ياريت تنصحونى : ايه رأيكم بايونير 4050 مع سماعات صينى ؟

**Lion_Heart** · 22-02-2009 08:48 AM

ايه رأيكم عاوز أجيب كاسيت cd بايونير 4050 مع سماعات صينى تكون كويسة , هل بكده ممكن أحسن الصوت ؟ لأن بصراحة الماركات المشهورة من السماعات غالية أوى حاليا فصعب انى أجيب كل حاجة دلوقت فتنصحونى بايه ؟؟.

**Terrible_DaRsH** · 22-02-2009 09:20 AM

ال 4050 كويس وسعره معقول جدا ..
انما حكاية السماعات الصينى دى .
فبلاش احسن .. ممكن تشوفلك اى حاجة بيونير مستعملة و تكون نظيفة احسن من الصينى ..
او قول انت حاطط رنج كام للسماعات وانا هقولك ايه اللى ممكن يكون مناسب ..

**Lion_Heart** · 22-02-2009 09:33 AM

ممكن من 200 ل 300 جنيه لكن للأربع سماعات 2 خلفى و 2 تابلوه

**Terrible_DaRsH** · 22-02-2009 09:56 AM

ممكن من 200 ل 300 جنيه لكن للأربع سماعات 2 خلفى و 2 تابلوه

تقصد 2 خلفى و 2 للابواب ولا للتابلوه فعلا ؟
عموما المبلغ ده ممكن تجيب سماعتين 400 وات بيونير وهيزيد سعرهم حاجة بسيطة جدا جدا .
او ممكن تجيب سماعتين بيونير 140 W ب 165 جنيه وبالباقى تجيب سماعتين صينى لانى بصراحة معرفش سعر الصينى ...
بس احسن تجيب 400 وات وكمان شوية تجيب جى ام صغير ليهم والصوت هيبقي تمام ..

**Lion_Heart** · 22-02-2009 10:48 AM

اقصد 2 سماعة خلفى و 2 فى التابلوه لأن معنديش فى الابواب لكن قى التابلوه .

**Terrible_DaRsH** · 22-02-2009 11:05 AM

المشاركة الأصلية كتبت بواسطة Lion_Heart

اقصد 2 سماعة خلفى و 2 فى التابلوه لأن معنديش فى الابواب لكن قى التابلوه .

طيب انت ممكن تعمل فى الابواب عادى جداا وبتوزع الصوت احلى فى العربية وكمان لو جبت سماعات ابواب صينى مش هتفرق زى ما تركبهم فى الرف ورا ..
المهم شوف انت هتقرر ايه الاول ..

**محمد فريد** · 22-02-2009 05:52 PM

السماعتين السيمفونى 500 وات ب 150 جنيه البيضاوى
سماعتين سيمفونى مدورين للتابلوه بتاع 50 جنيه
دى احسن حاجه فى الصينى

**Lion_Heart** · 22-02-2009 06:07 PM

المشاركة الأصلية كتبت بواسطة محمد فريد

السماعتين السيمفونى 500 وات ب 150 جنيه البيضاوى
سماعتين سيمفونى مدورين للتابلوه بتاع 50 جنيه
دى احسن حاجه فى الصينى

معلش سؤال لقلة الخبرة ,
يعنى بكده أسأل عن ماركة سيمفونى فى الصينى , و يا ترى الماركة دى منتشرة و مش محتاجة بحث ولا نادرة ؟؟

**محمد فريد** · 22-02-2009 08:41 PM

ههههههه موجودة يباشا ومغرقة السوق وفى اسعار فيها اقل من كده كمان يعنى انا عندى سماعتين جايين فى العربية وصوتهم حلو اوى مع انهم 280 وات ومشغلهم على بايونير 2050