شركة "ساب" السويدية تعلن إفلاسها

**A.Saad** · 21-02-2009 06:04 PM

سادت السويد حالة من التشاؤم إزاء مصير شركة "ساب" للسيارات التي تملكها مجموعة "جنرال موتورز" الأمريكية.

وأشارت وسائل الإعلام إلى انتهاء عهد هذه الشركة السويدية وانهيارها بعد أن تقدمت بطلب لحمياتها من الإفلاس.

وكانت "ساب" قد تقدمت بطلب لحمايتها من الإفلاس ولكنها قررت مواصلة الإنتاج بشكل مؤقت والاحتفاظ بعمالها البالغ عددهم 4100 عامل.

وكانت مجموعة " جنرال موتورز" قد أكدت حرصها على استقلال شركة "ساب" في المستقبل ، مشيرة إلى أن عمليات الإنتاج ستستمر تحت إشراف مدير قضائي.

الجدير بالذكر أن "ساب" أنتجت العام الماضي 2008 نحو 94 ألف سيارة ولكنها تسجل خسائر منذ عدة سنوات.

وجاءت خطوة طلب الإفلاس بعدما ذكرت الحكومة السويدية أنها لن تستحوذ على "ساب" بعد أن أعلنت "جنرال موتورز" اعتزامها التخلص منها في إطار خطتها لإعادة الهيكلة

عقبال التجار الحرامية اللى عندنا

**M.Osman** · 21-02-2009 06:26 PM

مش عارف ليه اول ما قريت العنوان افتكرت شركة زاس او Zas .. المصرية للطيران ...

اللي فلست برضه ( على حد علمى )

**medo_2060** · 21-02-2009 07:37 PM

عقبال الرأس الكبيره والبقيه تأتى

**zeyad1810** · 23-02-2009 04:12 AM

ولسة الباقى دة احنا داخلين على ايام ما يعلم بيها غير ربنا
خلوها تصدى

**hishamanilka** · 23-02-2009 11:09 AM

انا عايش في السويد وعربيات الساب اتضربت هنا والمستعمل منها رخص جامد لان محدش عاوز يشتري ساب بعد افلاس الشركه اما الجديد بقي سعرها زاي ما هوه بس حصل تسهيلات في البيع كبيره وباقل الضمانات ولسه

**Karim_Monir** · 23-02-2009 11:52 AM

خسارة والله شركة عريقة زي دي
مش بعيد تلاقي بكرة شركة صيني اشتريت الشركة وخدت تكنولجيا ساب تنزلهم في عربياتهم الصيني

**CryptonX** · 23-02-2009 01:04 PM

المشاركة الأصلية كتبت بواسطة karim_monir

خسارة والله شركة عريقة زي دي
مش بعيد تلاقي بكرة شركة صيني اشتريت الشركة وخدت تكنولجيا ساب تنزلهم في عربياتهم الصيني

ومش بعيد تيجي مصر في الاخر .. و تبقى سابيو او سوبيا ..

او سبوبة

و يعملوا في الاخر .. كلوب! هي هي هي .

--

بس طبعا يا جماعة الازمة العالمية الي الشركات عمالة تلفس بسببها .. بعيدة كل البعد عن مصرنا الرشيدة !

و شركة النصر حاليا معندهاش اي مشاكل .. لانها معندهاش اي انتاج اصلا ..