الموضوع: فيات ريجاتا

الريجاتا موديلاتها من 85 الي 91 تقريبا و كانت بديله لل 131:
سوقها حلو و عربيه مطلوبه و تلاقي منها حالات من اول 25 الف لحد 33 الف و نزل منها كذا موديل 70 و 85 و 100 لكن اللي مشهور في مصر هو ال 85 موتور 1500 سي سي 85 حصان و تقدر تفرقها بالشاشه اللي في التابلوه لتوضيح الاعطال.
ال 70 و ال 100 قليل لما تلاقيهم بس كلهم ايطالي مش تقفيل مصري.
لو عاوز تشتري واحده اهم حاجه تشوف اساسيتها كويس و تخلي سمكري يبصلك عليها لو سليمه اتوكل علي الله و اي شئ فيها تقدر تغيره في قطع غيار جديد و مستعمل و اسعاره معقوله