إستفسار بخصوص فيات تمبرا

**ZALABANY** · 22-02-2009 08:56 AM

امبارح وانا مسافر في فيوز جوا العربيه ضرب شيلته وحطيت واحد تاني ضرب برده
المهم وصلنا للفيشه اللي عامله الأفله وهي فيشه واصله في المانافو اللي فوق الموتور على طول رحت للكهربائي قالي ان ده حساس بايظ وعايز يتغير
رحت للميكانيكي قالي العربية الكربيراتير ما فيهاش حساسات أصلا ده سخان بيتكثف فيه الزيت والبنزين وما لوش لازمه ومش هاتلاقيله قطع غيار أصلا وكبر دماغك ما تعملوش بس انا مش مقتنع بالكلام ده ياريت لو حد عنده علم بالقصه دي يدلني
الحاجه التانيه بسمع صوت تخبيط في المطبات والعفشجي قالي ممكن تكون علبة الدركسيون الإسكاترا
السؤال هل العلبه دي بتتصلح وبتتصلح عند مين لأن سألت على علبة الدركسيون للتمبرا الباور لقيتها ب 4500 جنيه عند محمد يوسف

**galilio_mad** · 22-02-2009 10:12 AM

ممكن صورة واضحة للفيشة ؟
فى الانجكشن بيبقى فى ترموستات فى المانيفولد و بصراحة مش فاكر موجود فى الكاربراتير و لا لأ

علبة الدركسيون الباور بتتصلح فى شارع شامبليون ( من 200 الى 350 ج حسب العيب و حسب شطارتك )
انا عملت اويلسيلات للعلبة عندى منم حوالى سنة و الحمد لله شغاله بدون مشاكل

و بعدين فى حاجة اسمها عفشجى بيقول يمكن - شوف اكتر من رأى قبل ما تعمل اى حاجة

**ZALABANY** · 22-02-2009 10:20 AM

galilio_mad باشا تسلملي دايما بنصائحك ومشورتك فين بالظبط في شارع شامبليون يا باشا

**galilio_mad** · 22-02-2009 07:02 PM

فى كذا حد , اللى انا روحتلة اسمه شريف ( من شارع رمسيس - فى نص الشارع اللى قدام جمعية الشبان المسلمين )
انا كان عندى كارت حادور عليه و لو لقيته حاقولك بالضبط

و بالتوفيق

**ZALABANY** · 22-02-2009 08:31 PM

انا رحت للميكانيكي والكهربائي النهارده وأجمعوا إن الفيشه اللي ضربة الفيوز دي فيشة السخان في المانيفولد ودي ما لهاش استخدام عنانا عشان دي معموله للبلاد البارده
هل الكلام ده صح يا شباب ولا السخان ده ليه فايده تانية

**halimo** · 22-02-2009 10:33 PM

لو فيشة السخان يبقى ملهوش لزمة دة لاوروبا فقط
بالنسبة لعلبة الدركسيون مش اى حد يحشيها خصوصا انها باور لكن لو مش باور اى حد يحشيها وانا شخصيا مفضلش تحشيها افضل اشترى مستعمل نفس تمن الحشو وحتعيش معاك.

**ahmed_su** · 22-02-2009 10:53 PM

بص ياريس هى فعلا فيشة سخان المانيفولد

وهى بتسخن شحنة الهواء/البنزين وفى بلدنا الجو حار

مش هتفرق كتير

علبة الدركسيون عملتها فى شمبليون عند واحد اسمه القبطان

هو قبطان بحر سابق كان قلى عليه امام الميكانيكى

واتكلفت 350 +ضمان 6 شهور للاسف نمرته مش معايا

دلوقتى انما ممكن تستشير امام فى موضوع علبة الدريكسيون

ويديلك نمرة القبطان .

**ZALABANY** · 23-02-2009 07:53 AM

شكرا يا أحمد باشا على نصايحك الغاليه بس في سؤال أخير لو فكيت علبة الدركسيون ووديتها تتعمل بتتصلح وانا واقف ولا بتاخد وقت اد ايه تقريبا
galilio_mad باشا
مش عارف أقولك إيه بصراحة بس إنت فعلا ما شاء الله عليك أستاذ

**galilio_mad** · 23-02-2009 10:14 AM

ما خدتش معايا ساعة , بس انا كنت واخد العلبة مفكوكة
ممكن تفكها عند حد ثقة انت بتتعامل معاه و يقفلهالك تانى
او انك تروح بالعربية و هما بيفكوا و يركبوا بس بيبقى فى فلوس زيادة

اهم حاجة و انت فاكك شيك على الخراطيم و الاويلسيلات و البلوف عشان لو فى حاجة تظبطها بالمرة
و ابقى قولنا عملت ايه

-

الموضوع: إستفسار بخصوص فيات تمبرا

LinkBack

أدوات الموضوع

عرض

-

-

-

-

المواضيع المتشابهه

فيات تمبرا

فيات تمبرا

طلب نصيحه بخصوص فيات تمبرا

فيات تمبرا

فيات تمبرا !!

الكلمات الدلالية لهذا الموضوع

المفضلات

المفضلات

ضوابط المشاركة