف تدور العربيه وتدى غيار وتقدر ابعاد كويس يبقى انت بتسوق ومن هنا اظن محدش هيعلى لان السواقه مالهاش كبير ابدا كل الى هيحصل انك هتاخد خبره مع الوقت
الافضل محدش يقول رأيه في نفسه
أخلاقك ومهارتك في السواقة (تقدير أبعاد العربية و الانتباه وسرعة رد الفعل) هي اللي بتحكم
من الآخر انت اللي بتعبر عن نفسك وانت سايق
أول حاجة غلط بتحصل هي إنك بتعترف لنفسك إنك بقيت سواق بريمو ..
وهذه هي بداية الخطر ..
السواقة والطريق ملهمش كبير ..
واسأل أي حد عن رأيه حينما قال لنفسه إنه بقى سواق محترف
هتلاقي المنصف منهم يقولك حصل لي حادثة كذا وكذا ...الخ
أنا عن نفسي شايف إن علامة التمكن في القيادة هي أمر واحد فقط
ألا وهو البعد عن الخطر
يعني تقدر تسوق بتمكن وتتعامل مع كل ظروف القيادة الصعبة والطريق مهما كان
لو الطريق هادي تكون هادي ومحترم
ولو الطريق مجنون تقدر تسايره وتتفادى أخطاء الغير ومتخافش
ولو الطريق مفتوح قدامك تسوق حسب إمكانيات عربيتك مع تقدير أي ظرف طارئ
ولو الطريق زحمة تقدر تتحكم في أعصابك وتصبر على الغباء وتتعامل معاه
وكل ده لا يتأتى إلا بمعرفة إمكانيات سيارتك ، وتقديرك لأسوأ الظروف
ورؤيتك الفعالة للطريق من قدام ومن ورا
وتجنبك لغباء وتهور ورعونة من حولك
وإنك تكون مصحصح ولا تقود تحت ظروف استثنائية من نعاس أو إرهاق وخلافه مهما حصل
وربنا يكفينا جميعاً شر الطريق وغباء السواقين وكلاحة العابرين
اللهم آمين
أنا بسوق والله من ثالثة إعدادي واتعلمت في السعودية لما كنت عايش هناك وسوقت العربات اللي كان نفسي اسوقها زي الكامري والكورولا واللاند كروزر بتاعة الوالد بس لما نزلت مصر في أول سنة في الكلية ماسوقتش خالص وكنت بشوف بس شكل الشارع والزحمة كنت بتخض
ولما سوقت وأنا في تانية كلية في مصر اتغير مفهمومي عن السواقة
يعني الأول بدل ماكنت بحترم الطريق والحارات وكده بقيت اشتم واعمل غرز وتجاوز على سرعة فوق ال 100كم/ساعة بس ربنا سترها طول السنة والعربية ماتحكتش بس لما رجعت السعودية كانت هنا المفاجأة
عملت حـــــــــــــــادثة صغيرة خلتني أتأكد أن السواقة مالهاش كبير
ولازم الواحد مايتغرش ان بيسوق ليه أد إيه لكن المهم التركيز في كل مرة تسوق فيها حتى لو بتسوق ليك مليوووووووووووون سنة
وطبعا المدة اللي انا سوقتها تعتبر ولا حاجة بالنسبة لرجالة المنتدى هنا وبرده حصل عليهم حوادث والحمد لله ربنا نجاهم
1111111